Bændablaðið - 11.04.2013, Blaðsíða 26

26 Bændablaðið | Fimmtudagur 11. apríl 2013
Deildarfundur Norðausturdeildar Auðhumlu:
29 framleiðendur með úrvalsmjólk
Deildarfundur Norðausturdeildar
Auðhumlu, samvinnufélags mjólk-
urframleiðenda, var haldinn í
Sveinbjarnargerði í liðinni viku.
Á honum voru veittar viðurkenn-
ingar til kúabænda í Eyjafirði og
Þingeyjarsýslu sem framleiddu
úrvalsmjólk á árinu 2012. Alls
framleiddu 64 kúabændur á öllu
landinu úrvalsmjólk á sl. ári og þar
af voru 29 á svæði MS Akureyri.
Verðlaun fá þeir innleggjendur
sem lögðu inn mjólk í 1. flokki A í
öllum mánuðum ársins 2012. Mörk
fyrir 1. flokk A eru þau að beint
meðaltal líftölu sé jafnt eða minna
en 25 þús., faldmeðaltal mánaðarins
á frumum sé undir 220 þús., að engar
lyfjaleifar finnist í mánuðinum og
faldmeðaltal frírra fitusýra sé jafnt
eða minna en 1,1 mmol/l.
Kristján Gunnarsson mjólkur-
eftirlitsmaður hjá MS tilkynnti á
fundinum að hann hyggðist láta
af störfum um næstu áramót, eftir
áratuga farsæl störf hjá MS Akureyri.
Bændur þökkuðu Kristjáni fyrir vel
unnin störf með því að rísa úr sætum
sínum og klappa fyrir honum.
Eftirtaldir bændur í Eyjafirði og
Þingeyjarsýslu fengu verðlaun fyrir
úrvalsmjólk:
Jóhann Tryggvason
Vöglum
Helgi og Beate Stormo
Kristnesi
Kristín S. Hermannsdóttir
Merkigili
Félagsbúið Espihóli
Espihóli
Níels Helgason
Torfum
Jóhann H. Jónsson
Stóra-Dal
Félagsbúið Villingadal
Villingadal
Hlynur Þórsson
Akri
Gamla Klauf ehf.
Klauf
Benjamín Baldursson
Ytri-Tjörnum 2
Guðmundur Gylfi Halldórsson
Breiðabóli
Gestur Jónmundur Jensson
Efri-Dálksstöðum
Dagverðareyri ehf.
Dagverðareyri
Gunnsteinn Þorgilsson
Sökku
Sveinn Kjartan Sverrisson
Melum
Urðarbúið
Urðum
Félagsbúið Böðvarsnes
Böðvarsnesi
Karl Björnsson
Veisu
Gunnar Hallur Ingólfsson
Steinkirkju
Vogabú ehf.
Vogum
Glúmur Haraldsson
Hólum
Sveinbjörn Þór Sigurðsson
Búvöllum
Ketill Indriðason
Ytra-Fjalli
Arndísarstaðir ehf.
Arndísarstöðum
Ingvar Ketilsson
Halldórsstöðum
Ólafur Haraldsson
Fljótsbakka
Ingjaldsstaðabú ehf.
Ingjaldsstöðum
Félagsbúið Hraunkoti
Hraunkoti 1
Sigtryggur Garðarsson
Reykjavöllum.
/MÞÞ
Myndir / Hallgrímur Einarsson
-
Aðalfundur Landssambands kúabænda 2013:
Sextíu prósent kúabænda andsnúin íblöndun erlends erfðaefnis
– gera kröfu um að tollar á innfluttum mjólkurafurðum fylgi verðlagsþróun
Sextíu prósent íslenskra kúabænda
eru mótfallnir því að blanda
erlendu erfðaefni við íslenska
kúastofninn í því skyni að auka
hagkvæmni mjólkurframleiðslu.
Þetta kom fram í setningarræðu
Sigurðar Loftssonar, formanns
Landssambands kúabænda (LK),
við upphaf aðalfundar sambandsins
sem var haldinn á Egilsstöðum 22.-
23. mars síðastliðinn.
„Kynbótastarfið er einn helsti
drifkraftur aukinnar hagvæmni
mjólkurframleiðslunnar. Það er því
ekki óeðlilegt að um það séu skiptar
skoðanir innan greinarinnar hvernig
best sé að þeim málum staðið og
vissulega takmarkar stærð stofnsins
umtalsvert þá möguleika sem við
höfum til að hraða erfðaframförum
samanborið við nágrannalöndin.
Hugmyndir um að ýta undir framfarir
í kúastofninum með innflutningi
erfðaefnis hafa verið til umræðu á
vettvangi LK nú um langt árabil og
tekist á við sjónarmið þeirra sem
vilja halda stofninum hreinum í því
tilliti. Niðurstaða viðhorfskönnunar
LK á afstöðu bænda til þessa máls
er hins vegar nokkuð afgerandi og
athyglisverð, en tæp 60% hópsins vilja
ekki að notuð sé innblöndun í íslenska
kúastofninn við framræktun hans.
Það er því ljóst að ekki getur orðið að
neinni innblöndun á vettvangi hins
sameiginlega kynbótastarfs meðan
svo er og þá niðurstöðu ber að virða,“
sagði Sigurður í ræðu sinni.
Margir nota heimanaut
Sigurður nefndi í framhaldi af þessu
að enn væru miklir möguleikar á að
ná framförum í ræktunarstarfinu. Í
viðhorfskönnuninni sem Sigurður
gerði að umtalsefni kom í ljós að tæp
60 prósent svarenda notuðu heimanaut
á kvígur. Reyndar sýna niðurstöður
skýrsluhalds að hlutfallið er enn
hærra eins og kom fram í síðasta
Bændablaði, eða 70,4 prósent.
