Læknablaðið - 01.06.1955, Blaðsíða 56

80
L Æ K N A B L A Ð I Ð
Embættispróf í læknis-
fræði veturinn 1955
Arnbjörn Ólafsson, f. á Ferju-
bakka, Axarfirði 13. júlí 1926, stúd.
sonl948. Foreldrar: Ólafur M. Gam-
alíelsson og Aðalheiður Björnsdótt-
ir k. h. Einkunn: I, 149 (10,64).
Guðrún Jónsdóttir, f. í Reykjavik
6. okt. 1926, stúd. 1946. Foreldrar:
Jón Júníusson og Jónína Jónsdótt-
ir k. h. Einkunn: I, 165 (11,79).
F R É T T I R
Nýtt prófessorsembætti í lœkna-
deild Háskólans í lífeðlis- og líf-
efnafræði samþykkti Alþingi loks
að stofna seint í marzmánuði, eftir
margra ára baráttu læknadeildar
fyrir því máli. Það verður þó varla
fyrr en haustið 1956, að lögin um
það komi til framkvæmda, þar sem
allt hefir verið í óvissu um fram-
gang málsins.
Læknaskipunarlög voru sam-
þykkt á Alþingi um líkt leyti. Lækn-
ishéruð eru nú 55 í landinu. Rang-
árhéraði hefir verið skipt i 2 héruð:
Hvolshérað með læknissetri á Stór-
ólfshvoli og Helluhérað með lækn-
issetri á Hellu. Þá er nýtt hérað,
Kópavogshérað með læknissetri í
Kópavogi. Við bætast eftirtalin
læknishéruð, þegar þau verða skip-
uð: Staðarhérað, læknissetur á Stað-
arstað, Suðureyrarhérað, læknisset-
ur á Suðureyri og Raufarhafnar-
hérað, læknissetur á Raufarhöfn.
Lög um lækningaferðir, sam-
þykkt á Alþingi i aprílmánuði,
kveða svo á, að verja megi fé úr
ríkissjóði til styrktar lækningaferð-
um sérfræðinga eftir því, sem fjár-
lög heimila á hverjum tíma og er
auk augnlækna, eins og verið hefir,
ætlazt til að samið verði við nægi-
lega marga háls-, nef- og eyrna-
lækna og tannlækna um árlegar
lækningaferðir um landið.
Ur erl. ritum.
Östrogen-meðferð á lungnamein-
varpi frá krabbameini í brjósti.
Skýrt er frá östrogen-meðferð á
61 sjúklingi, er höfðu meinvarp í
brjósthimnu eða lungum frá brjósta-
krabbameini. Til samanburðar voru
teknir 66 sjúklingar, sem ekki fengu
slíka meðferð.
Af þeim, sem liormon fengu, lifðu
31% lengur en 12 mán., en 7,5%
þeirra sem ekkert lyf fengu. í liópn-
um sem meðferð fékk, minnkuðu
lungnameinvörpin í 26%, en það
kom aldrei fyrir í hinum liópnum.
Drepið er á þann möguleika, að
í þeim sem lengi lifa, hafi ekki
verið um malign uppruna að ræða.
Áhrif östrogen-vaka virðast aðal-
lega vera timabundin, og ekki var
unnt að sýna fram á, að þeir fyrir-
byggðu lungnameinvarp.
Brit. Med. Journal 10. okt. 1953.
Basil A. Stoll og Frank Ellis
(útdr. liöf.). Ó. G.
Uppprentun úr Læknablaðinu er bönnuð nema að fengnu leyfi höfunda.
Afgreiðsla og innheimta Læknablaðsins er í Félagsprentsmiðjunni h.í.,
Reykjavik. Sími 1640. Pósthólf 757.