Læknablaðið - 01.08.1969, Side 53

LÆKNABLAÐIÐ
135
tíu þungunum verða, enda þótt I.U.D. sé í legholinu, en í hinum
tilfellunum hefur hluturinn gengið niður, án þess að konan tæki
eftir því.
Nýlega var kona á fæðingardeild Landspítalans, sem var með
Lippes-lykkju. Hafði lykkjan gengið í gegnum legið og var uppi
í kviðarholinu, gróin inn í netjuna.
Konan átti tvö böm, og var Lippes-lykkja lögð upp, án þess
að nokkuð væri getið um óþægindi við þá aðgerð, en legið var
aftursveigt. Við skoðun tveim mánuðum seinna sáust ekki nælon-
þræðir um legop, og konan hafði ekki heldur fundið j)á við innri
þreifingu. Sjö mánuðum seinna kom konan enn til eftirlits, og
sáust ekki þræðirnir í legopi að heldur, og konan hafði aldrei
getað fundið þá sjálf við þreifingu. Hins vegar voru ekki neinar
kvartanir og tíðir voru óbreyttar, eðlilegar.
Við rannsókn 13 mánuðum eftir, að Lippes-lykkja hafði verið
sett upp í legið, kom konan enn til eftirlits, og var ekki að sjá
þræðina um legop, en nú var orðin átta vikna tíðateppa og kon-
an um sex vikur gengin með. Eftir á að hyggja segist konan
tvisvar á meðgöngutímanum hafa fengið sára verki niður i
grindarholið, og einu sinni varð hún að fá lækni heim, en þetta
leið hjá og varð annars ekkert að.
Konan fæddi eðlilega og réttskapað barn, sem vó 15 merkur.
Ekki kom lykkjan fram, þegar fylgja og belgir fæddust, og
sængurlega var alveg eðlileg.
Rúmum fimm mánuðum eftir fæðinguna kom konan í skoð-
un, og hafði þá verið tíðateppa í tvo mánuði. Einkenni voru um
þungun, og reyndist konan vera 6-8 vikna barnshafandi.
Við f>Tstu skoðun var Gravindex neikvætt og vegna þess, að
aldrei hafði orðið vart við nylonþræði né heldur lykkjan komið
við fæðinguna, var nú tekin yfirlitsröntgenmynd af grindarhol-
inu. Kom í ljós á myndinni gapandi Lippes-lykkja, sem bar í
mjaðmarbein vinstra megin. Konan gat ekki hugsað sér að ganga
enn með og fæða barn, enda orðin langþreytt sálarlega á þessu.
Þess vegna var fóstureyðingarbeiðni tekin til greina og fram-
kvæmd fóstureyðing skv. lögum.
Síðan var gerður uppskurður á konunni, og þá fannst Lippes-
Ivkkja, eins og áður segir, gróin inn í netjuna, en alveg laus við
garnir og líffæri grindarholsins.
Legið var eðlilegt á yfirborði og lífhimnan alls staðar glans-
andi. Ekki var heldur neins staðar að sjá verksummerki örvefs
eða samvaxta aftan á leginu og niður með leghálsi í Douglas-