Bændablaðið - 01.08.2013, Qupperneq 12

12
Fréttir
Undirbúningur fyrir Handverks-
hátíð sem haldin verður á Hrafna-
gili í 21. sinn dagana 9.-12. ágúst
stendur nú sem hæst. Um 350
manns, félagar í sjö félaga-
samtökum í Eyjafjarðar sveit, taka
þátt í uppsetningu sýningunnar.
Ester Stefánsdóttir, framkvæmda-
stjóri Handverkshátíðar, segir að
alls verði 90 sölubásar á svæðinu
og sýnendur séu frá öllu landinu.
Þátttakendur frá Vestmannaeyjum
verði nú með í fyrsta sinn í sögu
hátíðarinnar. „Það er fjöldi nýrra
sýnenda í ár líkt og verið hefur
undanfarin ár og fjölbreytnin er
mikil,“ segir hún og nefnir sem
dæmi að á komandi sýningu verði
íslenskur hönnuður með skó unna
úr íslensku hráefni, munir unnir úr
búrhvalstönnum og hreindýrshornum
verði til sýnis og sölu, „og svo er
nú fjöldi nýrra þátttakenda sem
vinnameð fallega textílvöru og þá má
að sjálfsögðu ekki gleyma fatnaði,
skarti, gleri og leir sem og vönduðum
vörum unnum úr tré,“ segir Ester.
Heimilisiðnaðarfélagið 100 ára
Heimilisiðnaðarfélagið, sem er
100 ára í ár, tekur þátt og setur upp
glæsilega sýningu. Á útisvæði verða
m.a. sölutjöld frá Beint frá býli og
VB landbúnaður sýnir og kynnir
vélar til heimavinnslu. Fjölbreytt
dagskrá fyrir alla aldurshópa
verður á útisvæðinu en nefna má
að Félag ungra bænda býður upp
á húsdýrasýningu, Búsaga verður
með sýningu á gömlum vélum og
Bílaklúbbur Akureyrar verður með
bíla af öllum stærðum og gerðum á
svæðinu. Þá setur Þjóðháttafélagið
Handraðinn upp miðaldabúðir.
Gestir geta að auki fylgst með
rúningi og eldsmíði eða farið í
þrautabraut og líkt og undanfarin
ár koma börnin úr sveitinni með
kálfana sína og keppast um hvert
þeirra eigi fallegasta og best tamda
kálfinn.
Vegleg grillveisla og
skemmtidagskrá
Hefð er fyrir veglegri grillveislu á
laugardagskvöldi og verður engin
undan tekning á því í ár. Veislan fer
fram í stóru veislutjaldi á svæðinu og
þar fer einnig fram skemmtidagskrá
sem opin er öllum. Lára Sóley og
Hjalti Jónsson sjá um veislustjórn,
en meðal þeirra sem koma fram
eru Óskar Pétursson, Karlakór
Eyjafjarðar og Sister Sister, sem eru
nýjar stjörnur í tónlistarheiminum.
„Við bjóðum upp á grín og glens
fyrir alla fjölskylduna og hvetjum
sem flesta til að eiga góða stund í
góðum félagsskap,“ segir Ester.
„Við eigum von á fjölda gesta í
ár líkt og undanfarin ár, ætli megi
ekki búast við um 15 til 20 þúsund
gestum,“ segir hún. Sýning verður
opin frá föstudegi til sunnudags frá
kl. 12 til 19 og á mánudag, 12. ágúst
frá kl. 12 til 17.
Mikið var um dýrðir í fyrra
þegar Handverkshátíðin var haldin
í tuttugasta sinn og af því tilefni
var gerður þáttur um hátíðina og
veglega landbúnaðarsýningu sem
fram fór í tengslum við hana og
80 ára afmæli Búnaðarsambands
Eyjafjarðar. Þátturinn var sýndur
hjá Ríkissjónvarpinu síðastliðinn
þriðjudag og verður svo sýndur
nokkrum sinnum á sjónvarpsstöðinni
N4 yfir Handverkshátíðarhelgina.
