Læknablaðið - 01.02.1977, Qupperneq 47

LÆKNABLAÐIÐ
23
NABLAÐIÐ
THE ICELANDIC MEDICAL JOURNAL
Læknafdag íslands- og IlThI
Læknafdag Reykjavikur
63. ARG. — JAN.-FEBR. 1977
SAMSTARF SJÚKRAHÚSANNA
í REYKJAVÍK
Á undanförnum tveim árum hefur Félag
forstöðumanna sjúkrahúsa á íslandi gengizt
fyrir ráðstefnum um málefni sjúkrahúsa.
Aðalhvatamaður að þessari nýbreytni mun
vera Davíð Á. Gunnarsson, aðstoðarforstjóri
Ríkisspítalanna, sem er formaður félagsins.
Síðasta ráðstefnan af þessu tagi var haldin
að Hótel Esju 4. marz 1977 og var fjallað
um rekstrarform sjúkrahúsa.
í lögum Landssambands sjúkrahúsa segir
um markmið sambandsins, að það sé ,,að
efla samstarf sjúkrahúsanna og standa vörð
um hagsmuni þeirra." Skuli þetta gert m. a.
með því, að „vinna að samræmingu á rekstr-
arfyrirkomulagi og miðla reynslu og upp-
lýsingum, er forráðamönnum sjúkrahúsanna
mega verða að gagni við hagkvæmni í rekstn
og bættrar þjónustu á ýmsum sviðum."
í þessu eintaki ritar Árni Björnsson tíma-
bæra grein um samstarf sjúkrahúsa, hvað
varðar þann þátt þjónustunnar er lýtur að
kennslu. í grein sinni rekur Árni þær til-
raunir, sem gerðar hafa verið til þess að
koma á auknu samstarfi sjúkrahúsa, og þær
tillögur, sem fram hafa komið, og að lokum
setur hann fram ákveðnar hugmyndir, sem
ættu að geta orðið kveikja líflegra umræðna.
öb
HAGUR LÆKNABLAÐSINS
í 10.-12. tbl. 1976 voru birtir reikningar
blaðsins fyrir árin 1969-1975.
Ýmislegt í reikningum þessum þarfnast
skýringa og jafnframt mun tækifærið notað
til þess að gera grein fyrir fjárhagsáætlun
þess árgangs, sem nú hefur göngu sína.
Á tímabilinu 1971-1975 hefur kostnaður
nærri þrefaldazt, en jafnframt er þess að
geta, að eintakafjöldi hefur verið nokkuð
misjafn þessi ár. 1971 voru þau 6, 1972: 5,
1973: 6, 1974: 3 og 1975: 4. Þá hefur á ár-
inu 1975 verið talið til tekna framlag úr
Sóttvarnasjóði, vegna greinar Sigurðar Sig-
urðssonar, fyrrv. landlæknis, um berklaveiki
á íslandi, sem í raun tilheyrir árinu 1976. Á
því ári komu út 5 eintök.
Skuld biaðsins við læknafélögin í árs-
byrjun 1976 nam því kr. 1.016.122.80.
Sé þessari tölu jafnað niður á þá 480
gjaldendur, sem greiddu tillag 1976 (390
fullt gjald og 90 hálft gjald) koma tæpar
2200 krónur á hvern þann sem greiðir fullt
árgjald og um 761 króna á hvert hinna
þriggja ára, sem hallarekstur hefur verið á
blaðinu.
Uppgjör ársins 1976 liggur enn ekki fyrir,
en tap á því ári er áætlað rúmlega hálf
milljón.
Áætlanir fyrir 1977
Nýverið boðaði Læknablaðið auglýsendur
til fundar og var þeim þar kynntur hagur
blaðsins og nauðsyn . þess, að auglýsinga-
gjöld hækki um 50% frá síðustu áramótum
að telja. Að öðru jöfnu ætti þetta að tákna
hlutfallslega jafn mikla hækkun tekna, en
þar sem búast má við hækkunum á kostnaði,
jafnvel sem þessu svarar, má búast við að
halli á blaðinu í ár verði a. m. k. 750 þúsund.
Þessi tala er þó í rauninni afstæð, þar sem
hún er miðuð við þá ákvörðun aðalfundar
1976, að árgjald til Læknablaðsins skuli
vera 2000 krónur á félaga.
Ætlun ritstjórnar er að koma út sex ein-
tökum á árinu 1977 og ætti þá að takast að
komast langt með að birta það efni, sem
nú liggur fyrir. Hins vegar berst stöðugt
nýtt efni, að mestum hluta af fræðilegum
toga spunnið.
Félagslegt efni
hefur því orðið minna að vöxtum en til er
ætlazt og sumt sem birtist er orðið of gam-
alt.
Hefur verið varpað fram þeirri spurningu
hvort ekki sé ástæða til að gefa út sérstök
eintök með fersku félagslegu efni, umræð-
um um dægurmál læknastéttarinnar, sem
ekki er hægt að birta á öðrum vettvangi.