Fréttatíminn - 22.10.2010, Qupperneq 2

Þórarinn
Þórarinsson
toti@
frettatiminn.is
Þ að á ekki að halda svona gögnum að nauðsynjalausu en mér er kunnugt um að verið er að vinna í þeim,“ segir
Jón H. B. Snorrason, aðstoðarlögreglustjóri
lögreglunnar á höfuðborgarsvæðinu, spurð-
ur um kæru ungs manns sem krefst afhend-
ingar sex tölva, nokkurra síma, þriggja
flakkara og fjölda pappírsgagna sem tekin
voru í húsleit á heimili hans í janúar síðast-
liðnum. Pilturinn, nýorðinn átján ára, var
grunaður um að hafa stolið trúnaðargögn-
um frá Gunnari Gunnarssyni lögfræðingi
en þau vörðuðu fyrirtæki og einstaklinga
sem hann hafði unnið fyrir, þar á meðal
Milestone og eigendur þess fyrirtækis, Karl
og Steingrím Wernerssyni. Talið var víst að
fréttir sem DV birti vikum saman um mál-
efni eigenda Milestone og fleiri hafi byggst
á þessum gögnum.
Í kærunni sem ungi maðurinn sendi
Ríkislögreglustjóra í lok síðasta mánaðar
óskar hann rannsóknar á tilurð og tilefni
húsrannsóknarinnar og málsmeðferð hjá
embætti Lögreglustjórans á höfuðborgar-
svæðinu og að sér verði afhent öll þau gögn
og búnaður sem tekin voru. Hann segir það
sitt að koma því sem aðrir eiga til hlutað-
eigandi. Þar segir og að þrátt fyrir að liðnir
séu nær átta mánuðir (í septemberlok) hafi
hann ekki verið kallaður til yfirheyrslu hjá
lögreglustjóranum á höfuðborgarsvæðinu
né fengið gögn sín afhent þrátt fyrir eftir-
gangsmuni. „Kæra mín er þér [Ríkislög-
reglustjóra] send þar sem ég tel fullreynt að
málið fái eðlilega málsmeðferð hjá embætti
Lögreglustjórans á höfuðborgarsvæðinu
auk þess sem mér er kunnugt um að málið
mun með einhverjum hætti þegar búið að
vera á borði Jóns H. B. Snorrasonar sak-
sóknara um alllangt skeið,” segir m.a. þar.
Jón H. B. Snorrason segir þessi orð ekki
standast, hann kannist við málið sem yfir-
maður hjá embættinu en það hafi ekki verið
á sínu borði. Ungi maðurinn hafi verið yfir-
heyrður á sínum tíma, þegar hald var lagt á
gögnin, og málið sé í farvegi.
Í kærunni kemur fram að lögreglumaður
Pilturinn kærði lögregluna á höfuðborgarsvæðinu til Ríkislögreglustjóra og vill gögnin til baka, Ljósmynd/Hari
 rannsókn vill aftur sex tölvur, nokkra síma og Þrjá flakkara
Tölvuhakkarinn
kærir og vill gögnin
Verið að vinna með gögnin en þeim á ekki að halda að nauðsynjalausu, segir aðstoðarlögreglustjóri.
hafi haft samband við piltinn og óskað eftir
aðgangskóða að tölvum Milestone sem voru
hluti gagnanna sem tekin voru. „Ætlunin
væri,“ eins og segir þar, „að afhenda Gunn-
ari Gunnarssyni lögfræðingi sem starfaði
hjá Milestone og sem ég vann fyrir á sín-
um tíma, tölvurnar.“ Ungi maðurinn hafn-
aði beiðninni. „Ég neitaði að gefa honum
aðgangsorðin án neinna annarra afskipta
minna þar sem á tölvunum eru ýmis gögn
sem mér tilheyra persónulega og öðrum
auk þess sem ég tel að tölvurnar hljóti nú
að vera í eigu þrotabús Milestone og inni
á þeim eru margskonar gögn er varða ma.
þrotabúið auk ýmissa annarra hluta eins og
erlendra bankareikninga fyrrum forsvars-
manna félagsins ...“ segir í kærunni.
Jón H. B. Snorrason segir leiða leitað til
að komast inn í tölvurnar, telji lögreglan það
nauðsynlegt, þrátt fyrir þessa neitun.
Pilturinn segir, í samtali við Fréttatím-
ann, að hann hafi farið fram á öll gögn og
lista yfir það sem tekið hafi verið sem og
afrit af leitarheimild og dómsúrskurði til að
leita í búnaðinum en engin viðbrögð fengið.
Í kærunni kemur fram að ungi maðurinn
og foreldrar hans hafi sætt ónæði og hótun-
um, jafnvel líflátshótunum, sem hann hafi á
endanum kært til lögreglunnar í Reykjavík.
Í framhaldi af því hafi þær hótanir hætt. Pilt-
urinn segir að hótað hafi verið í sms-skeyt-
um og tölvupóstum. Hann viti frá hverjum
þær bárust. Þessar hótanir byrjuðu aftur
í síðustu viku, að sögn piltsins, sem segir
ákveðinn aðila hafa verið kallaðan aftur til
skýrslutöku og hann hafi ekki fengið skeyti
frá honum síðan.
Hafliði Þórðarson lögreglufulltrúi segir
rannsókn málsins langt komna en ekki lok-
ið. Ungi maðurinn verði kallaður til frek-
ari yfirheyrslu. Það sé síðan ákvörðun sak-
sóknara hvort pilturinn fái tækin og gögnin
aftur.
