Fréttatíminn - 11.05.2012, Side 2

2 fréttir Helgin 11.-13. maí 2012
Leynd yfir starfsloka-
samningi hjá lífeyrissjóði
Þurfa meira metan
vegna eftirspurnar
Framleiðslugeta hreinsistöðvarinnar
Sorpu á metangasi verður fullnýtt um mitt
ár 2013 ef þróun sölunnar verður með
sama hætti og nú er. Þetta er mat stjórnar
Sorpu. Stjórnin bendir á að verkfræðistof-
an Mannvit telji að hægt sé að auka fram-
leiðsluna upp í 290 þúsund rúmnanómetra
á mánuði með stækkun hreinsistöðvarinn-
ar, sem minnki líkur á að skortur myndist
á markaðinum. Bregðast þurfi við eins
hratt og frekast sé unnt við uppsetningu
gasgerðarstöðvar. Seldar voru 1,3 milljónir
nm3 af metangasi frá hreinsistöð Sorpu á
síðasta ári og tvöfaldaðist salan nánast á
milli áranna 2010 og 2011. - gag
Um 22 þúsund flug ár-
lega á vegum Fjarðaáls
„Það eru um 22 þúsund flugferðir farnar
á vegum Fjarðaáls á hverju ári. Við höfum
ekki einokað sæti heldur fjölgað þeim.
Um helmingur ferða okkar er á dýrum
fargjöldum,“ sagði Óskar Borg, inn-
kaupastjóri Alcoa Fjarðaáls, á ráðstefnu
um innanlandsflug sem haldin var á
Egilsstöðum fyrir skemmstu. Hann segir
samninga Alcoa við Flugfélag Íslands hafa
aukið framboð á flugsætum milli Egils-
staða og Reykjavíkur, að því er fram kemur
í Austurglugganum. Haft er eftir Óskari
að núverandi staða Reykjavíkurflugvallar
skipti sköpum fyrir greiðar samgöngur.
„Höfuðborg án flugvallar er bara þorp.
Við viljum geta komist til borgarinnar að
morgni dags og til baka um kvöldið. Menn
hafa um sex og hálfan tíma milli fluga og
reyna að afgreiða nokkur erindi í hverri
ferð því flugið er dýrt. Tíminn sem við
hefðum myndi styttast niður í fjóra tíma
ef völlurinn væri í Keflavík. Það er ekki
nóg.“ - jh
Lækka lóðaverð
Lóðaverð í Hafnarfirði hefur verið lækkað
til að bregðast við efnahagsástandinu.
Þetta var samþykkt á fundi bæjarstjórnar
í vikunni. Bæjarfulltrúar Sjálfstæðisflokks
harma að verðið hafi ekki verið lækkað
meira í þeirri „afar erfiðu fjárhagsstöðu“
sem bærinn sé í. Gera þurfi allt sem hægt
er til að auka atvinnu og fjölga íbúum.
Verð einbýlishúsalóða lækkaði úr rúmum
13,8 í 10,5 milljónir króna. Parhúsalóðir
úr rúmum 11,4 í 9,6 og raðhúsalóðir úr
9,5 í 8,6 svo dæmi séu tekin. Steinunn
Þorsteinsdóttir, upplýsingafulltrúi Hafnar-
fjarðarbæjar, segir ástæðu lækkunarinnar
fyrst og fremst þá að menn reyni að koma
hjólunum á stað aftur og koma hreyfingu á
sölu lóða. - gag
Stjórn Eftirlaunasjóðs starfsmanna Hafnarfjarðar gefur
ekki upp hvernig samið var um starfslok Sigurjóns
Björnssonar, fyrrum framkvæmdastjóra sjóðsins.
