Fréttatíminn - 26.11.2010, Blaðsíða 20

skaðað hagsmuni almennings um
milljarða með ákvörðunum sínum í
málinu. Ég hélt að slík vinnubrögð
tíðkuðust ekki á Íslandi í dag, hinu
nýja Íslandi sem menn hafa kallað;
að menn hefðu ekki efni á því að láta
persónulegar skoðanir sínar eða
ófaglega nálgun kosta almenning
milljarða króna,“ segir Heiðar Már.
Seðlabankastjóri stjórnvald
Síðan kemur fram hjá Heiðari Má að
hann hafi með lögmönnum sínum
átt fund með Má Guðmundssyni í
Seðlabankanum og með honum hafi
verið Sigríður Logadóttir, aðallög-
fræðingur bankans, og Arnór Sig-
hvatsson aðstoðarseðlabankastjóri.
„Þetta var eftir að herferð DV gegn
mér hófst,“ segir Heiðar Már. Á
fundinum sagði seðlabankastjóri,
að sögn Heiðars Más: „Ég vil ekki
að það komi fram í DV að ég hafi
selt Sjóvá fyrir aflandskrónur.“ „Ég
kvaðst,“ segir Heiðar Már, „ekki
skilja hvað hann væri að fara. Það
eru engar aflandskrónur, það er
ekkert um slíkt að ræða. Reimar
Pétursson hæstaréttarlögmaður,
sem er mjög vandaður lögmaður
og hefur skoðað mál Ursus ofan í
kjölinn, sagði við seðlabankastjóra:
Ég fullyrði að það er ekkert í þess-
um viðskiptum sem stangast á við
nokkurn lagabókstaf, nokkrar regl-
ur eða leiðbeiningar eða annað sem
gildir hér á Íslandi. Már lét sér ekki
segjast og sagði: „Ég er að velta fyr-
ir mér að vísa þessu til lögreglunnar
á mánudaginn.“ Svona byrjaði þessi
fundur sérkennilega; hann vitnar í
mögulega umfjöllun DV og er svo
bara að hóta mér, hann er að hóta að
siga á mig lögreglunni á meðan ég
sjálfur er að berjast fyrir mannorði
mínu út af einhverjum staðlausum
árásum í DV.
Ég hef starfað á fjármálamarkaði
sem tengist Íslandi í 15 ár. Það hefur
aldrei nokkur maður afskrifað neitt
á mig persónulega, ekki á neitt félag
sem ég á né neitt félag þar sem ég
hef verið í stjórn, hvergi, ekki eina
krónu. Ég hef ekkert óhreint á sam-
viskunni og hélt að ég gæti tekið
þátt í endurreisn á Íslandi en þarna
á fundinum, eftir að DV var byrjað
að ráðast gegn mér, að því er virðist
vegna þess að ég var að reyna að
kaupa félagið, var seðlabankastjóri
að hóta mér að vísa málum mér
tengdum, sem eru bara tilbúningur,
til lögreglu. Ég trúði því bara ekki
að þetta væri að gerast, mér hafði
aldrei hugkvæmst að þátttaka mín
í opnu og gagnsæju söluferli gæti
leitt til þessarar niðurstöðu.
Á fundinum benti hæstaréttar-
lögmaðurinn seðlabankastjóra á að
hann færi með opinbert vald og að
um beitingu þess giltu lög, m.a. um
andmælarétt. Már reyndi að leið-
rétta þetta og sagði að ekkert slíkt
ætti við. „Fyrirgefðu,“ sagði lögmað-
urinn, „þú ert stjórnvald og um með-
ferð valds þíns gilda þau lög, m.a.,
að þú verður að gera okkur grein
fyrir því í hverju meint brot felast,
hvað var brotið, hvaða lög og hvaða
reglugerðir, á hverju byggist sú
skoðun og hvaða úrræði er hugsun-
in að beita? Þú getur ekki bara búið
til eitthvert mál og sent það til lög-
reglunnar án þess að nokkur máls-
meðferð fari fram.“ Már hlustaði á
lögmanninn og sagði síðan: „Ég gef
ekkert fyrir þitt álit.“
Átti kannski ekki að koma á
óvart
Svona fór þessi fundur fram og Már
nefndi ekki á þessum fundi, eins
og haldið var fram í DV í vikunni,
að ef ég drægi mig út úr kaupenda-
hópnum væri hægt að klára þessi
viðskipti. Því er hins vegar haldið
fram í DV, sem mér sýnist þannig
greinilega beint frá Seðlabankanum
komið, að á þessum fundi hafi verið
lagt hart að mér að fara úr kaup-
endahópnum. Það eina sem gert var
á þessum fundi var að hóta mér því
að taka af mér æruna endanlega –
seðlabankastjóri að gefa sterklega
í skyn, mér liggur við að segja hóta
því, að það kæmi á mánudaginn í
DV að Heiðari Guðjónssyni og
krónuviðskiptum hefði verið vísað
til lögreglu, ef ég ætlaði að reyna að
kaupa félagið. Mér virðist reyndar
DV merkilega oft birta fréttir sem
gagnast seðlabankastjóra í málinu,
einhverra hluta vegna.
Seðlabankastjóri er yfir gjaldeyr-
iseftirlitinu og því fylgja ákveðnar
reglur. Hvorki hann né neinn starfs-
maður bankans má tjá sig um ein-
stök mál sem eru til rannsóknar.
Hann og starfsmenn hans svara
hins vegar fjölmiðlum ýmsu og m.a.
