Fréttatíminn - 06.12.2013, Qupperneq 28

Þ etta var mjög erfiður tími og ég man sérstaklega eftir jólunum 2011 þegar maður var að fara í boð og allir voru að hrósa
leiknum. Á þeim tímapunkti vorum við
með tugi milljóna á yfirdrætti og ég eigin-
lega orðinn fræðilega gjaldþrota þó það
hafi ekki komið bókstaflega til þess. Ég
hafði ekki getað borgað sjálfum mér laun
og þurfti að fá lán frá fjölskyldu til þess að
greiða leigu og ég átti ekki neitt. Þá var
ég mjög nálægt því að hætta þessu öllu
saman. Út frá þessu, held að það hafi verið
janúar eða febrúar á síðasta ári, fór ég und-
ir feld og hugsaði, á ég að hætta þessu, á
ég að gefast upp?,“ segir Þorsteinn B. Frið-
riksson, stofnandi og forstjóri Plain Van-
illa, um tímann eftir útgáfu fyrsta leiksins
sem félagið hannaði, The Moogies.
QuizUp leikur Plain Vanilla, sem kom út
þann 7. nóvember síðastliðinn, hefur verið
mest sótta ókeypis smáforritið, samkvæmt
ITunes í Bandaríkjunum. Starfsmönnum
Plain Vanilla hefur tekist að skapa nýjan
samfélagsmiðil og leik sem hefur fengið
gríðarlega góð viðbrögð en hundruð ef
ekki þúsundir leikjaframleiðenda keppast
um að komast áfram á þessum grimma
markaði í viku hverri.
Andrúmsloftið er rafmagnað á skrif-
stofu Plain Vanilla á Laugaveginum.
Eftir að venjulegum vinnudegi lýkur hjá
flestum hefst dagur fjölmennasta hóps
notenda QuizUp, eða Bandaríkjamanna.
Hins vegar tekur vinnutörn yfirleitt við hjá
mörgum starfsmönnum Plain Vanilla því
þeir þurfa að bregðast við áreiti og þjón-
usta sína viðskiptavini sem starfa erlendis.
Þorsteinn tekur á móti mér á efstu
hæð í húsi við Laugaveg en Plain Vanilla
er reyndar með vinnuaðstöðuna sína á
tveimur hæðum. Skrifstofurnar eru á flott-
asta stað í bænum með glæsilegt útsýni
yfir borgina. Vinnuaðstaðan er mjög kósí,
heimilisleg, flott og einföld en Þorsteinn
er mjög hrifinn af einföldum lausnum
enda dregur nafn félagsins Plain Vanilla
þess merki.
Dýrmæt reynsla af fyrsta leiknum
„Ég stofnaði fyrirtækið Plain Vanilla fyrir
þremur árum en þá var ég nýkominn heim
úr hálfgerðu frumkvöðlanámi úti í Bret-
landi. Ég hef alltaf haft gaman af símum
og tækni en þegar ég kom heim þá langaði
mig að taka þátt í þessari „mobile“ eða
snjallsímabyltingu sem var að eiga sér
stað. Það er eitt sem maður lærir í þessum
geira að maður á að reyna að staðsetja sig
á mörkuðum sem eru vaxandi og þetta var
einn af þeim mörkuðum sem vaxa hraðar
en nokkur markaður í sögunni og því voru
sannkölluð tækifæri þar,“ segir Þorsteinn.
„Fyrsta hugmyndin var að búa til virkilega
vandaðan leik fyrir ung börn. Ég eyddi til
dæmis mikilli orku í að fá íslenska lista-
menn og við lögðum mikið í þessa vinnu,“
segir Þorsteinn. Fyrsta ár Plain Vanilla
fór í að hanna þann leik, The Moogies. Á
þeim tímapunkti var Þorsteinn ekki með
neina fjárfesta og setti eigið fé í fyrirtækið
í formi yfirdráttalána.
„Ég setti allt mitt fé í félagið og gaf leik-
inn The Moogies út nákvæmlega fyrir
tveimur árum, eða í nóvember 2011. Nið-
urstaðan var að hann gekk mjög illa,“segir
Þorsteinn.