Guðmundur Rúnar Árnason, formaður stjórnar og
bæjarstjóri Hafnarfjarðar, segir að einungis Fjár-
málaeftirlitið geti kallað eftir slíkum gögnum svo og
endurskoðendur sjóðsins. „Samningar við starfsfólk,
núverandi og fyrrverandi eru trúnaðargögn,“ svarar hann fyrirspurn í tölvupósti,
„svo sem fundargerðir og annað slíkt.“ Eftirlaunasjóðurinn hefur frá 1. apríl verið í
vistun Lífeyrissjóða starfsmanna sveitarfélaga. Sigurjóni hafði ekki verið sagt upp
viku fyrir flutninginn, þótt unnið hafi verið að honum í þó nokkurn tíma. Sigurjón var
eini starfsmaður sjóðsins. Fréttatíminn hefur kært ákvörðun stjórnarformanns til
Úrskurðarnefndar um upplýsingamál. - gag
É g er auðvitað feginn að geta um frjálst höfuð strokið aftur eftir all-an þennan tíma. Það er ómögulegt
að stunda viðskipti þegar maður sætir
rannsókn,“ segir fjárfestirinn Heiðar Guð-
jónsson í samtali við Fréttatímann.
Seðlabankinn kærði Úrsus, félag
Heiðars, til lögreglu vegna gruns um brot
á gjaldeyrislögum í nóvember 2010. Sér-
stakur saksóknari hætti rannsókn í lok
febrúar á þessu ári og eftir að Seðlabank-
inn hafði kært þá ákvörðun í lok mars
komst Ríkissaksóknari að þeirri niður-
stöðu að ákvörðun sérstaks saksóknara
hafi verið rétt.
Heiðar segir þetta mál galið frá upp-
hafi. „Þetta mál kom upp á sama tíma og
ég og meðfjárfestar mínir vorum að klára
kaupin á Sjóvá. Ég fékk engar skýringar á
málinu þrátt fyrir ítrekaðar tilraunir enda
var ég þess fullviss að engar reglur hefðu
verið brotnar,“ segir Heiðar. Þetta leiddi
til þess að hann dró sig út úr kaupunum á
Sjóvá sem var honum þungbær ákvörðun.
„Ég fékk þau skilaboð að kaupin myndu
ekki ganga í gegn á meðan ég væri í fjár-
festahópnum. Ég skildi þetta ekki þá og
skil það ekki enn. Við vorum með lang-
hæsta tilboðið og með hugmyndir fyrir
félagið sem öllum hugnaðist. Það eina
sem vantaði var undirskrift Seðlabanka-
stjóra,“ segir Heiðar.
Hann kærði meðferð málsins til
umboðsmanns Alþingis og það var í
bréfaskriftum á milli umboðsmanns
Alþingis og Seðlabankans sem í ljós kom
að bankinn hafði kært Úrsus til lögreglu.
„Þetta var í maí á síðasta ári. Þá kom í ljós
að Seðlabankinn hafði kært félagið mitt
í nóvember 2010 og ekki látið mig vita.
Ég frétti það sjö mánuðum seinna,“ segir
Heiðar sem tekur fram að umboðsmaður
eigi enn eftir gefa út álit sitt á málinu.
Og hann vill að Seðlabankinn verði
gerður ábyrgur fyrir gjörðum sínum.
„Þetta mál er búið að kosta mig tugi
milljóna í lögfræðikostnað svo ekki sé
talað um allan þann tíma sem ég hef í
raun verið óvirkur sem fjárfestir með
þann merkimiða frá Seðlabankanum að
það sé eitthvað að mér. Seðlabankar hafa
mikið vald og eru virtar stofnanir í öllum
löndum og þeim ber að fara vel með það.
Seðlabankinn framdi lögbrot gegn mér
og ég mun láta kanna það fyrir dómstól-
um hvort Seðlabankinn sé bótaskyldur í
þessu máli. Ég trúi því ekki að dómstólar
leggi blessun sína yfir svona vinnubrögð.
Ef bótaskylda bankans er viðurkennd
mun ég fara fram á bætur og leita til dóm-
stóla ef þess gerist þörf,“ segir Heiðar.
Hann telur mál sitt vera sterkt enda
hafi hann fengið tvöfalda staðfestingu fyr-
ir því að ekki hafi verið fótur fyrir þessari
rannsókn eða kæru. „Bæði sérstakur sak-
sóknari og Ríkissaksóknari hafa kveðið
upp sinn úrskurð mér í hag. Misbeitingu
valds sem þessa þarf að stoppa á Íslandi
svo aðrir þurfi ekki að upplifa hið sama.