Jónas Haraldsson
jonas@frettatiminn.is
... á tölv-
unum eru
ýmis gögn
sem mér
tilheyra
persónu-
lega og
öðrum,
auk þess
sem ég
tel að
tölvurnar
hljóti nú
að vera
í eigu
þrotabús
Milestone
...
María Guðrún Rúnarsdóttir,
ljósmyndari og grafískur hönn-
uður, hefur lengi mátt þola það
að óprúttnir aðilar í útlöndum
noti myndir af f jögurra ára
dóttur hennar, Ísabellu, á alls
kyns spjallrásum. Myndunum
hefur verið stolið í stórum stíl
af myndasíðum Maríu á bæði
Barnalandi og myndadeilisíð-
unni flickr.com.
Henni var endanlega nóg boð-
ið í síðustu viku þegar hún fékk
ábendingu að utan um að kona,
sem er sögð haldin barnagirnd,
skreyti sig með myndum af
Ísabellu litlu. „Ég veit svo sem
ekkert hvort þetta er í einhverju
perralegu samhengi en það
breytir engu um það að þetta er
viðbjóður. Þegar ég fór að skoða
þessa spjallsíðu, sem virðist að-
allega vera full af brasilískum
unglingum, fann ég helling af
möppum sem voru stútfullar af
myndum af barninu mínu,“ seg-
ir María og hvetur foreldra til
að huga vel að því hverjir kom-
ist í myndir af börnum þeirra á
netinu.
„Þarna er fólk sem notar ekki
bara myndirnar heldur líka
nafnið hennar og þykist vera
hún. Ísabella tók eftir myndun-
um af sér þegar ég var að skoða
þetta og spurði af hverju það
væri svona mikið af myndum
af sér þarna og fór að hágráta.
Þetta er bara hrein og bein mis-
notkun á börnum.“
„Eftir að ég fékk þessa ábend-
ingu um daginn hef ég hent fullt
af fólki út af vinalistum hjá mér
og takmarkað aðgang að mynd-
um af Ísabellu en það breytir því
auðvitað ekki að það er fullt af
myndum af henni í umferð og
vonlaust að eiga við það.“
 netdólgar misnota myndir af íslensku barni á spjallsíðum
Fela sig á bak við andlit fjögurra ára stúlku
María Guðrún Rúnarsdóttir fann myndir af lítilli dóttur sinni í tugatali á brasilískri vefsíðu.
María segir myndastuld af börnum á netinu þekkt vandamál sem
vinkonur hennar á flickr.com hafi einnig lent í: “Ég veit ekki um
neina aðra en mig á Íslandi sem hefur lent Þarna eru börn Britney
Spears, dóttir Tom Cruise og svo barnið mitt!”
Dýrt að dýpka
Tilboð í viðhaldsdýpkun Landeyjahafnar voru opnuð í gær. Alls bárust tilboð frá
sex fyrirtækjum, þar af tveimur innlendum. Kostnaðaráætlun nam 245,5 milljónum
króna en öll tilboðin sem bárust voru talsvert yfir þeirri upphæð, að því er vefur Eyja-
frétta greinir frá. Lægsta tilboðið átti Íslenska gámafélagið, 325,8 milljónir króna,
en Björgun ehf. skilaði inn frávikstilboði sem nam 332,2 milljónum króna. Hæsta
tilboðið var frá Belgíu, 1.204,6 milljónir króna.
Skaðabætur til
skurðlæknis
Ríkinu ber að greiða Stefáni
Einari Matthíassyni, sem
starfaði sem sérfræðingur á
skurðlækningadeild Sjúkrahúss
Reykjavíkur, fimm milljóna króna
skaðabætur með dráttarvöxtum
og verðtryggingu frá desember
2006, samkvæmt dómi Hæsta-
réttar í gær. Læknirinn var
áminntur 2005 og honum sagt
upp störfum í kjölfar deilna um
stofurekstur utan sjúkrahússins.
Óumdeilt þótti að uppsögnin
hefði verið ólögleg.
Hjón létust í bíl-
slysi í Tyrklandi
en barn þeirra
bjargaðist
Íslensk hjón létust í bílslysi í
Tyrklandi í fyrradag en hálfs árs
sonur þeirra slapp ómeiddur.
Hjónin hétu Dagbjört Þóra
Tryggvadóttir, 34 ára, og
Jóhann Árnason, 25 ára. Þau
voru búsett í Danmörku en
voru á ferðalagi í Tyrklandi. Bíll
hjónanna lenti framan á sendibíl
og síðan á vegriði. Mikil rigning
var þegar slysið varð. Fulltrúar
fjölskyldna hinna látnu héldu til
Tyrklands til að sækja barnið.
Kokkurinn úr
„Eldhúsi helvítis“
prúður á íslensk-
um veitingastað
Bretinn Gordon Ramsay, betur
þekktur sem stjórnandi sjónvarps-
þáttarins „Hell’s Kitchen“ eða „Eldhús
helvítis“, gisti nýlega á Flughóteli og
borðaði á Vocal, veitingastað hótelsins,
að því er vefur Víkurfrétta greinir frá.
„Hann var hér í Íslandsferð, gisti hér
og borðaði, var hinn prúðasti og var
ekki með neina „helvítis“ stæla,“ sagði
Bergþóra Sigurjónsdóttir, hótel-
stjóri á Flughóteli í Keflavík, í léttum
dúr, að því er fram kemur í fréttinni.
„Kappinn hefur oft farið hamförum í
þáttum sínum þar sem hann hreinlega
„sker upp“ veitingahús um allan heim
en hann hefur líka verið dómari í mat-
reiðsluþáttum ýmiss konar,“ segir enn
fremur.
2 fréttir Helgin 22.-24. október 2010