Fréttatíminn - 11.05.2012, Side 12

Fundir og ráðstefnur
Veislusalurinn er vel tækjum búinn og er því tilvalinn
fyrir hvers kyns ráðstefnur og fundi, stóra sem smáa.
Í salnum er meðal annars hágæða hljóðkerfi, skjávarpi,
flettitafla og púlt. Starfsfólk okkar veitir þér ráðgjöf
varðandi veitingar og annað sem huga þarf að.
GLÆSILEGUR VEISLUSALUR!
Náttúruparadís í hjarta borgarinnar
www.nautholl.is www.facebook.com/nautholl nautholl@nautholl.is sími 599 6660
G uðmundur H. Jónsson er þriðja kynslóð forstjóra í BYKO. Hann er sonur Jóns Helga sem kenndur er við fyrirtækið
og alnafni afa síns sem stofnaði það fyrir hálfri
öld. Guðmundur er staðráðinn í því að ná BYKO
upp úr þeirri lægð sem fyrirtækið hefur verið
í frá hruni. „Byggingavörumarkaðurinn var sá
markaður sem fór hvað verst út úr hruninu,“
segir Guðmundur. „Við þurftum að fara í gagn-
gera endurskoðun á rekstrinum og taka erfiðar
ákvarðanir,“ segir hann.
Erfiðasta ár BYKO var 2009 þegar sala á
byggingavöru dróst saman um 70 prósent frá
fyrra ári. Hápunktinum hafði verið náð á árun-
um 2007-8 þegar byggingabransinn var á suðu-
punkti. En svo kom hrun. „Eftir á að hyggja var
náttúrulega ekki eðlilegt magn af byggingar-
vöru selt á þessu landi,“ segir Guðmundur.
Ákveðið var að loka nýjustu og stærstu
verslun BYKO, við hliðina á IKEA í Kauptúni
og nauðsynlegt reyndist að segja upp fólki.
Helmingi færra starfsfólk er nú í BYKO en
þegar mest var. Vöruúrvalinu var einnig breytt
þar sem kauphegðun landsmanna tók stakka-
BYKO á tánum í samkeppninni
Neytendur
tóku opnun
hjá Bauhaus
fagnandi og
hópuðust í
þúsundum
saman í hina
nýju verslun um
síðustu helgi.
Hvernig ætlar
BYKO, einn
þriggja risa
á bygginga-
vörumarkaði,
að bregðast við
samkeppninni?
Sigríður Dögg
Auðunsdóttir
spurði Guðmund
H. Jónsson for-
stjóra út í það.
skiptum í kjölfar hruns og var dýrum vörum skipt út
fyrir ódýrari.
Aukin samkeppni krefjandi
Og nú er Bauhaus komið. Hvernig tekur BYKO nýjum
keppinauti? „Það er krefjandi að fá aukna samkeppni
á markað. Við höfum fylgst með erlendum bygginga-
vörumarkaði um langa hríð og í þeim rannsóknum
höfum séð að verð á byggingavöru á Íslandi kemur vel
út í samanburði. Þegar Bauhaus opnaði gerðum við
strax verðkannanir á þúsundum vörunúmera sem stað-
festi að BYKO er fyllilega samkeppnishæft. Það gladdi
okkur og hvetur til dáða. Ég er sannfærður um að við
eigum eftir að standa okkur vel í þeirri samkeppni,“
segir hann. Guðmundur segir að strax hafi verið
brugðist við verði á ýmsum vöruflokkum hjá Bauhaus.
Ýmist hafi verð verið lækkað niður fyrir það verð sem
Bauhaus auglýsti eða sama verð boðið. „Í fjölda til-
vikum þurftum við ekki að bregðast við þar sem okkar
verð var lægra,“ segir Guðmundur. Hann segir ekkert
nýtt vera að koma til landsins með tilkomu Bauhaus en
gaman sé að fá nýja aðila til að bera sig saman við og
ekki síst gaman að vita hve BYKO stendur sig vel í al-
þjóðlegum samanburði.
Rekstur BYKO hefur verið þungur á undanförnum
árum og móðurfélagið, Norvik, hefur þurft að hlaupa
undir bagga svo BYKO geti staðið við skuldbindingar
sínar. „Við höfum lifað hrunið af með blóðgjöf frá
móðurfélaginu. Fyrir vikið hafa engir fjármunir verið
afskrifaðir vegna rekstursins og við vonumst til þess
að reksturinn á þessu ári náist upp að núllpunktinum
og að afkoman á árinu 2013 muni á nýjan leik verða
jákvæð. Það er ekki bara vor í lofti hvað árstíðirnar
varðar heldur trúum við því að það sé vor í íslensku
efnahagslífi. Við viljum taka þátt í því að þjóna bæði
heimilum og atvinnulífi í nýrri sókn“.
