Fréttatíminn - 23.11.2012, Blaðsíða 36

E
N
N
E
M
M
/
S
ÍA
/
N
M
5
5
3
12
siminn.is · 8004000@siminn.is
Vertu með símkerfið
í öruggum höndum
hjá Símanum
Fyrirtæki
Fast mánaðargjald
fyrir aðgang
að IP símkerfi
Símavist hentar flestum gerðum fyrirtækja,
óháð stærð og starfsemi.
Með Símavist býðst fyrirtækjum að leigja IP símkerfi gegn
föstu mánaðargjaldi sem ræðst af fjölda starfsmanna sem nota
kerfið. Símkerfið er hýst í vélasölum Símans og fyrirtæki þurfa
ekki að fjárfesta í vélbúnaði eða stýrikerfum.
Hafðu samband við Fyrirtækjaráðgjöf
í síma 800 4000 og sérfræðingar
okkar finna hagkvæmustu lausnina
fyrir þitt fyrirtæki.
eftir honum“) þegar hann gekk til liðs
við frægan dansflokk. Í vetur mun Ís-
lenski dansflokkurinn sýna verk eftir
strákinn og er Katrín að vonum stolt
af sínum. Það var samt ekki langt í
fordómana þegar Frank Fannar var
yngri og í dansnámi. „Þetta var stund-
um svoldið tabú í hans kreðsum. Við-
horfið í samfélaginu hefur sem betur
fer breyst frá því þá en enn eigum við
töluvert langt í land.“
Aðspurð um hvað veldur því að
við séum ekki komin lengra þá segir
hún þetta oft vera sök okkar foreldr-
anna. „Af hverju sendum við syni
okkar bara í fótbolta? Oft erum við að
yfirfæra okkar eigin fordóma yfir á
börnin. Ég vil hinsvegar benda fólki á
að það er frábær undirbúningur undir
lífið að vera í dansi. Það sýnir líka
eftirspurnin og í dag eru allir listdans-
skólar löngu sprungnir.“
Eftirspurnin eftir námi í dansi
hefur líka skilað sér í auknu áhorfi á
sýningar hjá Íslenska dansflokknum í
tíð Katrínar. Hvort kom á undan eggið
eða hænan í því efnum skal látið ósagt
en dansinn er inni. Nú er líka komið
háskólanám í dansi en fyrir örfáum
árum hóf Listaháskólinn að kenna
dans. Í því námi er einn strákur og
eins og frægt var í fréttum síðustu
viku þá deilir hann sturtu með stelp-
unum. Það hlýtur samt að standa til
bóta því fleiri og fleiri strákar eru að
byrja að dansa.
Shakira og So You Think You Can
Dance
Katrín flutti heim frá Köln gagngert
til að taka við Íslenska dansflokknum.
Hún hafði fengið frábært uppeldi
hjá Tanz-Forum undir dyggri stjórn
Jochen Ulrich sem var brautryðjandi
og goðsögn hvað nútímadans í Þýska-
landi varðar, líkt og Pina Bausch. Þau
eru reyndar bæði látin í dag, Jochen
og Pina, en Katrín var ávallt mikill
aðdáandi Pinu og sótti allar sýningar
hennar meðan hún bjó í Þýskalandi.
Það sem höfðaði meðal annars svo
sterkt til hennar varðandi Pinu var að
hún laðaði að sér dansara sem voru
sterkir karakterar. Hún gerðist einu
sinni svo fræg að hitta Pinu og það var
eftir að Katrín kom heim til Íslands
Katrín er ein af dómurum
vinsælasta sjónvarpsþáttar
landsins.
og Gíó, maðurinn hennar, sem þá
var Borgarleikhússtjóri (um tíma
var hann leikhússtjóri Borgarleik-
hússins og hún listrænn stjórnandi
Íslenska dansflokksins sem er í
sama húsi) flutti Pinu og dansflokk
hennar til landsins.
