Fréttatíminn - 26.08.2011, Blaðsíða 4

Óskar Hrafn
Þorvaldsson
oskar@
frettatiminn.is
ÁGÚST TILBOÐ
YFIR 30 GERÐIR
GASGRILLA
Á TILBOÐIHlíðasmára 13, Kóp - S. 554 0400
Er frá Þýskalandi
www.grillbudin.is
FULLT VERÐ
94.900
64.900
Opið laugardag
til kl. 14
Verðbólgan 5%
5%
Verðbólga
24. ágúst 2011
Hagstofa
Íslands
S igling stjórnenda Hörpu með vel valda boðsgesti á Menningarnótt kostaði rétt tæpa milljón. Þetta
staðfestir Steinunn Birna Ragnarsdóttir,
tónlistarstjóri Hörpu, í skriflegu svari
við fyrirspurn Fréttatímans. Siglt var á
hvalaskoðunarbátnum Hafsúlunni um­
hverfis Hörpu til að hægt væri að skoða
ljósasýningu glerhjúps Ólafs Elíassonar
frá hafi. Í svari Steinunnar kemur fram
að leigan á bátnum hafi kostað 400 þús­
und krónur, veitingarnar hafi kostað 490
þúsund og annar kostnaður hafi verið
um 100 þúsund krónur.
Steinunn Birna segir að um stutta sigl­
ingu hafi verið að ræða og að hún hafi
staðið í um hálftíma eftir að flugeldasýn­
ingunni á vegum Menningarnætur lauk.
„Bátsferðin var hluti af þeirri dagskrá
sem erlendum fjölmiðlamönnum var
boðið upp á og sérstaklega farin til þess
að þeir gætu tekið myndir af Hörpu utan
af sjó. Mikill fjöldi erlendra blaðamanna
kom hingað til lands til að vera viðstadd­
ir vígsluna á glerhjúp Ólafs Elíassonar.
Meðal annars frá blöðunum The Ob­
server, The New York
Times, The Wall Street
Journal, Newsweek og
TIME magazine auk
fulltrúa ýmissa fag­
tímarita og miðla sem
fjalla um arkitektúr.
Fjallað var um vígsluna
í kvöldfréttum í þýska útvarpinu í gær­
kvöld. Aðrir sem fóru með í bátsferðina
voru meðal annars Ólafur Elíasson og
starfslið hans, danskir arkitektar Hörpu,
verkfræðingar og aðrir erlendir sér­
fræðingar sem komu að
byggingunni og veittu
erlendu fjölmiðlunum
viðtöl um bygginguna.
Einnig fóru nokkrir
starfsmenn Hörpu sem
önnuðust skipulagn­
ingu og utanumhald
vegna blaðamannanna, ljósmyndarar og
myndatökufólk,“ segir Steinunn Birna.
Óskar Hrafn Þorvaldsson
oskar@frettatiminn.is
glerhjúpur
Hörpunnar.
 Harpa Skemmtiferðir
Boðssigling kostaði milljón
Umdeild sigling stjórnenda Hörpu með valda aðila á Menningarnótt var ekki ókeypis.
Þ etta var fínn fundur,“ sagði Ís­leifur B. Þórhallsson athafna­maður og það var allt og sumt
sem blaðamaður Fréttatímans fékk
upp úr honum áður en hann hljóp á
fund, utan: „Ég sver það, ég er ekki að
ljúga, ég er að fara á fund.“
Í gær gengu fulltrúar Bandalags ís­
lenskra tónleikahaldara (Bít), þeir Ís­
leifur, Jakob Frímann Magnússon og
Þorsteinn Stephensen, á fund stjórn­
enda Hörpu og gerðu þeim grein fyrir
því að ýmis skilyrði hússins og fram­
ganga stjórnenda þar væru óásættan­
leg. Hvorki náðist í Jakob né Þorstein
við vinnslu fréttarinnar. Málið er við­
kvæmt. Fáir sem því tengjast vilja tjá
sig – ótti virðist ríkja við að það geti
komið húsinu sem slíku og tónleika­
haldi þar illa.
Á miðvikudag hélt Bít fund þar
sem fram kom djúpstæð óánægja
tónleikahaldara með samskiptin
við Hörpu. Samkvæmt heimildum
Fréttatímans þykir tónleikahöldur­
um víða pottur brotinn varðandi ófrá­
víkjanlegar kröfur og staðla af hálfu
hússins, sem og algert skilningsleysi
í garð þeirra sem starfa á frjálsum
markaði. Samningsbrot Hörpu við
Helga Björnsson var eitt þeirra korna
sem fylltu mælinn. Helgi hafði bókað
sal í Hörpu til að halda aukatónleika
vegna mikillar aðsóknar á tónleika
sem hann hélt þar 17. júní. Hann var
með skriflegan samning þess efnis
en þrátt fyrir það voru seinna bók­
aðir tónleikar Kristins Sigmundsson­
ar og Víkings Heiðars á þeim tíma og
í þeim sal þar sem til stóð að halda
tónleikana. Helgi vildi ekki tjá sig
um málið við Fréttatímann en hann
stendur nú í viðræðum við stjórnend­
ur hússins með það fyrir augum að
finna friðsæla lausn.
Það sama gildir um tónlistarstjór­
ann Steinunni Birnu Ragnarsdóttir
varðandi það mál en hún kannast vel
við kurr meðal hryntónlistarmanna.
