Bændablaðið - 11.04.2013, Blaðsíða 16

16 Bændablaðið | Fimmtudagur 11. apríl 2013
Allri sorpbrennslu hjá Sorpsamlagi Þingeyinga á Húsavík var hætt fyrir páska:
Yfirvöld sýna tómlæti og stefna í umfangsmikinn
akstur með úrgang milli landshluta
Allri sorpbrennslu hjá Sorp-
samlagi Þingeyinga á Húsavík var
hætt rétt fyrir páska, þann 27.
mars. Móttaka fyrir sorp verður
áfram til staðar í bænum, sem og
flokkunarstöð. Til stendur að auka
flokkun í héraðinu til að draga úr
sorpmagni, en fyrirsjáanlegt er að
aka þurfi úrgangi um langan veg
til urðunar á næstu mánuðum. Í
fyrstu verður það að Stekkjarvík
norðan Blönduóss, en í haust er til
skoðunar að flytja sorpið austur
á Hérað.
Hafsteinn H. Gunnarsson,
framkvæmda stjóri Sorpbrennslu
Húsavíkur, segir stöðuna dapurlega
og þessi ákvörðun sem menn hafi
neyðst til að taka nú komi sér illa fyrir
svæðið. Framtíð sorpbrennslunnar á
Húsavík hefur verið afar óljós síðustu
vikur og mánuði. Reksturinn hefur
verið erfiður, en dýrar og nauðsynlegar
endurbætur á tækjabúnaði verða
ekki umflúnar. Hvorki tókst að
tryggja fjármagn til endurbóta né
rekstrargrundvöll brennslunnar.
Mögulegt er að hefja brennslu að nýju
ef rekstrargrundvöllurinn breytist
verulega á næstu örfáu mánuðum.
600 tonn af úrgangi til brennslu
Sorpsamlagi Þingeyinga berast árlega
um eða yfir 600 tonn af úrgangi til
brennslu, einkum dýraleifar og annar
úrgangur sem ekki er heimilt að
urða, s.s. frá heilbrigðisstofnunum.
Úrgangurinn kemur víða að,
en sem dæmi má nefna að nú
nýlega fékk brennslan til förgunar
salmonellusmitaðan kjúkling frá
Matfugli, um 7.000 fugla, um 20
tonn á einu bretti. Hafsteinn segir
að þegar brennslan á Húsavík loki
nú fyrir páska þurfi menn að sækja
þjónustuna til Keflavíkur. Þá nefnir
hann að lokunin komi sér illa fyrir
Norðlenska, sem rekur sláturhús á
Húsavík og hefur að jafnaði fargað
um 300 tonnum af sláturúrgangi, þ.e.
því sem fellur undir áhættuflokk 1
og hvorki er leyfilegt að nýta til
moltugerðar eða urða.
Ekið með sorpið um þjóðvegi

„Það stefnir allt í að eina brennslan
sem eftir verður hér á landi verði í
Keflavík og þangað verður öllu stefnt
sem ekki má farga á annan hátt en
með því að brenna. Það virðist vera
sem stjórnvöld hafi það á stefnuskrá
sinni að fækka urðunarstöðum og
sorpbrennslum í landinu markvisst
en afleiðingarnar eru þær að verið er
að flytja landshorna á milli alls kyns
úrgang, ekið verður með hættulegan
farm um langan veg,“ segir Hafsteinn.
Sorphirða í Þingeyjarsýslum
verður með þeim hætti á næstunni
að sorpi verður safnað ýmist
í móttökustöð á Húsavík eða
flokkunar stöð Gámaþjónustu
Norður lands á Akureyri, sett í
flutnings gáma og ekið til urðunar í
Stekkjar vík, urðunarstað Norðurár
bs. nálægt Blönduósi. Unnið verður
að endurskipulagningu sorphirðu
í Þingeyjar sýslum á næstu vikum
þar sem áhersla verður á flokkun
endurvinnsluefna frá heimilum og
rekstraraðilum.