Guðmundur segir að helstu verðmæti fyrirtækisins
liggi í starfsfólkinu. „Hér er fólk með gríðarlega langan
starfsaldur enda erum við svo lánsöm að hér tíðkast
lítil starfsmannavelta. Þekkingin hefur byggst upp
innanhúss og mun skila okkur langt. Það er krefjandi
og skemmtilegt að fá aukna samkeppni. Við bjóðum
Bauhaus velkomið á markaðinn. Samkeppnin á bara
eftir að hvetja okkur til dáða.“
Viðtökurnar komu ekki á óvart
BYKO hefur um nokkra hríð búið sig undir hina vænt-
anlegu samkeppni við Bauhaus og tók til að mynda
upp nýja verðstefnu um áramót. „Við drógum úr því að
gefa afslátt og notuðum þá fjármuni til að lækka verð
til allra en einnig hafa hagræðingaraðgerðir undan-
farin misseri gert okkur þetta kleift. Það var þó ekki
endilega vegna nýrrar samkeppni heldur samkeppni til
framtíðar,“ segir Guðmundur.
Hann viðurkennir þó að sjálfsagt muni Bauhaus taka
sinn skerf af kökunni. Verslun hafi þó ekki dregist
saman eftir að Bauhaus tilkynnti um fyrirhugaða
opnun þó svo að einhverjir hafi hugsanlega beðið með
kaup. Guðmundur segir að viðtökur á opnunarhelgi
Bauhaus hafi ekki komið honum á óvart. „Við höfum
opnað búðir hér og fylgst með opnunum á stórum
verslunum svo sem ELKO,“ bendir hann á en ELKO er
í eigu Norvikur, móðurfélags BYKO. „Opnun ELKO
leiddi til talsverðar lækkunar á verði á raftækjum um
allt land. Ég er ekki að sjá að hið sama muni gerast á
byggingavörumarkaði í kjölfar opnunar Bauhaus. Ég er
sannfærður um það eftir að hafa fylgst með markaðn-
um erlendis í samanburði við verð á þeirri vöru sem við
erum að bjóða,“ segir hann.
Verðsamanburður BYKO leiddi að sögn Guðmundar
í ljós að BYKO var í langflestum tilvikum með lægra
verð en Bauhaus í svokallaðri kjarnabyggingavöru og
þar sem það átti ekki við var verð lækkað. Hann segir
starfsfólk BYKO vera á tánum í samkeppninni. „Við
settum saman sérstakt teymi í fyrra til að fylgjast með
verði á markaði. Við ætlum okkur að vera með lægra
verð og vera hagstæðari kostur. BYKO býður upp á
gríðarlegt vöruúrval með 40 þúsund vörunúmer og
erum við í miklum tengslum við markaðinn og eigum
gott að bregðast við þörfum hans. Það sem selst vel í
Danmörku selst ekki endilega vel hér og öfugt.“
Byggingavörumarkaður að hjarna við
Aðspurður segir hann að timbursala BYKO sé grunnur
að styrkleika fyrirtækisins og þar hafi BYKO ákveðið
samkeppnisforskot. „Við höfum góð sambönd við er-
lenda aðila og kaupum langmest af okkar vörum beint
af framleiðanda og fækkum þannig milliliðum eins
og mögulegt er. Við höfum ákaflega góða tengingu
inn í timburmarkaði í gegnum systurfyrirtæki okkar í
Evrópu.“
Guðmundur segist bjartsýnn. „Ég held að hagkerfið
muni smám saman taka við sér. Ekki í neinum stórum
skrefum þó, en mér finnst ýmisleg benda til þess að
hófleg aukning sé á byggingarvörumarkaðinum. Það
veitir reyndar ekki af því hann hefur verið skelfilegur.“
Hann segir ýmsar vísbendingar benda í þá átt. „Það
virðist vera orðinn skortur á ákveðinni tegund íbúða,
minni og meðalstórum íbúðum í ódýrari kantinum,
og mun það leiða til þess að verð mun hækka. Það er
að aukast að menn séu að byrja á nýjum verkefnum.
Það er mikilvægt að byggingamarkaðurinn komist af
stað, hægt og rólega án þess að um bólumyndun verði
að ræða. Það má vera hófleg aukning með eðlilegum
hætti. Ég trúi því að það muni gerast þótt það gerist
hægt.“
Sigríður
Dögg
Auðunsdóttir
sigridur@
frettatiminn.is
Guðmundur H. Jónsson, forstjóri BYKO: Ég er sannfærður um að við eigum eftir að standa okkur vel í aukinni samkeppni á byggingavörumarkaði. Ljósmynd Hari
Móðurfélag-
ið, Norvik,
hefur þurft að
hlaupa undir
bagga svo
BYKO geti
staðið við
skuldbind-
ingar sínar.
12 fréttaviðtal Helgin 11.-13. maí 2012