Fréttatíminn - 11.05.2012, Page 29

ÍS
LE
N
SK
A
SI
A.
IS
I
C
E
5
84
52
0
2/
12
Í tilefni af 75 ára afmæli okkar efnir Icelandair, í samstarfi við Steinunni Sigurðardóttur
fatahönnuð, til sýningar í haust. Til sýnis verða gamlir og nýir einkennisbúningar
Flugfélags Íslands, Loftleiða, Flugleiða og Icelandair og ýmsir aðrir hlutir sem tengjast
sögu farþegaflugs og þjónustunni um borð allt frá árinu 1937.
Átt þú ekki eitthvað áhugavert frá fluginu?
Við vildum svo gjarnan fá lánaðar gamlar flugfreyjudragtir, flugmannsjakka
og sitthvað annað sem setti svip á flugið hér áður fyrr.
Við leitum til ykkar sem fluguð með okkur
Við tökum á móti klæðnaði og smáhlutum sem tengjast fluginu á Icelandair
Hótel Reykjavík Marina í dag, kl. 17:00–19:00.
Okkur þætti afar vænt um að fá að sjá þig á föstudaginn og rifja upp gamla góða tíma.
Upplýsingar:
Rannveig Eir Einarsdóttir I rae@icelandair.is
Anna Margrét Jónsdóttir I annamj@icelandair.is
VIÐ FLJÚGUM AFTUR Í TÍMANN
Viltu lána okkur minningabrot?
S
unna er yndisleg.
Þetta er yndisleg
fjölskylda,“ segir
Ólafur Darri Ólafs-
son leikari sem fékk
óvenjulega bón fyrir einu og
hálfu ári í tölvupósti. Heimboð
í kaffi til að hitta þá rúmlega
fjögurra ára langveika stúlku
og dyggan aðdáanda. Póstinn
sendi pabbi Sunnu, Sigurður
Hólmar Jóhannesson. Hvað gerir
faðir ekki til að uppfylla drauma
dóttur sinnar? Draumur Sunnu
Valdísar var Ólafur Darri.
„Á þessum tíma var kvik-
myndin Rokland í sýningu. Hann
lék aðalhlutverkið og var víða. Ef
hún gat ekki klippt myndirnar
út úr blöðunum gerðum við það
fyrir hana,“ segir Ragnheiður
Erla Hjaltadóttir móðir hennar.
„En á þessum tíma var hún hrædd
við menn með skegg. Það var því
svolítið óvenjulegt að hún vildi sjá
skeggjaðan mann.“
Á heimili fjölskyldunnar er
veggspjald með myndunum af
Ólafi Darra. Það hefur fylgt henni
hvert sem hún fór og hangir nú
snjáð uppi á vegg.
„Ég kíki í kaffi“
„Sjálfsagt. Ég kíki í kaffi,“ stóð í
póstinum sem Sigurður fékk frá
leikaranum. „Þetta var eitthvað
svo sérstakt erindi,“ segir Ólafur
Darri um póstinn frá Sigurði.
„Mér fannst sjálfsagt mál að hitta
þessa litlu fjölskyldu. Nú þykir
mér vænt um þau og ég get sagt að
þau eru vinir mínir.“ Spurður hvað
hafi komið honum mest á óvart við
fjölskylduna svarar hann:
„Það gerði bróðir hennar Sunnu,
Viktor. Hann er svo yndislegur
í kringum hana. Það hlýtur að
vera erfitt að eiga eina systur og
fylgjast með henni glíma við svona
sjaldgæfan sjúkdóm. Mér finnst
hann gera það svo dásamlega,“
segir hann. „Þetta er gott fólk og
það er ekki erfitt að hjálpa góðu
fólki. Mér finnst þau standa sig
ótrúlega vel við þessar aðstæður.
Og í rauninni er það svo að þegar
ég hitti þau er alltaf gleði í loftinu.“
„Hann hefur heimsótt okkur í
Breiðholtið og við hann en sím-
tölin þar sem hann talar og Sunna
hlustar mun fleiri,“ segir Ragn-
heiður. „Við þekktum hann ekki
neitt á þessum tíma,“ segir hún.
