Fréttatíminn - 22.10.2010, Blaðsíða 61

bíó 61Helgin 22.-24. október 2010
 leikdómur Finnski hesturinn 
Sögusvið Finnska hestsins er held­
ur óvistleg sveit í Finnlandi þar sem
misvirk fjölskylda hírist í nokkrum
vesaldómi og leiðindum. Þarna húka
þau saman; amman, bölvandi en
skemmtilega orðheppin, sonurinn
sem seint verður kallaður annað en
lurða, fyrrum kvinna hans (sveitt og
geðstirð með afbrigðum) og börnin
tvö sem hvorugt stígur í vitið. Þeirra
helstu heimilisgestir eru síðan vin­
kona stúlkunnar og ný kærasta
bóndans, stirðbusaleg tilfinninga­
vera af allt öðru sauðahúsi. Þetta er
upplegg í afskaplega skemmtilega
kómedíu, sér í lagi þegar við bætist
snarbilað reglugerðarfargan Evrópu­
sambandsins og mjög súrt bisness­
plan sem inniber ítölsku mafíuna.
Þó er líkt og aðstandendur verks­
ins treysti því ekki að aðstæðurnar
og tilsvörin séu nógu fyndin til að
bera uppi góða sýningu. Húmorinn
er rækilega skrúfaður upp á köflum
með ofleik og látum en einnig með
hraðanum. Persónurnar, sem seint
komast undan þjóðerninu, þegja til
dæmis aldrei heldur eru orðaskipti
þeirra eins og hríðskotahjal í vel­
þéttum vestrænum grínþætti. Ég
skil vel þá kröfu að halda sýningar­
lengd innan líkamlegra þolmarka en
Hver með sitt uppistand
þá finnst mér strokleðrið heppilegra
tæki heldur en hraðspólunartakk­
inn. Það var enginn tími fyrir alvar­
legar tilfinningar eða íhugun og þar
af leiðandi reyndist mér erfitt að
öðlast samúð með þessu skrautlega
persónugalleríi Peltola.
Persónurnar í verkinu virð­
ast einnig í litlum samskipt­
um hver við aðra. Helst eru
það amman og sonardótt­
irin sem eitthvað ná
saman. Það var líkt og
meiri áhersla væri á
að viðkomandi pers­
óna væri fyndin (út
í sal) heldur en að
samband hennar við
aðra væri skiljanlegt.
Þetta var meira sóló en
nokkurn tíma samleikur, hver með
sitt uppistand.
Það eru frábærir leikarar í þessari
sýningu sem margir hafa fullkomn­
ar tímasetningar gamanleiksins á
valdi sínu. Ólafía Hrönn Jónsdótt­
ir ber uppi sýninguna, eins og
oft áður. Hún er alveg stjarn­
fræðilega fyndin. Hún er
hins vegar alltof ung og
sæt til að vera sannfær­
andi háöldruð amma,
með fullri virðingu
fyrir góðum gerv­
um í sýningunni.
Kjartan Guðjóns­
son, sem leikur
soninn, er líka
brjálæðislega
góður grínleik­
ari en allt kom fyrir ekki. Mér fannst
leikhópurinn einfaldlega úti á túni,
og ekki að leika í sama verkinu.
Í ofanálag var sviðið illa nýtt og
leikmyndin lék á reiðiskjálfi (burt­
séð frá táknsæi og gegnsæi). Gerv­
in og búningarnir voru vel leyst og
töff, sem og myndvinnslan sem á
köflum var eini stemningsgjafinn í
sýningunni fyrir utan hljóðmyndina.
Ljósin voru nær ekkert nýtt. Leik­
húsið býr yfir ótal tólum til þess að
skapa spennandi upplifanir. Það þarf
ekki alltaf að keyra í botn á bröndur­
unum.
Kristrún Heiða Hauksdóttir
Finnski hesturinn
eftir Sirkku Peltola
Þjóðleikhúsið
Leikstjóri: María Reyndal
w
w
w
.b
ec
kh
am
-f
ra
g
ra
n
ce
s.
co
m
Frumsýningar
Legend of the Guardians
Leikstjórinn Zack Snyder (300, Watch-
men) skiptir hér um gír og leikstýrir
teiknimynd um ævintýri uglunnar Soren
sem er rænt af vondum uglum sem
stunda heilaþvott á ungum uglum í þeim
tilgangi að breyta þeim í heruglur. Mynd-
in er byggð á fyrstu bókinni af þremur í
samnefndum bókaflokki.
Aðrir miðlar: Imdb: 7,2/10
Rotten Tomatoes: 48%
Metacritic: 53/100
The Switch
Í The Switch segir frá einhleypri konu um
fertugt sem ákveður að reyna heima-
sæðingu til að verða ólétt. Síðar játar
vinur hennar að hann hafi skipt á sínu
eigin sæði og gjafasæðinu. Í helstu hlut-
verkum er öndvegisfólkið Jennifer An-
iston, Jason Bateman og Juliette Lewis.
Aðrir miðlar: Imdb: 5,9/10
Rotten Tomatoes: 51%
Metacritic: 52/100
The Kids Are All Right
Julianne Moore og Annette Bening leiða
saman hesta sína í þessari mynd sem
segir frá tveimur konum í sambúð. Þær
eiga tvö börn á unglingsaldri en þær
gengu hvor með sitt barnið. Þegar hálf-
systkinin taka sig til og finna líffræði-
legan föður sinn, en svo skemmtilega
vill til að sæði úr sama manni var notað
við getnað beggja, breytist margt á
heimilinu.
Aðrir miðlar: Imdb: 7,8/10,
Rotten Tomatoes: 96%,
Metacritic: 86/100