Dagblaðið Vísir - DV - 12.01.2007, Síða 19

Hefur frumkvæði
Guðlaugur Þór Þórð-
arson stjórnmálafræð-
ingur hefur setið á Al-
þingi síðan árið 2003.
Hann sat í borgarstjórn
fyrir Sjálfstæðisflokkinn
frá árinu 1998 og á þrátt
fyrir ungan aldur gríðar-
lega langan feril að baki
í stjórnmálum. Guðlaug-
ur Þór er fæddur árið
1967. Hann hefur setið í
ótal nefndum og ráðum
og er að sögn þeirra sem
þekkja hann eldhuginn
í flokknum sem virð-
ist hafa endalausa elju.
Meðal þeirra ábyrgðar-
starfa sem Guðlaugur Þór
hefur gegnt fyrir Sjálf-
stæðisflokkinn má nefna
setu hans í stjórn Sam-
bands ungra sjálfstæðis-
manna 1987–1997, hann
var ritari 1987–1989,
varaformaður 1989–1993 og formaður 1993–1997. Þá sat hann í
miðstjórn Sjálfstæðisflokksins 1991-1997 og framkvæmdastjórn
1993–1997. Guðlaugur Þór er líka formaður stærsta íþróttafélags
landsins, Fjölnis í Grafarvogi.
Nennti endalaust að djöflast í Ingibjörgu
Samflokksmenn Guðlaugs Þórs segja hann vera að uppskera
núna það sem hann hefur sáð til á löngum ferli í Sjálfstæðis-
flokknum. Hann sé hrikalega vel tengdur og fáir sem hafi jafn-
gaman af því sem þeir eru að gera.
Eftirminnilegt sé hvernig hann hafi haft sigur yfir Birni
Bjarnasyni í prófkjöri flokksins og nú sé ljóst að hann muni leiða
listann í Reykjavík norður.
Guðlaugur þykir hafa mikið frumkvæði og vera vel að sér í
mörgum málaflokkum, en sumum þykir hann jafnvel hafa of
mörg járn í eldinum. Hann er meðal annars formaður stórs
íþróttafélags auk þess sem hann er stjórnarformaður Orkuveit-
unnar og nýhættur sem borgarfulltrúi. Guðlaugur er alls staðar,
segja vinir hans í flokknum, og þótt hann sé ekki að vanrækja
neitt getur það orðið dálítið hættulegt. Hann verði líka að vara
sig á að verða ekki eins og kjördæmaþingmennirnir og hugsa
bara um Grafarvoginn þar sem hann hefur gríðarlegan stuðn-
ing, hann sé auðvitað þingmaður allra Reykvíkinga.
Skipulagður með hárfína tilfinningu fyrir aðstæðum
Guðlaugur Þór er sagður léttur og skemmtilegur, hláturmild-
ur og glaður og þar af leiðandi líki fólki vel við hann. Svo sé hann
mun meiri frjálshyggjumaður en menn haldi. Margir eru viss-
ir um að hann eigi eftir að njóta mikillar velgengni í kosning-
unum því hann hafi svo gaman af baráttunni sjálfri, skipuleggi
sig vel og raði rétta fólkinu í kringum sig. Þó að sumum finnist
nóg um hvað Guðlaugur Þór er í mörgum verkefnum eru þeir
samt þeirrar skoðunar að hann muni ná að skipuleggja sig vel.
Þeir taka sem dæmi að þegar hann tók við stjórnarformennsku
Orkuveitunnar hafi hann notað sumarið þegar þingið var í fríi til
að setja sig inn í mál fyrirtækisins og þannig sé um allt sem hann
tekur sér fyrir hendur.
Guðlaugur Þór á að sögn mjög stóran vina- og kunningja-
hóp og ekki að ástæðulausu að hann hefur aldrei tapað kosn-
ingu. Hann sé stjórnmálamaður af nýju kynslóðinni sem höfði
til breiðari hóps en margir jafnaldrar hans. Þeir séu meira til
hægri en Guðlaugur Þór sé búinn að tala um fjölskyldumál og
umhverfismál í tíu ár.
