Keflavíkurgangan - 19.06.1960, Qupperneq 35

Við viljum endurvekja heilbrigðan þjóðarmetnað íslend-
inga og trú þeirra á, að þeim sé eftirsóknarvert og kleift að
búa einir í landi sínu við óskorað sjálfstæði.
Við viljum vekja þjóðina til þeirrar virðingar fyrir sjálfri
sér, að hún kjósi með fordæmi sínu að fylgja fram eftir
fremsta megni kröfunni um afvopnun og alheimsfrið.
Með þessum hætti viljum við styðja af alefli þá stefnu,
að herveldin, jafnt í austri sem vestri, hverfi á burt með heri
sína úr löndum annarra þjóða og slíðri síðan ógnarvopnin.
Hlutlaust ísland á að vera framlag íslenzku þjóðarinnar í
þjónustu lífs og friðar.
Magnús Kjartansson:
Svo lengi geta menn búið við óþrif að þeir verði samdauna
þeim og hætti að veita þeim athygli. Ef menn ganga lengi
undir fargi verður byrðin hluti af þeim, þeir kreppast
og bogna og finnst það eðlilegt og óhjákvæmilegt að geta ekki
gengið uppréttir. Einmitt þannig er nú verið að reyna að leika
okkur íslendinga. Það er verið að gera okkur samdauna her-
náminu, venja okkur svo við farg erlendrar hersetu að við
göngum ekki framar upprétt í landi okkar. I meira en 20
ár hafa erlendir herir dvalizt hér á landi, og verulegur hluti
þjóðarinnar þekkir ekki annað ástand af eigin raun. Öll saga
íslenzka lýðveldisins er hernámssaga, líkt og ákvæði hafi ver-
ið sett um það í stjórnarskrána að við skyldum lifa undir
erlendu oki um alla framtíð. Og hið erlenda vald reynir að
venja okkur við áhrif sín og yfirráð á öllum sviðum; nú síð-
ast hafa erlendir sérfræðingar þess fyrirskipað okkur hvernig
við eigum að haga efnahagsmálum okkar; það hefur verið
sett nýtt hernámsgengi á íslenzku krónuna, reiknað út af
bandarískum sérfræðingum og íslenzkum aðstoðarmönnum
þeirra; við erum látin greiða hernámsverð fyrir nauðsynjar
okkar og fyrir vinnu okkar fáum við skammtað hernáms-
kaup. Þannig er á öllum sviðum reynt að gera hernámið að
hluta af lífi okkar, að einskonar náttúrufyrirbæri eins og and-
rúmsloft, sól og regn; það er verið að reyna að gera herbúðir
og morðtól og stríðsdáta að hluta af íslenzku landslagi eins
Þegar tók að líða á átjándu öldina taka fjötrarnir smám
saman að rakna vegna drengilegrar baráttu beztu sona ís-
lenzku þjóðarinnar á þeim tíma. Sú barátta einkenndist af
ósérplægni, staðfestu og sterkum vilja til að verða þjóð sinni
að gagni. f þeirri baráttu ber mest á Jóni Sigurðssyni, hinum
ódeiga baráttumanni, sem vildi og þorði að standa þar sem
eldurinn var heitástur, enda er nafn hans geymt innst inni í
hjarta hvers þess manns sem með réttu getur kallar sig fs-
lending. í framhaldi af baráttu hans öðlaðist land okkar full-
veldi 1918 og lýðveldi var stofnað 1944.
Á síðustu tuttugu árum hafa verið að ske alvarlegir at-
burðir í sjálfstæðismáli okkar, atburðir sem skilja eftir sig
djúp sár í vitund margra, atburðir sem skiptu okkur meira
máli en nokkuð annað.
Það byrjaði árið 1940, þegar brezkt lið hernam land okkar.
Síðan rak hver atburðurinn annan, sem einkenndist af nauð-
samningum, blekkingum og svikum gagnvart þjóð okkar, þar
sem við höfum verið látnir bindast harðstjórum og nýlendu-
kúgurum í hernaðarbandalag til að viðhalda styrjaldarótta
í heiminum, svo að vopnaframleiðsla bandarískra auðjöfra
minnkaði ekki.
Skilyrðislaus krafa okkar allra er úrsögn úr Atlanzhafs-
bandalaginu og uppsögn hins svokallaða verndarsamnings.
Við viljum ekki vera í bandalagi við Breta sem hafa sýnt
okkur meiri fjandskap en nokkur önnur þjóð.
Við hefðum ekki átt að vera í bandalagi við Syngman Rhee,
sem sagður var vera ástríkur faðir og verndari þjóðar sinnar.
Við eigum ekki að vera í bandalagi með hollenzkum og
belgískum nýlendukúgurum. Við eigum ekki að vera í banda-
lagi við Vestur-Þýzkaland þar sem styrjaldarstefnan og naz-
isminn hreiðraði um sig.
Það er smán fyrir okkur að hafa verið í bandalagi við tyrk-
neska stjórn sem myrti þegna sína.
Við krefjumst þess að stjórn fslands hætti að lúta svo lágt
að taka afstöðu með stríðsæsingamanninum Sjangkai Sék.
Forystumenn okkar eiga ekki að fylgja Franco á Spáni,
sem brauzt til valda og drap sína eigin landa með aðstoð
þýzkra nazista.
Við eigum ekki að vera í bandalagi við franska stjórn, sem
hefur unnið sér það helzt til frægðar að ætla að drepa alla
Alsírbúa, og við ætlum okkur ekki að vera í bandalagi við
Bandarikjastjórn sem stendur á bak við alla nýlendukúgara
og styður þá hernaðarlega og ætlar sér með því að vernda
dauðadæmt skipulag.
Þjóð vor er of stolt af sögu sinni og fornum afrekum,
bæði bókmenntalegum og líkamlegum, til að þola smán er-
lendra leppa þeirra mótaðgerðalaust, og andstæðingar her-
námsins er afl, sem á ekki að letja aðgerða.
Tökum höndum saman og notum hvert tækifæri sem gefst
til virkrar baráttu, svo ísland megi aftur verða alfrjálst.
Keflavíkurgangan
33