Um 250 km leið með sorpið
Til staðar er lítill urðunarstaður við
Kópasker, starfsleyfi hans rann út í
lok síðastliðins árs og er nú unnið að
því að endurnýja það. Ekki verður
þó heimilt að urða þar sorp nema frá
næsta nágrenni, Kópaskeri, Raufar-
höfn og sveitum í kring. Fyrir liggur
því að sorp íbúa úr suður hluta
sýslunnar verði flutt um 250 kíló-
metra leið að Stekkjarbakka norðan
Blönduóss. Sömu leið þurfi svo að
fara til baka, alls um 500 kílómetra.
Magnið er um 2000 tonn í heild á ári,
en hægt er að taka um 18 tonn í ferð
og að sögn Hafsteins er kostnaður
við flutninginn vel á annað hundrað
þúsund krónur. „Þetta er gríðarlega
dýrt og óhagkvæmt, en eins og staðan
er í dag virðist þessi kostur sá eini
sem í boði er,“ segir hann.
Stefnt að því að minnka úrgang
með meiri flokkun
Reynt verður á næstu vikum að
endurskipuleggja sorpmálin í heild
og fá íbúa til að flokka meira svo
flytja þurfi minna magn á brott.
„Við munum áfram taka við sorpi
og koma því í réttan farveg,“
segir Hafsteinn, en áhersla verður
lögð á flokkun endurvinnsluefna
frá heimilum og rekstraraðilum.
Markmið flokkunarinnar er að
auka endurnýtingu og endurnotkun
og minnka þar með það magn sem
annars færi til urðunar. Ljóst er að
flutningur sorps og endurvinnsluefna
eftir þjóðvegum landins munu aukast
töluvert með tilheyrandi mengun og
sliti á vegum.
Unnið er að því að opna
urðunarstað í Tjarnarlandi, skemmt
frá Eiðum á Héraði síðsumars eða
í haust og segir Hafsteinn að ögn
styttra og ódýrara verði að flytja
úrganginn þangað, en kostnaðarsamt
eftir sem áður.
Yfirvöld sýna tómlæti
Hafsteinn segir að bæði stjórn og
eigendur Sorpsamlags Þingeyinga
undrist það tómlæti sem yfirvöld
hafi sýnt rekstrarumhverfi sorp-
brennslna sem starfað hafa
samkvæmt gildandi lögum og
reglugerðum, því viðurkennt sé
að sorpbrennsla er nauðsynlegur
þáttur í úrgangsstjórnun, ekki síst
við neyðaraðstæður. Hann bendir
á að skipaður hafi verið starfs-
hópur á vegum umhverfis- og
auðlindaráðuneytis á síðasta ári og
átti hann að skila tillögur í desember
síðastliðnum. Ekki bólaði enn á
þeim. Hann hefði sent ráðuneytinu
skriflega fyrirspurn um stöðu mála
um miðjan janúar, en ekki fengið
svar. „Ég fékk ekki einu sinni
staðfestingu á að erindi mitt hefði
verið móttekið. Það ríkir þögnin ein
á þeim bæ,“ segir Hafsteinn.
/MÞÞ
S
orpsamlag Þingeyinga hefur eytt margvíslegum úr-
gangi sem hvorki má endurvinna né urða. Þar má
nefna lífrænan úrgang frá sláturhúsum, dýrahræ og
sóttmengaðan úrgang frá sjúkrahúsum. Nú þegar ljóst er
að brennslunni verði lokað munu fyrirtæki og sveitarfélög
á starfssvæði hennar þurfa að flytja úrganginn til eyðingar,
landshluta á milli, með töluverðum tilkostnaði.
Uppbygging sorpbrennslustöðvarinnar á Húsavík, sem gangsett var haustið 2006, var að fullu fjármögnuð með
lánum frá Lánasjóði sveitarfélaga sem hvorki er hægt að breyta né greiða upp. Afborgunum og vaxtakostnaði vegna
lánanna hefur á undanförnum árum verið mætt með nýju hlutafé. Fyrir liggur að ráðast þarf í fjárfrekar endurbætur
á brennslunni sem ljóst er að ekki verður hægt að fjármagna miðað við núverandi forsendur. Mynd / Hafþór Hreiðarsson
Markús Ívarsson sæmdur gullmerki
Héraðssambandsins Skarphéðins
Héraðsþing HSK var haldið í
Aratungu laugardaginn 9. mars og
mættu um 100 manns á þingið sem
var það 91. í röðinni. Móttökur
heimamanna voru frábærar, en
þing sambandsins var nú haldið í
fjórða sinn í Aratungu.
