Fréttatíminn - 11.05.2012, Blaðsíða 33

Grilltíminn
Bestu kjötbitarnir - Langur búrger - BBQ svín Helgin 11.-13. maí 2012
Smiðjuvegi 2, Kóp - S. 554 0400
Grill sem endast
O P N U N A R T I L B O Ð
2.990
Pizza panna
129.900
39.900
Opið laugardag til kl. 16
Mikið úrval aukahluta
www.grillbudin.is
SÉRVERSLUN
MEÐ GRILL, GARÐHÚSGÖGN OG ÚTILJÓS
Þýsk framleiðsla
F orðist að nota flestan mjúkan við eins og til dæmis furu og ösp. Helst skal að nota harðvið. Það helsta sem vex
almennilega á Íslandi og hægt er að nota
er birkið – þurrt birki virkar ágætlega þótt
auðvitað megi höggva niður hlyn og álm
ef þeir þykja fyrir í garðinum. Það má alls
ekki nota krossvið eða annan unninn við
eins og spónaplötur eða fúavarið timbur.
Það er beinlínis eitur og matarboðið endar
á slysó. Harðviðinn er hægt að fá í grill-
búðum og hann er einnig oft seldur í stærri
einingum sem eldiviður í byggingarvöru-
verslunum og á bensínstöðvum.
Tíminn og reykurinn
Reykur er bragð og það er gott að fá
reykkeim í flestan þann mat sem við
grillum úti. Allt kjöt þolir eitthvað af reyk
en það er mismunandi þolið eftir tegund.
Svínakjöt þolir mikinn reyk og kjúklingur
líka. Nautið vill gjarnan reyk en ekki jafn
mikið og svínið. Lambið vill vera ferskt
og þolir minnstan reyk. Þótt lambalærið
breytist ekkert í hangiket strax er gott að
passa uppá að hafa ekki of mikinn reyk
við eldun þess. Fljóteldaðir bitar eins og
kótelettur hafa bara gaman af smá salíbunu
í reyknum. Fiskurinn kann líka vel við sig
í reyknum sérstaklega lax og silungur.
Bragðið af reyknum sjálfum fer ekki að
skipta almennilega máli fyrr en búið er að
reykja í meira en 5-6 tíma þannig að yfir-
leitt skiptir ekki máli hvort notaðar eru
mismunandi tegundir af harðviði.
Töff týpur
Þær eru fjórar mismunandi útgáfurnar sem
notast má við til að reykja á grilli: Lurkar,
kubbar, spænir og sag. Hvert um sig hentar
í mismunandi hluti. Til að fá mikinn reyk í
stuttan tíma er gott að nota spæni eða sag.
Lengri reyking kallar á stærri kubba eða
lurka.
Þegar á að reykja lengi og sér í lagi á gas-
grilli er best að nota sæmilega stóra kubba
eða lurka en ekki spæni eða sag. Einfaldast
er að leggja þá aðeins í bleyti og vefja þá
svo í álpappír. Setja svo nokkur lítil loftgöt
til að reykurinn sleppi út án þess að eldur
komi upp. Þá er líka hægt að nota skál úr til
dæmis ryðfríu stáli og setja kubba þar ofaní
og svo skálina beint ofan á brennarann.
Á kolagrilli er best að leggja sæmilega
kubba í bleyti í nokkra klukkutíma og setja
svo beint á kolin.
Ef reykja á fisk er fínt að nota sag eða
spæni. Sagið er best að hafa þurrt í stálskál
eða á pönnu. Það þýðir svo ekkert að nota
eina eða tvær teskeiðar af þessu – drjúgt
fer af sagi í hvern skammt.
Þótt uppskriftin kveði á um að elda skuli
við vægan hita þarf samt örlítinn eld til að
koma kubbunum af stað. Passa bara að
eldurinn blossi ekki upp því honum fylgir
náttúrulega mikill hiti og sót sem er ekki
eftirsóknarvert á kjötbitann. Einnig þarf
að gera ráð fyrir því að kubburinn hitnar
eins og góður kolamoli þegar reykingin er
komin af stað. Því þarf að fylgjast vel með
hitanum þegar líður á reykinguna.
Haraldur Jónasson
Hari@frettatiminn.is
 Reyking
Reykingar leyfðar
Þegar elda á BBQ þarf að hafa reyk og reykurinn sem myndast við það að safinn
sem vellur úr kjöti fellur á kol eða gasbrennara dugir ekki til. Það þarf eldivið og
ekki er sama spýta og spýta.
Lurkur í álpappír gefur af sér góðan reyk í langan tíma.
Sag Spænir Kubbar Lurkar