Læknablaðið - 01.08.1972, Blaðsíða 16

58
LÆKNABLAÐIÐ
cava inferior og taka þær við öllu blóði, sem berst til hjartans. Þessar
slöngur eru síðan tengdar saman í eina, sem liggur til hjarta-lungna-
vélarinnar, þar sem loftskiptin fara fram. Síðan rennur súrefnisríkt
blóð eftir annarri slöngu frá vélinni og inn í slagæðakerfi sjúklings-
ins, venjulega inn í arteria femoralis, sem er frílögð í nára, (venjulega
hægra megin), opnuð þar og þrædd inn í hana slanga, (canyl). Þannig
er mynduð blóðhringrás utan líkamans (extracorporeal circulation),
sem fullnægir loftskiptunum, á meðan aðgerðin á hjartanum fer fram.
ELDRI SKURÐAÐGERÐIR
Það er nú meira en hálf öld síðan fyrst var reynt að bæta blóð-
rásina til hjartans með skurðaðgerð, því að árið 1916 var framkvæmd
ganglionectomia, fyrsta skipulagða tilraunin til að lækna atheroscler-
osis í kransslagæðum með skurðaðgerð. Tilgangurinn var að auka
blóðstreymið til hjartans með því að skapa á þennan hátt útvíkkun
kransslagæðanna (vasodilatation), en árangurinn varð ekki góður.30
Síðar komu fram aðferðir eins og t. d. pericardectomia, púðrun á
pericardium með ertandi púðri og ígræðslu á netju og fleiri aðferðir,
en engin þeirra reyndist góð. G 30
Aðferðir þær, sem sennilega hafa verið notaðar mest seinasta ára-
Mynd 3
Æðamynd af vinstri kransslagæð, sem sýnir mikil þrengsli proximalt
í r. descendens og einnig þrengsli distalt í sömu æð.