„Allt í einu sat átrúnaðargoðið
mitt bara heima í stofunni hjá mér,“
segir Katrín sem hefur sjálf sett
mark sitt mjög á íslenskt danslíf.
Fyrir henni er þetta líka hugsjón
(„það verður engin dansari út af
laununum því þau eru ömurleg“)
og henni er mikið niðri fyrir þegar
hún talar um að hefja dansinn til
vegs og virðingar. Hennar framlag
hefur samt verið áreynslulaust. Það
er eins og velgengnin hreinlega leiti
hana uppi. Hún fór að dansa í Köln
af því hún kynntist Jochen þegar
hann setti upp sýningu hér heima.
Katrín samdi líka dansa fyrir Shak-
iru af því að hún sá stuttmynd sem
Katrín og Reynir Lyngdal gerðu
sem part af norrænu verkefni.
„Einn daginn mætti ég vinnuna
og fékk þau skilaboð að umboðs-
maður Shakiru væri að reyna að ná í
mig. Ég hélt að það hlyti að vera ein-
hvers konar gabb,“ útskýrir Katrín
en seinna kom í ljós að Shakira og
hennar fólk höfðu leitað logandi ljósi
að einhverri „Katrín Hall“ á Íslandi
og Katrín endaði með því að semja
dans fyrir myndband poppsöng-
konunnar. Það kallaði svo á athygli
frá So You Think You Can Dance í
Bretlandi:
„Það var mjög skemmtilegt verk-
efni en ögrandi. Þú færð takmarkað-
an tíma með dönsurunum og mjög
stuttan tíma fyrir framan myndavél-
arnir. Svo er það bara bein útsend-
ing með Nigel Lithgoe í dómarasæt-
inu og eina sem hægt er að gera er
að krossleggja fingur og vona það
besta.“
Jákvæður dugnaðarforkur
Bræður Katrínar, Frank og Bjarni
Lárus, segja hana koma fyrir ná-
kvæmlega eins og hún er í sjón-
varpinu sem dómari Dans, dans,
dans. Þar er hún hlý en ákveðin og
með að virðist mjög jákvætt lífs-
viðhorf. Hún hefur sterkar skoð-
anir en þær spegla aldrei neikvætt
viðhorf til fólks eða samfélagsins
almennt.
„Hún hefur alltaf verið ótrúlegur
dugnaðarforkur,“ segir Frank og
bætir við að stóra systir sín hafi frá
upphafi verið algjör töffari. „Hún
var alltaf að og tók hluta MR utan-
skóla svo hún gæti dansað með
Íslenska dansflokknum. Ég var
unglingur þegar hún fór til Þýska-
lands og maður fann hvað hún
var búin að leggja ótrúlega mikið
í þetta. Enda var dansflokkurinn
sem hún var hjá í níu ár í Þýska-
landi ótrúlega flottur.“
Leiðir Franks og Katrínar hafa
stundum legið saman uppi í Borgar-
leikhúsi. Hann hefur komið að
verkum Íslenska dansflokksins sem
höfundur tónlistar og þeir Bjarni
Lárus taka undir að þeim finnist
Katrín frábær stjórnandi og það
ekki bara þegar skreyta á jólatréð.
Nú er framundan að klára Dans,
dans, dans. Katrín kennir auk þess
í dansdeild Listaháskóla Íslands. Í
desember fer hún og vinnur með
sænskum dansflokki, þýskum í
janúar og apríl og svo framvegis.
Það er margt á teikniborðinu en
Katrín hafði ákveðna sýn fyrir
sextán árum. Hún breytti íslenska
dansflokknum í nútímalegan flokk
sem á erindi. Hann hefur sérstöðu
og er búinn að skapa sín sérein-
kenni.
Mikael Torfason
mikaeltorfason@frettatiminn.is
36 viðtal Helgin 23.-25. nóvember 2012