DV, þannig að auðvelt er fyrir blaða-
menn að rekja slóðina í málum sem
eru til athugunar í bankanum. Við
höfum sent um það fyrirspurn hvort
seðlabankastjóri ætli að rannsaka
það innandyra hjá sér hver svari
tölvupóstum frá t.d. blaðamanni DV
í sambandi við þetta mál. Það birt-
ust í blaðinu tvær síður og helming-
ur annarrar var tekinn undir bein
svör frá Seðlabankanum í sambandi
við hugsanleg aflandsviðskipti Ur-
sus, sem er alger tilbúningur,“ segir
Heiðar Már.
Heiðar Már segir að sér hafi kom-
ið óþægilega á óvart að heyra það
eftir símtal Más Guðmundssonar
við Birgi Tjörva, lögmann kaup-
endahópsins, að henda ætti sér út úr
hópnum en það hefði kannski ekki
átt að koma á óvart. Þar vísar Heið-
ar Már til orða seðlabankastjóra á
Hótel Holti sem getið er um í tölvu-
póstsamskiptum sem sjá má annars
staðar í þessari samantekt.
Jónas Haraldsson
jonas@frettatiminn.is
Lögmanni
kaupenda
kynnt ástæða
afstöðu Seðla-
bankans
Þegar Fréttatíminn leitaði eftir
afstöðu Más Guðmundssonar seðla-
bankastjóra og lagði fyrir hann
ákveðnar spurningar er snerta
söluferli Sjóvár, vísaði bankinn til til-
kynningar sem hann sendi til fjölmiðla
fyrr í vikunni vegna umfjöllunar um
sölu á Sjóvá-Almennum tryggingum
hf. Í henni segir:
„Vegna umfjöllunar í fjölmiðlum um
ofangreinda sölu vill Seðlabanki
Íslands koma því á framfæri að
hann hefur verið upplýstur um að
kaupendahópur sem gert hafði tilboð
í hlut Eignasafns Seðlabanka Íslands
ehf. í Sjóvá-Almennum tryggingum hf.
hafi ákveðið að hætta þátttöku sinni í
söluferli félagsins.
Staðfest er að ekki var mögulegt að
taka afstöðu til sölunnar á Sjóvá fyrir
22. október s.l., sem var frestur sem
kaupendahópurinn gaf seljanda. Áður
en fresturinn rann út var lögmaður
kaupendahópsins og einn meðlima
hans upplýstir um þessa niðurstöðu
og ástæðu hennar á fundi í Seðla-
banka Íslands. Almennt gildir sú regla
að Seðlabanka Íslands er óheimilt að
tjá sig um málefni einstakra aðila sem
hann hefur til umfjöllunar. Því getur
Seðlabankinn að svo stöddu ekki tjáð
sig opinberlega um ástæðu þess að
ekki var hægt að veita svar fyrir ofan-
greindan tímafrest.“ -jh
Már Guðmundsson seðlabankastjóri.
Lára V. Júlíusdóttir, for-
maður bankaráðs Seðla-
bankans, staðfestir að
erindi lögmanns Ursusar
ehf., félags Heiðars Más
Guðjónssonar, hafi borist.
„Það verður fundur um
þetta mál í bankaráðinu
þar sem tekin verður
afstaða til þessarar kröfu
sem hefur verið komið
formlega á framfæri,“
segir Lára.
Í tilkynningu Heiðars
Más Guðjónssonar í
fyrradag átaldi hann
ófagleg vinnubrögð
Seðlabankans og taldi að
bankinn hefði ekki farið að
lögum við ákvarðanatöku í
söluferlinu. Þar var óskað
eftir því að bankaráð
Seðlabankans tæki málið
til sjálfstæðrar skoðunar.
Aðspurð um það hvort
bankaráð Seðlabankans
hafi komið að ákvörð-
unum varðandi söluferli
Sjóvár segir Lára að ein-
stök mál í bankanum komi
ekki inn á borð bankaráðs.
„Bankaráðið er upplýst
um hluti enda er eftirlits-
skylda á því, en það fylgist
ekki með framkvæmd
einstakra mála frá degi til
dags,“ segir hún.
„Bankaráðið fylgist bara
með þessu í fréttum,
bætir Lára við, „en það
kemur saman mánaðar-
lega og þar er oft varpað
fram fyrirspurnum um
svona mál og við upplýst á
þeim fundum bankaráðs-
ins.“ -jh
Bankaráðið tekur afstöðu
til erindis Ursus
Lára V. Júlíusdóttir,
formaður bankaráðs
Seðlabanka Íslands.
Ljósmynd/Hari
Heiðar Már Ég hef starfað á fjármálamarkaði sem
tengist Íslandi í 15 ár. Það hefur aldrei nokkur maður
afskrifað neitt á mig persónulega, ekki á neitt félag
sem ég á né neitt félag þar sem ég hef verið í stjórn.
Ljósmynd/Hari
20 úttekt Helgin 26.-28. nóvember 2010
Aðalstræti 2 | 101 Reykjavík | Sími: 517 4300 | www.geysirbistrobar.is
JÓLAANDINN Á GEYSI
4 gerðir af grafl axi með mangódill-
sósu, kryddbrauði og klettasalati.
Seljurótarsmakk með truffl uolíu.
Appelsínu önd með eplasósu, sæt-
kartöfumauki, döðlum og eplum.
Heitur súkkulaðibrunnur
með ris a la mande.
Verð kr. 5.900
Föstudaga til sunnudaga eftir kl. 18.00
HÁTÍÐAMATSEÐILL4 rétta