Í upphafi þings var Markúsi Ívars-
syni veitt gullmerki sambandsins,
en hann hefur verið í forystuveit
Ungmennafélagsins Samhygðar í ára-
tugi og þá sat hann um árabil í stjórn
HSK. Jón Gestur Viggósson úr fram-
kvæmdastjórn ÍSÍ sæmdi hjónin Ástu
Laufeyju Sigurðardóttur og Ólaf Elí
Magnús son silfurmerki ÍSÍ. Bergur
Guðmundsson ritari HSK og Ólafur
Guðmundsson frjálsíþróttakempa
voru sæmdir starfsmerki UMFÍ, en
Helga Guðrún Guðjónsdóttir, for-
maður UMFÍ, afhenti þeim merkin.
Guðríður Aadnegard, formaður
HSK, afhenti á þinginu foreldra-
starfsbikarinn til handknattleiks-
deildar Ungmenna félags Selfoss,
Hestamannafélagið Sleipnir hlaut
unglingabikarinn og Ungmennafélag
Selfoss fékk bikar sem stigahæsta
félag í heildarstigakeppni ársins. Þá
var Vilhjálmur Þór Pálsson Umf.
Selfoss/GOS útnefndur öðlingur
ársins. Miklar og góðar umræður
fóru fram í fjórum starfsnefndum
þingsins og alls voru 23 tillögur
samþykktar á þinginu. Reikningar
sambandsins voru lagðir fram, en
rúmlega 1,3 milljóna króna hagn-
aður var af rekstri sambandsins. Öll
stjórn og varastjórn sambandsins var
endurkjörin á þinginu. Stjórn HSK
2013 skipa:
Formaður: Guðríður Aadnegard,
Íþróttafélaginu Hamri
Gjaldkeri: Hansína Kristjánsdóttir,
Ungmennafélagi Selfoss
Ritari: Bergur Guðmundsson,
Ungmennafélagi Selfoss
Varaformaður: Örn Guðnason,
Ungmennafélagi Selfoss
Meðstjórnandi: Fanney Ólafs-
dóttir, Ungmennafélaginu Vöku
Varamenn: Lára Bergljót Jóns-
dóttir, Ungmennafélagi Skeiða-
manna, Anný Ingimarsdóttir,
Ungmenna félaginu Samhygð, og
Guðmundur Jónasson, Ungmenna-
félaginu Heklu.
„Stjórn HSK vill koma á framfæri
þakklæti til þeirra sem komu að
undirbúningi þinghaldsins. Forystu
Ungmennafélags Biskupstungna
er sérstaklega þakkað fyrir góðar
móttökur og frábæra um gjörð
þinghaldsins. Einnig er Ungmenna-
félagi Laugdæla þakkað framlag
þess, en þingforsetar og ritarar komu
úr röðum Laugdæla. Bláskógabyggð
er þakkaður stuðningurinn, en
sveitarfélagið bauð þingfulltrúum
og gestum til hádegisverðar á
þinginu. Arion banka er þakkað
framlag vegna kostunar á verðlauna-
hátíðinni á þinginu,“ sagði Engilbert
Olgeirsson, framkvæmdastjóri HSK,
í samtali við blaðið. /MHH
Íþróttamennirnir sem voru tilnefndir í kjörinu um íþróttamann HSK 2012. Myndir / MHH
gullmerki sambandsins, en hann er hér með
Guðríði Aadnegard, formanni HSK.
Fimleikakonan Hrafnhildur Hanna Þrastardóttir,
Ungmennafélagi Selfoss, var valin íþróttamaður
HSK árið 2012. Hér er hún með verðlaunin sín.