EJ
DV Fréttir föstudagur 12. janúar 2007 19
Fyrirhafnarlaus frami
Bjarni Benediktsson
er einn af yngri þing-
mönnum Sjálfstæðis-
flokksins, fæddur árið
1970. Bjarni lauk lög-
fræðiprófi frá HÍ árið
1995 og nam þýsku og
lögfræði í Þýskalandi
1995–1996. Hann hef-
ur LL.M.-gráðu frá Uni-
versity of Miami School
of Law í Bandaríkjunum
og varð héraðsdóms-
lögmaður árið 1998. Þá
er hann löggiltur verð-
bréfamiðlari. Bjarni
var í stjórn Hugins, fé-
lags ungra sjálfstæðis-
manna í Garðabæ, árin
1991–1993 og kom inn á
þing sem fimmti maður
í Suðvesturkjördæmi
árið 2003. Hann hefur
setið í mörgum nefnd-
um Alþingis en mesta
athygli vakti hann þegar hann var formaður allsherjarnefndar
og fjölmiðlamálið var í algleymingi.
Rödd skynsemi og hófsemdar
Bjarni fær hæstu einkunn hjá öllum þeim sjálfstæðismönn-
um sem DV ræddi við og þykir hafa sérstaklega sterka stöðu
innan flokksins. Öllum bar saman um að Bjarni hefði stokk-
ið inn á þing nánast fullskapaður, hann hafi mikinn sjarma og
mikla þekkingu og skilning á þörfum atvinnulífsins, enda sé
hann auk stjórnmálanna á kafi í viðskiptum. Bjarni er stjórn-
arformaður félags sem á Esso en að sögn flokksmanna hefur
hann greint vel á milli starfa sinna sem stjórnmálamaður og
viðskiptalífs.
Sem ungur þingmaður axlaði Bjarni strax mikla ábyrgð
þegar hann var gerður að formanni allsherjarnefndar og mik-
ið mæddi á honum meðan fjölmiðlafrumvarpið var í umræð-
unni. Þar stóð hann sig með miklum sóma að mati samflokks-
manna sinna, sem segja hann rödd skynsemi og hófsemdar.
Fyrirhafnarlaus frami
Einn viðmælenda sagði flesta flokksmenn sjá Bjarna sem
framtíðarleiðtoga flokksins og það hafi með einhvers konar áru
eða karisma að gera. Hann sé sjarmör sem hafi aldrei skipað
sér í fylkingar, sé óhræddur við að taka afstöðu í málum og víki
sér aldrei undan ábyrgð. Það sýni líka best styrk hans að hann
hafi aldrei þurft að hafa neitt fyrir því að koma sér á framfæri
í pólitík, frami hans hafi nánast komið af sjálfu sér og það sé
að þakka rólyndi hans, ábyrgðartilfinningu og sjarma. Það hafi
komið skýrast fram í prófkjörinu í haust þegar enginn fór fram
á móti honum.
Bæði í pólitík og viðskiptum
Nokkrir bentu þó á að Bjarni færi ekki alla leið á sjarmanum
einum saman, hann yrði að undirbúa sig vel í þeim málum sem
hann ætlaði sér að fást við. Bjarni er sagður vinamargur en einn
viðmælandi sagði að stjórnmálin skiptu hann ekki öllu máli því
viðskiptin tækju líka mikinn tíma. EJ
Sóknarfæri?
Eftir sextán ára samfellda stjórnarsetu er varasamt fyr-
ir sjálfstæðismenn að ganga of öruggir til kosningabaráttunn-
ar. Það segir þó sína sögu um styrkleika flokksins að þrátt fyrir
þessa löngu stjórnarsetu eru sóknarfærin nokkur. Flokkurinn
á möguleika á að bæta við sig þingsætum, sérstaklega í Norð-
austurkjördæmi og Kraganum. Staðan í Reykjavík er erfiðari.
Efnahagslífið í landinu er með fjörugasta móti, þótt ýmislegt
megi finna að hagstjórn síðustu ára. Verðbólga, gengissveifl-
ur og ofþensla á vinnumarkaði, með tilheyrandi innflutningi á
vinnuafli, teljast seint til einkenna stöðugs efnahagslífs. Á móti
kemur að atvinnuleysi er ekkert og lífskjör hafa farið batnandi.