Það þarf að koma í veg fyrir það þetta
gerist aftur.“
Óskar Hrafn Þorvaldsson
oskar@frettatiminn.is
 GjaldeyrislöG rannsókn á fÉlaGi Heiðars Hætt
Vill athuga bótaskyldu
Seðlabankans fyrir dómi
Ríkissaksóknari hefur staðfest ákvörðun sérstaks saksóknara um að hætt skuli rannsókn á gjald-
eyrisviðskiptum félags Heiðars Guðjónssonar sem Seðlabankinn kærði. Heiðar Már missti af
tækifæri til að kaupa Sjóvá vegna málsins og segir hann málið allt hafa valdið sér mikilu fjárhags-
legu tjóni og að mannorð hans hafi beðið hnekki.
Misbeitingu
valds sem þessa
þarf að stoppa á
Íslandi svo aðrir
þurfi ekki að
upplifa hið sama
Heiðar Már Guðjónsson
segir að þau vinnubrögð
sem Seðlabankinn
ástundaði í málinu hafi
ekki þekkst fyrir hrun
og einkennist af algjöru
virðingarleysi fyrir
lögum. Ljósmynd/Hari
Íslendingar keyptu vörur fyrir hátt í
milljarð króna í Bauhaus-versluninni
þessa fyrstu viku sem liðin er frá
opnun nýju verslunarinnar, að sögn
Halldórs Óskars Sigurðssonar fram-
kvæmdastjóra. Hann er ekki með tölu
yfir gestafjöldann en giskar á að gestir
hafi verið nálægt 20 þúsund.
„Þetta hefur gengið ótrúlega vel og
viðtökurnar eru jafnvel betri en við
áttum von á. Opnun verslunarinnar
var samkvæmt því sem Bauhaus á að
venjast í Evrópu þar sem verslana-
keðjan nýtur mikilla vinsælda,“ segir
Halldór. Spurður hvort um veltumet sé
að ræða segir Halldór: „Þetta hlýtur
að minnsta kosti að vera veltumet hér
á Íslandi.“
Vinsælustu vörurnar eru að sögn
Halldórs grill og garðhúsgögn, palla-
efni og ýmsar garðvörur. Einnig hafi
háþrýstiþvottatæki hreinlega rokið út.
Hann segir jafnframt að mikið hafi
verið að gera í flísa- og timburdeild og
því ljóst að Íslendingar hyggja á um-
bætur jafnt innanhúss sem utan.
 Opnun Veltumet í BauHaus
Keypt fyrir milljarð króna í Bauhaus
Sigríður
Dögg
Auðunsdóttir
sigridur
@frettatiminn.is
Frá opnunardegi Bauhaus. Íslendingar flykkt-
ust í nýja byggingarvöruverslunina og eyddu
þar hátt í milljarði króna í fyrstu vikunni.
... viðtök-
urnar eru
jafnvel
betri en
við áttum
von á.
Fullt tilefni til að vísa til lögreglu
Í nóvember 2010 vísaði gjald-
eyriseftirlit Seðlabanka Íslands
til efnahagsbrotadeildar
Ríkislögreglustjóra 4 málum
sem vörðuðu skuldabréfaút-
gáfur sem grunur lék á að færu
í bága við ákvæði reglna sem
Seðlabanki Íslands hafði sett
um gjaldeyrismál. Í september
2011 var efnahagsbrotadeild
Ríkislögreglustjórans lögð niður
og málin færðust til embættis
sérstaks saksóknara.
Í febrúar 2012 tók embætti
sérstaks saksóknara ákvörðun
um að hætta rannsókn málanna
meðal annars vegna erfiðleika
við að afla sönnunargagna
erlendis frá. Seðlabankinn
kærði þá ákvörðun til ríkis-
saksóknara. Ríkissaksóknari
hefur nú tekið afstöðu í málinu
og staðfest ákvörðun sérstaks
saksóknara.
Seðlabankinn fellst ekki
á rökstuðning fyrir afstöðu
embættis ríkissaksóknara og
hefur óskað eftir fundi með
ríkissaksóknara þar sem farið
verður yfir málið.
Það er afstaða Seðlabankans
að fullt tilefni hafi verið til að
vísa málunum til lögreglu.
Svar Seðlabanka Íslands við fyrirspurn Fréttatímans varðandi lyktir þessa máls
Már Guðmundsson seðla-
bankastjóri.