Birkir Friðbertsson, bóndi í
Birkihlíð í Súgandafirði, er
mikill áhugamaður um raforku-
framleiðslu í sveitum. Fyrir
nokkrum árum byggði hann
ásamt fjölskyldu sinni heljarmikla
rafstöð í Botni í Súgandafirði. Hún
er upp á 550 kílówött og malar
nú makindalega og framleiðir
rafmagn inn á dreifikerfi Orkubús
Vestfjarða.
Birkir segir að rafstöðin hafi
kostað um 50 milljónir króna með
vöxtum á byggingartíma, sem var
reyndar ekki nema um 8 til 9 mánuðir.
Lokið var við að setja niður vélar í
janúar 2002.
„Þetta hefur gengið glimrandi vel.
Við verðum lausir úr skuldum vegna
þessa eftir um þrjú ár eða svo. Við
seljum inn á raforkukerfið frá þessari
stöð en svo erum við með aðra stöð
í bæjarlæknum sem framleiðir fyrir
heimilið.
Veturinn var þó lélegur fyrir
orkubúskap vegna þurrkanna í
fyrrasumar. Maður sá strax hvert
stefndi í nóvember. Það gaf um
25% minna afl en í meðaltali, alveg
til vors. Nú er stöðin samt farin að
vinna á fullu.“
Birkir segir að Orkubúið greiði
að grunni til þrenns konar verð
fyrir rafmagnið. Þar sé um að ræða
vetrarverð sem gildi í sjö mánuði og
síðan haust- og vorverð og sumarverð.
Yfir sumarið fáist reyndar mjög lítið
fyrir þá orku sem er umfram það sem
bændur treysti sér til að lofa.
„Ég tel að það ættu miklu fleiri
að fara út í raforkuframleiðslu.
Aðstæður eru víða mun betri en hjá
okkur. Hér þurftum við að leggja
tveggja kílómetra leiðslu í gegnum
öll túnin. Þetta er bara rennslisvirkjun
eins og yfirleitt í svona dæmum, en
þær eru líka umhverfisvænni og ekki
með nein uppistöðulón.“
Birkir segir að með slíkum
rennslisvirkjunum verði menn þó
alltaf að búa við ótryggt afhendingar-
öryggi vegna mikilla sveiflna
á vatnsmagni. Það sé þó mjög
breytilegt eftir aðstæðum og stundum
meira en nóg.
Fleiri hafa fetað í fótspor Birkis og
sem dæmi reisti Aðalsteinn Bjarnason
frá Ytri-Veðrará í Önundarfirði
virkjun í Breiðadal í fyrra. Hann
mun nú íhuga frekari virkjun á þeim
slóðum. Þá mun Ásgeir Mikaelsson
hafa hugmyndir um að virkja Kaldána
sem er á ströndinni út að Flateyri og
einnig Þverá, sem er lítil á sem rennur
á milli Fremri- og Neðri-Breiðadals.
Bændur í Botni í Súgandafirði eiga
hlutdeild í þessum ám.
/HKr.
Góð reynsla af vatnsaflsvirkjun bænda í Súgandafirði
Það ættu miklu fleiri að fara út í raforkuframleiðslu
– segir Birkir Friðbertsson bóndi í Birkihlíð í Súgandafirði sem stóð fyrir virkjun Botnsár fyrir rúmum áratug
Birkir Friðbertsson Mynd / HKr.
Handverkshátíð haldin að Hrafnagili um aðra helgi
Búist við allt að 20 þúsund gestum
Sveitasæla 2013, landbúnaðar-
sýning og bændahátíð, verður
haldin laugardaginn 24. ágúst
næstkomandi. Sýningin verður
með hefðbundnu sniði, þar
koma saman bændur og búalið,
ásamt vinnuvélasýnendum og
handverksfólki, sýna sig og sjá
aðra og skemmta sér saman.
Við opnun sýningarinnar munu
Sigurgeir Sindri Sigurgeirsson,
formaður Bændasamtaka Íslands,
og Sigurður Ingi Jóhannsson
landbúnaðarráðherra flytja ávörp.