Skattar af ýmsu tagi hafa verið lækkaðir. Þegar síendurtekn-
ar erjur Davíðs Oddssonar við einstaklinga og hópa hættu að
vera mál málanna, fór ekki hjá því að gott efnahagsástand lyfti
flokknum í skoðanakönnunum.
Hingað til hefur það dugað Geir Haarde ágætlega að vera
„ekki-Davíð“, en í kosningabaráttunni sem er fram undan verð-
ur hann að slá nýjan tón og leiða flokkinn með skýrari hætti. Án
þess mun flokknum ekki takast að nýta sér sóknarfærin. Ef lit-
ið er til tíma Geirs sem forsætisráðherra eru fáar vísbendingar
um hvaða stefnumál verða efst á baugi. Líklega mun Geir leggja
áherslu á áframhaldandi hagvöxt og uppbyggingu stóriðju með
formúlunni: „Nýta verður orkulindir þjóðarinnar, en í sátt við
náttúruna.“ Óljósri stefnu af þessu taginu er ætlað að vísa til
skynsemi og hófsemi, en getur hæglega kynt undir ásökun-
um um stefnuleysi. Úthugsað „stefnuleysi“ af þessu tagi verður
þó líklega helsta einkenni Geirs sem formanns og líklega mun
stuðningsmönnum flokksins líka það almennt vel.
Ýmislegt getur þó farið úrskeiðis. Mál Árna Johnsen verð-
ur flokknum erfitt, sérstaklega á suðvesturhorninu. Árni John-
sen braut ekki aðeins lög og trúnað við kjósendur sína, heldur
reyndi hann að ljúga sig út úr öllu saman með mjög bíræfnum
hætti. Eftir sérstaka traustsyfirlýsingu formannsins lýsti Árni
öllu saman sem „tæknilegum mistökum“. Hvað gera grandvarir
góðborgarar Reykjavíkur?
Uppgangur Frjálslynda flokksins þrengir óhjákvæmilega að
möguleikum Sjálfstæðisflokksins til að stækka. Hver verður mót-
leikur Geirs? Í utanríkismálum
er staða flokksins veikari en oft
áður. Herinn er farinn og sam-
bandið við Bandaríkin óljóst.
Atvinnulífið krefst umræðu um
evruna, svo það stenst
varla lengur að Evrópu-
sambandið sé ekki á
dagskrá. Hvað gerir
Geir?
Birgir
Hermannsson
barátta eftir 16 ára stjórnarsetu
fylgisþróun og kynjahlutföll sjálfstæðisflokksins í alþingiskosningum frá 1995
1999: 40,7% - 26 þingsæti - 6 þingkonur 2003: 33,7% - 22 þingsæti - 7 þingkonur
2007: nýjasti þjóðarpúls
CapaCent gallup: 37,8% - 25 þingsæti
Ríkisstjórnin hefur verið harðlega gagnrýnd fyr-
ir að hafa klúðrað varnarviðræðum við Banda-
ríkjamenn. Viðræðurnar virtust oft á tíðum vera
einhliða og í haust var tilkynnt að samkomulag
hefði náðst um nýtt varnarfyrirkomulag. Viðræð-
ur við Dani um landvarnir hófust svo í desember.
Skattastefna ríkisstjórnarinnar hef-
ur verið mikið gagnrýnd þar sem bilið
á milli hinna ofurríku og fátæku hefur
aukist mikið á síðustu árum. Jafnframt
hafa skattleysismörk ekki haldist í hend-
ur við verðlagsþróun síðustu 15 ára.
Stóriðjustefnan sem enginn stjórnarþing-
maður virðist kannast við að hér sé rekin,
hefur mætt mikilli andstöðu almennings.
Þúsundir manna mótmæltu framkvæmdun-
um við Kárahnjúka og kröfðust þess að hætt
yrði við frekari stóriðjuframkvæmdir.
Sjálfstæðisflokkurinn, og þá
sér í lagi Davíð Oddsson, hef-
ur verið iðinn við að eignast
andstæðinga í atvinnulífinu.
Ástæðurnar í deilum hans við
Baugsmenn eru ennþá óljósar.
fiJÓ‹VAKI
framtíðin? framtíðin?