Sigurður sagði að mikilvægt væri
að draga úr notkun á heimanautum
til að bæta kynbótastarfið. „Í yfirliti
greinar eftir þá Ágúst Sigurðsson og
Jón Viðar Jónmundsson um árangur
ræktunarstarfsins á umliðnum
áratugum og sem vitnaða var til á
þessum vettvangi fyrir ári síðan kom
fram að: „Erfðaframfarir hin síðari ár
hafa verið 11% af erfðabreytileika, en
gætu verið 16% við bestu aðstæður,
þar sem allir bændur tækju fullan
þátt, ættfærslur fullkomnar og
eingöngu notuð sæðinganaut. Það
megi því segja að kerfið keyri á 11/16
afköstum, eða um 70%. Sú staða
hlýtur að vera með öllu óviðunandi,
greinin ætti ekki að sætta sig við
minna en 90-95% afköst því þarna er
um stórar upphæðir að tefla í aukinni
hagkvæmni rekstrarins.“ Í þessu
ljósi er athyglisverð sú niðurstaða
viðhorfskönnunarinnar að tæp 60%
svarenda notar heimanaut á kvígurnar
og þegar spurt er um ástæður þessa,
svarar sama hlutfall því til að þetta
sé gert til þæginda. Einungis tæp 8%
tilgreina háan sæðingakostnað og
9% að sæðinganautin uppfylli ekki
kröfur þeirra. Í könnuninni kemur
líka fram að heimanautanotkunin er
mest meðal minnstu búanna og er þá
sama hvort um er að ræða kvígur eða
kýr. Á þessum sömu búum er samt
andstaðan við innblöndun í stofninn
líka áberandi mest. Kynbótastarfið
eins og það er uppbyggt hér á landi
er félagslegt verkefni og árangurinn í
réttu samræmi við virkni þátttakenda.
Samstaða er forsenda árangurs, þeir
sem hana vilja ættu því að ganga á
undan með góðu fordæmi.“
Stjórnin endurkjörin
Sigurður var endurkjörinn formaður á
fundinum, sem og aðrir stjórnarmenn,
þau Guðný Helga Björnsdóttir á
Bessastöðum, Jóhann Gísli Jóhannsson
á Breiðavaði, Jóhann Nikulásson í
Stóru-Hildisey 2 og Trausti Þórisson
á Hofsá. Varamenn eru eftir sem áður
Jóhanna Hreinsdóttir í Káraneskoti og
Guðrún Lárusdóttir í Keldudal.
Samræmd gjaldskrá fyrir sæðingar
Ríflega tuttugu ályktanir voru
samþykktar á fundinum. Þeirra á meðal
var ályktun um góða búskaparhætti
en þeir væru, ásamt snyrtimennsku,
mikilvægir til að tryggja velferð
dýra og þar með byggja upp traust
og velvilja í garð framleiðslunnar.
Umgengni og vinnubrögð gætu
haft bein áhrif á gæði og hreinleika
afurðanna. Aðalfundurinn fagnaði
vinnu sem unnin hefur verið við
undirbúning útkomu handbókar
með „leiðbeiningum um góða
framleiðsluhætti“ og hvatti til
samstarfs LK, afurðastöðva og
Matvælastofnunar sem byggði á
leiðbeiningunum og miðaði að því
að skapa skilvirkt kerfi með fáum
eftirlitsaðilum.
Ályktað var um sæðingar-
starfsemi og hvatt til þess að komið
yrði á samræmdri gjaldskrá fyrir allt
landið. Þá lýsti fundurinn áhyggjum
vegna ótryggrar dýralæknaþjónustu
á ákveðnum svæðum um landið og
skoraði á stjórnvöld að endurskoða
vaktsvæði dýralækna í ljósi þess
að þau væru allt of víðfeðm til að
einn vaktlæknir gæti sinnt þeim. Að
sama skapi krafðist fundurinn þess
að starfshópur sem ætlað er að fara
yfir löggjöf og reglur um afhendingu
dýralyfja yrði skipaður hið fyrsta og
að hann ynni hratt og vel.
Vilja meiri tollkvóta
Kúabændur leggja jafnframt áherslu
á að stjórnvöld sjái til þess að tollar
á innfluttum mjólkurafurðum fylgi
verðlagsþróun en verðtollar hafa
verið óbreyttir frá undirritun WTO
samninganna árið 1995. Fundurinn
vill jafnframt að unnið verði af krafti
að því að auka tollkvóta fyrir íslenskar
mjólkurvörur á markaði innan Evrópu,
í ljósi mikillar eftirspurnar og sölu á
skyri á Finnlandsmarkað.
Í ljósi nýlegrar skýrslu um
holdanautaræktun og nautakjöts-
framleiðslu ályktaði aðalfundurinn
að brýna nauðsyn bæri til að
flytja inn nýtt erfðaefni til að bæta
holdanautastofninn í landinu.
Ætti á annað borð að stunda
holdanautaræktun hér á landi væri
það óhjákvæmilegt. Þó yrði að
kanna hvernig hægt væri að standa
að slíkum innflutningi svo hann væri
ásættanlegur með tilliti til sóttvarna
annars vegar og kostnaðar hins vegar.
Magnús B. hlaut heiðursverðlaun
Á fundinum var Magnúsi B. Jónssyni
veitt heiðursviðurkenning LK, en
Magnús hefur um áratugaskeið
starfað í þágu bænda, sem skólastjóri
Bændaskólans á Hvanneyri, sem rektor
Landbúnaðarháskóla Íslands, sem
ráðunautur og síðast landsráðunautur
í nautgriparækt en því starfi gegndi
hann fram á síðasta ár er hann lét af
störfum. /fr