Læknablaðið - 01.08.1972, Side 21

L.ÆKNABL AÐIÐ
63
Mynd 8
Einfalt hliðarstreymi: Milli aorta og a. coronaria dxt.
er komið á hliðarstreymi framhjá þrengslum í þeirri æð. Á sama hátt
er hægt að mynda hliðarstreymi við allar aðalgreinarnar í krans-
slagæðunum og gera það þannig einfalt, tvöfalt — eða þrefalt (mono,
double, triple graft), (mynd 8rl0).
Val sjúklinga. Það er ekki ætlunin með þessum skrifum að gefa
neinar tæmandi upplýsingar um val sjúklinga með kransæðakölkun
til skurðaðgerðar. Valið byggist á nákvæmu mati á bæði klíniskum
einkennum (clinical criteria) svo og niðurstöðum rannsókna og sér-
staklega kransæðamyndatöku (angiographic criteria).27 Með tilkomu
hliðarstreymisaðgerðarinnar koma fleiri tilfelli til álita en áður, bæði
vegna minni áhættu og betri árangurs, og eins vegna þess, að hægt
er að gera aðgerðina á fleiri kransslagæðum með líkum árangri. í
stuttu máli sagt, bá kemur hliðarstreymisaðferðin til greina hjá öllum
sjúklingum með kransæðakölkun, þar sem þrengslin eru minnst 70%
af æðaropinu og allt að fullkomin lokun í æðinni, en skilyrði er, að
minnst 50% af æðinni sé opin, fjarlægt við aðalþrengalin (a good
distal run-off).!l Loks má geta þess, að aðferðin hefur verið gerð á
sjúklingum með bráðahjartadrep, en aðgerðir á þessum hópi sjúklinga
eru samt ennþá á tilraunastigi, en munu væntanlega þróast á komandi
árum.0 19 22 25 26 27