Bubbi Morthens hefur ekki farið leynt
með óánægju sína en tónleikahöldur­
um finnst sem stjórnendur Hörpu taki
óheyrilega mikið í sinn hlut í krafti
einokunaraðstöðu sinnar: Húsaleiga
er há, uppgjör fer fram seint, rukkað
er fyrir allan tækjabúnað, tæknimenn
í topp og er mönnum óleyfilegt að
koma með nokkuð í húsið; veitingar
seldar á uppsprengdu verði. Þá er
ágreiningur um hversu mikla pró­
sentu Harpa tekur af hverjum útprent­
uðum miða. Tónleikahaldarar tala um
lítinn vilja stjórnenda Hörpu til við­
ræðna og að hægt gangi með öll mál:
Þannig er ekki búið að útkljá umdeilt
mál er varðar reglur um að leita skuli
á þeim tónlistarmönnum sem koma í
húsið.
Þrátt fyrir þessa óánægju segir
Steinunn Birna fundinn með Bít hafa
gengið vel. „Ég fagna því að þeir stofni
til samtals við húsið. Sameiginlegir
hagsmunir beggja aðila eru að vel tak­
ist til í þessum málum. Ég er persónu­
lega sannfærð um að margt af því sem
hefur kostað ágreining á milli manna
er á misskilningi byggt. Að mörgu
leyti eru þetta verðugar ábendingar
en að hluta skortur á upplýsingum
sem vera má að við höfum ekki verið
nógu dugleg að koma frá okkur. Sá
dæmir harðast sem ekki veit.“
Steinunn Birna segir að ýmsir
hafi óraunhæfar væntingar til húss­
ins. „Við verðum að horfa til þeirrar
staðreyndar að þetta er einstakt hús
miðað við íslenskar aðstæður; þarna
eru tvær íslenskar menningarstofn­
anir komnar inn með sína starfsemi,
þarna eru kjöraðstæður fyrir Óperuna
og Sinfóníuhljómsveitarina. Hryn­
tónlistarmenn eiga annarra kosta völ.
Harpan er hrein viðbót fyrir þá.“
Jakob Bjarnar Grétarsson
ritstjorn@frettatiminn.is
Hryntónlistarmenn
í hart við Hörpu
Þolinmæði tónleikahaldara hryntónlistar gagnvart Hörpu virðist á þrotum en þeir telja sig
mæta skilningsleysi meðal stjórnenda. Í gær gengu stjórnarmenn bíts á fund Hörpufólks og
skýrðu frá óánægju sinni. Steinunn birna ragnarsdóttir tónlistarstjóri fagnar því að þeir skuli
efna til samtals við húsið.
 tónliStarHúS DjúpStæð óánægja tónleikaHalDara
Segir vafa leika á
rekstrarhæfi Olís
Vafi kann að leika á rekstrarhæfi Olís, að
því er fram kom í Viðskiptablaðinu í gær.
blaðið segir helstu
ástæður þess vera
að tæplega tveggja
milljarða lán félags-
ins féll á gjalddaga
í maí 2011, að Olís á
1,4 milljarða króna
kröfu á móðurfélag
sitt sem er með neikvætt eigið fé og
að félagið gjaldfærir ekki 560 milljóna
króna stjórnvaldssekt vegna olíu-
samráðsins í reikningum sínum. Fram
kom að Olíssamsteypan tapaði 65,9
milljónum króna í fyrra. - jh
Verðbólgan mælist nú 5%, samkvæmt tölum sem Hagstofa Ís-
lands birti í gær. Vísitala neysluverðs miðuð við verðlag í ágúst
er 380,9 stig og hækkaði um 0,26% frá fyrri mánuði. Vísitala
neysluverðs án húsnæðis er 361,2 stig og hækkaði um 0,36% frá
júlí. Sumarútsölur eru víða um garð gengnar og hækkaði verð á
fötum og skóm um 5,5%. Verð á mat og drykkjarvöru hækkaði um
0,8% og verð á bensíni og olíum lækkaði um 1,7%. Síðastliðna tólf
mánuði hefur vísitala neysluverðs hækkað um 5,0% og vísitalan
án húsnæðis um 4,7%. Undanfarna þrjá mánuði hefur vísitala
neysluverðs hækkað um 0,9% sem jafngildir 3,5% verðbólgu á ári
eða 2,7% verðbólgu fyrir vísitöluna án húsnæðis. - jh
Iðnaðarráðherra
ekur á vetnisrafbíl
Katrín Júlíusdóttir iðnaðarráð-
herra fékk vetnisrafbíl til afnota
í vikunni, að því er fram kemur á
síðu iðnaðarráðuneytisins. bíllinn
er af gerðinni Hyundai Tucson
ix35. Hann er hér á vegum skandi-
navísku vetnisvegasamtakanna
(SHHP) og Íslenskrar Nýorku og
er koma bílsins hluti af bílapróf-
unum Hyundai á vetnisrafbílum á
Norðurlöndunum. Áfylling bílsins
tekur um þrjár mínútur og hefur
hann um 600 kílómetra drægni
á einum tanki sem er sambæri-
legt við það sem hefðbundnir
bensínbílar draga. - jh
L
jó
sm
yn
d/
ið
na
ða
rr
áð
un
ey
ti
ð
Steinunn Birna Ragnars-
dóttir. Telur ágreining
við tónleikahaldara á
misskilningi byggðan. „Sá
dæmir harðast sem ekki
veit.“
Samnings-
brot Hörpu
við Helga
Björnsson
eitt þeirra
korna sem
fylltu mæl-
inn.
2 fréttir Helgin 26.-28. ágúst 2011