Fréttatíminn - 29.10.2010, Síða 65

dægurmál 65Helgin 29.-31. október 2010
 plötudómur
Þ eir eiga það sameiginlegt með jasmínblóminu að opna sig á kvöldin. Eða eigum við
að segja í ljósaskiptum ævi sinnar.
Það væri stílbrot
í umfjöllun um
Keith Jarrett og
Charlie Haden
að eyða plássi í
upprifjun um feril
þeirra. Það bæri
framvinduna
ofurliði. Þegar
þeir spila hættir
stundin að snúast um þá tvo og
bráðnar saman í fullvissu um að
allt sé rétt og næsta andartak muni
af þolinmæði fagna því að renna
saman við fullkomna mynd.
Jasmíntónarnir koma ekki beint
á óvart en eru eins og sjálfstætt
framhald af Melodies at Night
with You frá 1999 sem kom út í
kjölfar langrar pásu Jarretts frá
tónleikahaldi og hljóðritunum.
Sú plata hitti aðdáendur beint í
hjartastað með því sem virtist vera
óvenju hægferðug og brothætt
spilamennska, enda pásan tilkom-
in af síþreytuvanda píansitans.
Það sækja alvarlegar pælingar
á Jarrett sem lýsir yfir dauða listar-
innar í bæklingi Jasmine. Hún
víkur, ásamt hlustuninni, fyrir
leiktækjum og brellum. „Nálægðin
þarf ekki endilega að vera líkam-
leg,“ segir hann og býður í staðinn
hljóðrit fyrir þá hlustendur sem
eftir eru, til að gera við sem þeim
sýnist.
Hvort Jarrett er að lýsa yfir að
hann hugsi sér að hætta tónleika-
haldi verður ekki ráðið í hér. Víst
er að dúettinn verður ekki síður
eftirsóttur á jazzhátíðir heimsins
en hið magnað tríó Jarretts sem
er ein lífseigasta jazzhljómsveit
veraldar.
Reynsluheimar Hadens og Jar-
retts eru með ólíkindum og er
þessi yfirlætislausa plata því gott
dæmi um hversu langa leið tveir
listamenn geta farið að einföldum
áfangastað. Þeir eru hvor um sig
eins og heil pláneta á jazzhimn-
inum og því ekki að undra að
útkoman verði góð þegar þeir lúta
um stund aðdráttarafli sameigin-
legrar tónlistar.
Það þarf úrvalsmannskap til að
magna seiðinn mátulega án þess
að malla úr honum kraftinn. Þó
að höfundarnir séu margir býsna
frægir eru lögin það ekki og valið
á þeim meðal þess sem gerir heild-
armyndina eins heillandi og raun
ber vitni. Ástarsöngvar þurfa ekki
gildishlaðnar yfirlýsingar í orðum
þegar kvöldblómið opnast svona
hiklaust og vingjarnlega. Það er
ekki hægt annað en að hlusta og
trúa því að kannski sé ennþá lífs-
mark með listinni.
Pétur Grétarsson
pegre@simnet.is
Plánetur á
jazzhimn-
inum

Jasmine
Píanistinn Keith Jarred
og bassaleikarinn Char-
lie Haden flytja átta ást-
arsöngva
Sú ástsæla hljómsveit Sálin hans Jóns míns blæs, í bókstaf-
legri merkingu, til stórtónleika í Laugardalshöll laugardag-
inn 13. nóvember. Tilefnið er útgáfa Upp og niður stigann,
fyrstu hljóðversplötu sveitarinnar frá árinu 2005.
Lúðrablástur er áberandi á plötunni og því hafa Sálarmenn
fengið til liðs við sig þrettán blásara úr Stórsveit Reykja-
víkur sem fullyrða má að séu í hópi fremstu brassmanna
lýðveldisins.
Dagskrá tónleikanna verður tvískipt, en leikin verða nokk-
uð jöfnum höndum lög af nýju plötunni og þekkt lög frá ferli
sveitarinnar, sem skreytt verða kraftmiklum lúðrablæstri.
Um einstakan viðburð er að ræða og tónleikarnir verða ekki
endurteknir þannig að harðir aðdáendur Sálarinnar ættu að
huga að því að tryggja sér miða í tíma.
 sálin hans Jóns míns stórtónleikar í höllinni
Sálin og brassmenn lýðveldisins
Sálarmenn hyggjast
trylla lýðinn í Höll-
inni með stórsveit
blásara. Ljósmynd/
Hörður Sveinsson