Margvísleg skemmtiatriði
Þegar dagskrá lýkur um kvöldið
verður blásið til kvöldvöku þar
sem margt verður til skemmtunar,
en venju samkvæmt er það Bænda-
fitnessið sem mun væntanlega vekja
mesta lukku, en þar reyna sprækir
bændur með sér í þrautabraut á
tíma. Stjórnandi Bændafitnessins
að þessu sinni verður hinn
landskunni landbúnaðarframámaður
Guðmundur Hallgrímsson frá
Hvanneyri.
Nánari upplýsingar um hátíðina
gefa Guðný (898 2597) og Kalli (691
6633) í Markvert ehf, en netfang
SveitaSælunnar er sveitasaela@
markvert.is. Þeir sem vilja panta
borð á handverksmarkaðnum eða
bás geta gert það með því að senda
tölvupóst.
Sveitasæla í ágúst
– landbúnaðarsýning
og bændahátíð
Kátt í Kjósinni
sló fyrri met
Sveitahátíðin Kátt í Kjós
var haldin í sjöunda sinn
laugardaginn 20. júlí síðastliðinn.
Mikill fjöldi sótti Kjósina heim og
hefur aðsókn að hátíðinni aldrei
verið meiri.
Hátíðin hófst með því að
þríþrautar kappar stungu sér til sunds
í Meðalfellsvatni og hófu þar með
þríþrautarkeppnina Kjósarsprettinn
2013. Heimsmeistarakeppni í
heyrúllu skreytingum fór fram og
var aðsókn í keppnina svo mikil
að rúllurnar sem ætlaðar voru til
skreytinganna kláruðust. Settur var
upp sveitamarkaður þar sem margt
var á boðstólum og m.a. seldust upp
bæði aðalbláberjasultur og fjallagrös
sem þar voru í boði.
Í gömlu Kjósarréttinni var
opnaður dýragarður sem vakti mikla
lukku yngstu kynslóðarinnar, og
reyndar eldri kynslóða einnig. Þá var
hlöðunni á Hjalla breytt í ullarsetur
þar sem gestir hátíðarinnar gæddu sér
á nýbökuðum lummum og skoðuðu
vörur frá Ístex.
Keppt var í heyrúlluskreytingum
eins og fyrri ár í Kjósinni. Hér eru
þær sem komust á verðlaunapall
Lína og Isabel Karin.
-
-
sælunni í ár. Hér sýnir hann rúning
-
asta ári.
Eldvarnir í sumarhúsum víða í ólagi
Flest íslensk sumarhús eru úr
timbri og eldsmatur þar nægur.
Þá er gróður gjarnan töluverður í
kring og töluverð hætta getur verið
á sinubruna þegar þannig árar.
Í sumarhúsum er mikilvægt að
huga að eldhættu, ekki hvað síst
á svæðum þar sem þau eru flest.
Á Suðurlandi eru skráð fleiri en
6.000 sumarhús og yfir 2.500 á
Vesturlandi. Íbúum þessara svæða
fjölgar því um nokkur þúsund á
sumrin.
3 af 25 sumarhúsaeigendum áttu
slökkvitæki – aðeins eitt virkaði!
Við sinubruna í Skorradal fyrr á
árinu voru íbúar og gestir í um 25
sumarhúsum beðnir um að sækja
slökkvitæki sín til að nota við
slökkvistarfið. Aðeins þrír áttu slík
tæki og einungis eitt þeirra virkaði.
Vonandi gefur þetta ekki til kynna
hvernig brunavörnum er almennt
háttað í sumarhúsum. Þetta er a.m.k.
mun verra en á heimilunum því á
tveimur af hverjum þremur þeirra
er slökkvitæki, samkvæmt könnun
sem gerð var árið 2012.
Sýnum árvekni og fyrirhyggju
Reykskynjarar, slökkvitæki og
eldvarnarteppi þurfa að vera vel
aðgengileg í öllum sumarhúsum
og kunnátta til að nota búnaðinn.
Jafnframt ætti að vera vatnsslanga
sem nær hringinn í kringum húsið
og sinuklöppur til að geta brugðist
við sinueldi. Brýnt er að sýna árvekni
við meðhöndlun elds. Gæta þarf vel
að einnota grillum, notkun eldavélar,
varðeldi, logandi sígarettum, kertum,
gasgrilli og útiarni og tryggja að börn
fikti hvorki með eld né eldfæri.
Mynd / VÍS