„Við vissum að hann vari Ólafur
Darri, frábær leikari, mikill og
stór, skeggjaður maður.“ Og Sig-
urður heldur áfram. „Við vissum
ekkert hvernig hann væri í skap-
inu. Svo kemur hann einn daginn.
Þá er plakatið upp á vegg eins og
venjulega. Hann kemur labbandi
inn, þessi stóri maður, með þetta
mikla skegg og hárið út um allt –
eins og tröllkarl. Sunna sér hann,
sest flöt á gólfið og horfir á hann
þar sem hann situr við eldhús-
borðið. Hún sat í fimm mínútur,
horfði á hann, horfði á plakatið,
horfði á hann og benti á plakatið.
HANN ER KOMINN. Svo settist
hún hjá honum. Þau púsluðu og
léku sér. Magnað.“
Fertugsafmælið fyrir Sunnu
Ólafur Darri dáist af dugnaði fjöl-
skyldunnar og æðruleysinu sem
þau sýna. „Ég eignaðist fyrsta
barnið mitt eftir að ég kynntist
þeim. Þá fékk ég einhvern nasaþef
af því hvernig mér myndi líða ef
eitthvað myndi koma uppá hjá mér
og dóttur minni. Ég á bara erfitt
með að ímynda mér það. Það er
að segja, kannski ekki erfitt, en
mig langar ekki að fara þangað í
huganum og ég vona að ég komist
aldrei að því. En þau eru bjartsýn
og búa yfir stórkostlegu æðru-
leysi.“
Það er augljóst að fjölskyldan
hefur haft áhrif á Ólaf Darra.
Meira að segja svo að hann hefur
þegar ákveðið að hjálpa fjölskyld-
unni þegar hann nær þeim áfanga
að verða fertugur á næsta ári.
„Ég er ekki þekktur fyrir það
að halda upp á afmælið mitt með
stæl. Ég hef alltaf kviðið því að
eldast. En ég hef ákveðið að ég
ætla að leggja mitt á vogarskálarn-
ar fyrir Sunnu á næsta ári og gera
ýmislegt til að safna fyrir sam-
tökin. Sunna er ein af sex hundruð
börnum í heiminum sem eru með
þennan sjúkdóm. Fólk náið mér
hefur veikst af sjúkdómi sem fáir
hafa. Ég veit því hvað er erfitt
er að safna fé og fá sjaldgæfan
sjúkdóm rannsakaðan. Við eigum
eftir að útfæra hugmyndina nánar
í sameiningu. En ég væri til í að ná
þannig til fólks að samtökin hefðu
gagn af,“ segir hann í léttum tóni.
Stórleikarinn
mikli með úfna
skeggið og hárið
út um allt heillaði
Sunnu Valdísi
Sigurðardóttur
upp úr skónum.
Hún klippti allar
myndir út sem
birtust af honum í
blöðunum. Sunna
er langveik og
foreldrar hennar
stóðust ekki
mátið og buðu
Ólafi Darra Ólafs-
syni í heimsókn.
Þeim til undrunar
og gleði þekktist
hann boðið.
Ólafur Darri á góðri
stund með Sunnu Val-
dísi. Hún er heilluð af
þessum ástsæla leikara
þjóðarinnar. Ekki þó af
leiklistarhæfileikunum,
heldur var það útlitið
sem náði athygli hennar
í fyrstu. Ólafur Darri
ætlar að tileinka henni
fertugsafmæli sitt á
næsta ári. Mynd/Einkasafn
Sunna Valdís + Ólafur Darri = Sönn vinátta
Þetta er vegg-
spjaldið með
myndum af
Ólafi Darra sem
Sunna útbjó úr
úrklippum úr
dagblöðum. Í
kjölfarið bauð
pabbi hennar
leikaranum í
heimsókn.
viðtal 29 Helgin 11.-13. maí 2012