Fréttatíminn - 22.11.2013, Blaðsíða 52

S tór hluti flugfarþega sér sjálfur um að tékka sig inn og prenta út brottfarar-
spjöld. Sum flugfélög eru jafn-
vel hætt að bjóða upp á innritun
í flugstöðinni. Þeir sem ferðast
með meira en handfarangur
komast þó ekki hjá því að fá að-
stoð við að skila töskunum af sér.
Það gæti þó breyst fljótlega því
í flugstöðvunum í Kaupmanna-
höfn og Osló hefur verið tekin
í notkun farangursmóttaka þar
sem farþegarnir sjá sjálfir um að
skanna töskurnar og setja þær
á færiband. Eru bundnar vonir
við að þessi nýja sjálfsafgreiðsla
muni stytta þann tíma sem far-
þegar eyða í afgreiðslusalnum
fyrir brottför.
Sjálfsskoðun í vopnaleit
Eftir að farþegar hafa skilað af sér
farangrinum bíða þeirra einkenn-
isklæddir öryggisverðir sem eiga
að ganga úr skugga um að enginn
fari vopnaður um borð eða með
vökva í of stórum ílátum. Síðast-
liðinn áratug hefur þessi leit orðið
mun ítarlegri en áður og því erfitt
að ímynda sér að hér verði ein-
hvern tíma í boði sjálfsafgreiðsla.
En það er ekki útilokað því í
síðasta mánuði kynnti bandaríska
fyrirtækið Qylur til sögunnar
vopnaleit sem gerir farþegunum
sjálfum kleift að sjá um skoð-
unina. Tækið er til prófunar á
flugvelli í Ríó í Brasilíu en ekki
fylgir sögunni hvort þessi nýju
hlið séu eins næm fyrir skóm og
þau sem eru í notkun í Flugstöð
Leifs Eiríkssonar.
Lobbíið í vörn
Það er þó ekki aðeins á flugvöllum
sem reynt er að virkja ferðalanga í
að bjarga sér sjálfir. Forsvarsmenn
einnar stærsta hótelkeðju Norður-
landa, Scandic, bjóða nú gestum
sínum að tékka sig út af hótelinu á
einfaldan hátt. Daginn fyrir brott-
för fær fólk tölvupóst eða síma-
skilaboð sem það svarar með upp-
lýsingum um notkun á mínibar og
annarri þjónustu. Í kjölfarið kemur
póstur með reikningi og gesturinn
er þá laus allra mála. Framkvæmda-
stjóri Scandic segir að með þessu
komist ferðalangar hjá þeim hluta
hóteldvalarinnar sem mörgum þyki
hvað leiðinlegastur.
Fríhafnarpokarnir bíða
Fólk kemur til landsins á nær
öllum tímum sólarhringsins og er
því misvel upplagt fyrir búðarferð
á meðan beðið er eftir töskunum.
Þeir sem vilja sneiða hjá þessum
hluta ferðalagsins geta nú pantað
vörur á heimasíðu Fríhafnarinnar
og sótt þær við komuna til Kefla-
víkur. Þessi þjónusta er einnig í
boði þegar flogið er út en panta
verður með sólarhrings fyrirvara.
Hvort tollskoðunin verði færð í
hendur farþega á næstunni er ekki
víst en á nokkrum flugvöllum er
boðið upp á sjálfsafgreiðslu við
vegabréfaeftirlit. Það gæti því styst
í að hægt verði að fara í gegnum
flugstöðvar án þess að eiga nokkur
samskipti við starfsmann fyrr en
gengið er um borð.
52 ferðalög Helgin 22.-24. nóvember 2013
 Flugvellir Styttri tími í aFgreiðSluSalnum Fyrir brottFör
Fáðu meira
út úr Fríinu
Viltu afslátt af hótelgistingu,
ókeypis morgunmat eða Frítt
Freyðivín upp á herbergi?
bókaðu sértilboð á gistingu,
ódýr hótel og bílaleigubíla
út um allan heim á túristi.is
T Ú R I S T I
Laugavegi 178. Sími 562 1000. www.utivist.is
Aðventuferð 29. nóv. – 1. des.
Aðventuferð jeppadeildar 7. – 8. des.
Áramótaferð 29. des. – 1. jan.
Bókun á skrifstofu í síma
562 1000 eða á www.utivist.is
Jólastemningin
býr í Básum
Kristján
Sigurjónsson
kristjan@turisti.is
Kristján Sigurjónsson heldur úti
ferðavefnum Túristi.is en þar er
hægt að gera verðsamanburð á bíla-
leigubílum út um allan heim.
Sjálfsafgreiðsla í
utanlandsferðinni
Flugfarþegar munu kannski
ganga í störf enn fleiri flug-
vallarstarfsmanna í fram-
tíðinni og jafnvel leysa
öryggisverðina í vopnaleitinni
af hólmi.
Með þessum nýju öryggishliðum geta flugfarþegar sjálfir gengið úr skugga um hvort
þeir fari með eitthvað hættulegt um borð.
Farþegar á Kaupmannahafnarflugvelli geta nú sjálfir innritað töskurnar sínar í flug.