Segir hann að The Moogies hafi fengið
mjög mikla umfjöllun á Íslandi enda um
mjög fallega vöru að ræða sem gefin var
út af stórum útgefanda erlendis.„Ég var
gestur í Kastljósinu og þetta var mikið
ævintýri, ekki ólíkt því sem ég er að upp-
lifa núna, bara í minni skala. Allir héldu að
The Moogies myndi ganga rosalega vel.
Þegar við gáfum hann svo út þá kom í ljós
að hann selst ekki neitt. Og þá sá ég hvað
markaðurinn var grimmur og samkeppnin
mikil alls staðar. Ég sá það strax eftir
viku að við myndum ekki einu sinni fá
Leikurinn og
samfélagsmið-
illinn QuizUp
hefur verið mest
sótta ókeypis
smáforrit í ITunes
í tvær vikur frá
útgáfu þann 7.
nóvember síðast-
liðinn. Starfs-
menn Plain Van-
illa sem hönnuðu
leikinn vinna nú
að því að gefa
út QuizUp fyrir
android síma í
janúar. Þorsteinn
B.Friðriksson,
forstjóri Plain
Vanilla, segir við-
tökurnar framar
björtustu vonum.
„Með vinsælustu leikjum
í heimi á nokkrum vikum“
upp í kostnað af leiknum. Það er mjög erfitt
að koma til baka eftir vonda upphafsdaga í
þessum heimi,“ segir Þorsteinn. Þeir sem
unnu að leiknum voru þrír til fjórir ásamt
fjölda annarra verktaka sem komu og áttu að
fá hlutdeild af gróða sem var síðan enginn.
Þorsteinn ákvað þó að gefast ekki upp og
reyndi að fá fjármagn í félagið. Sótti hann
í alla mögulega sjóði hér á landi. „En þar
fékk ég mjög neikvætt viðhorf og ég held að
það hafi verið að miklu leyti vegna þess að
fyrsti leikurinn gekk ekki vel. Mér fannst
ég hafa lokað mjög mörgum dyrum með til-
liti til fjárfestingamöguleika og þeir vildu
helst ekki koma nálægt mér. Við fengum nei
alls staðar,“ segir Þorsteinn. „Ég vissi að ég
þyrfti að koma með nýja hugmynd og eftir
þá reynslu sem við höfðum með gengi The
Moogies þá kom hugmyndin um QuizUp,“
segir Þorsteinn.
Þorsteinn sýnir mér innrammaða teikn-
ingu um hugmyndina á bakvið QuizUp
sem hann hafði teiknað þegar hann var að
„brainstorma“ til að sýna vini sínum fyrir um
það bil tveimur árum en hann starfar í dag
sem fjármálstjóri Plain Vanilla. „Hugmynd
vaknaði um samfélagsvef þar sem fólk gæti
verið að keppa á rauntíma og á móti hvort
öðru. Það gæti kynnst nýju fólki sem hefði
áhuga á sömu hlutum. Samfélög yrðu þá til í
kringum mismunandi áhugamál. Þá vissi ég
að hugmyndin var komin,“ segir Þorsteinn.
Ekki tókst að fá fjárfesta hér heima en
Þorsteinn vissi að hugmyndin var góð og
ákvað þá að kaupa sér flugmiða til San
Francisco ásamt tveim forriturum. „Ég fór
þangað því að ég vissi að Facebook, Apple
og Google voru þar. Okkar hlutverk var að
búa til „prótótýpu“ til að sýna og fá fjárfesta
í lið með okkur. Við máttum vera í landinu
í nákvæmlega þrjá mánuði enda voru við
eins og ferðamenn. Við höfðum ákveðna trú
um að við gætum klárað þetta,“ segir hann.
Framhald á næstu opnu
Ég hafði ekki
getað borgað
sjálfum mér
laun og þurfti
að fá lán frá
fjölskyldu
til þess að
greiða leigu
og ég átti
ekki neitt. Þá
var ég mjög
nálægt því að
hætta þessu
öllu saman.
Þorsteinn hafði alltaf trú á hugmyndinni bakvið
QuizUp og treysti sínu eigin innsæi. Hann sér ekki
eftir því og í dag er fólkið á bakvið Plain Vanilla
eins og ein stór fjölskylda. Ljósmynd/Hari
28 viðtal Helgin 6.-8. desember 2013