Fréttatíminn - 22.10.2010, Blaðsíða 50

H ugmyndin að þeirri stjórn peningamála sem íslensk stjórnvöld hafa ákveðið að
skraddarasauma fyrir íslenskt efna­
hagslíf byggist á sögu H.C. Andersen
og heitir „Nýja flotkróna keisarans“.
Aðferðin gengur út á að taka gríðar­
legt fé að láni í erlendri mynt til þess
að láta líta svo út að til sé nægur gjald­
eyrisforði þar sem markaðsaðilar viti
ekki að þjóðin hefur ekki ráð á að
fórna lánsfé til að halda uppi gengi
gjaldmiðils sem nýtur ekki trausts.
Vaxtakostnaður af hinum gagnsæja
gjaldeyrisforða er um 25 milljarðar á
ári sem kannski telst ekki mikið í sam­
anburði við kostnað skattgreiðenda af
rekstri Seðlabankans hingað til.
Til viðbótar ætlar keisarinn að
skarta axlaböndum (þótt buxurn­
ar vanti) með því að halda vöxtum
háum svo að hægt sé að laða að nýja
viðskiptavini í vaxtamunarviðskipti.
Þessi stefna byggist á hinni margróm­
uðu jöklabréfastefnu.
Íslenskum stjórnvöldum og AGS er
einnig ákaflega mikið í mun að vel sé
veitt til eigenda jöklabréfa sem nú sitja
fastir inni, svo að þessir aðilar sýni
velvild og hoppi ekki burt úr vaxta­
paradís norðursins um leið og höftum
er aflétt. Með þessari stefnu er líka
verið að hlúa að útflutningi vaxta sem
var orðinn stærsta útflutningsafurð Ís­
lendinga fyrir hrun.
Arnór Sighvatsson aðstoðarseðla­
bankastjóri sendi nýlega frá sér tíma­
mótaritið „Leiðin úr viðjum gjaldeyris­
hafta“.
Arnór er án efa einhver helsti fræði­
maður landsins á sviði vaxtamunar­
viðskipta og eini starfsmaður seðla­
banka innan OECD sem hlotið hefur
hinn eftirsótta Drobny­bikar frá spá­
kaupmönnum í viðurkenningarskyni
fyrir útfærslu bankans á jöklabréfa­
stefnunni.
Ótal gullmola rekur á fjörur lesenda
í framangreindu riti, eins og:
„Seðlabankinn getur hins vegar
ekki skapað meiri vissu á mörkuðum
en hann býr við sjálfur“ og „þá bendir
margt til þess að botni samdráttarins
sé u.þ.b. náð og að vöxtur hefjist á síð­
ari helmingi þessa árs.“
Það sem þó ber hæst er að loksins er
komið að því að við fáum aftur nýja upp­
sveiflu með jöklabréfastefnunni, sbr:
„Það fjármagn sem nú bíður átekta í
skjóli lágvaxtalanda mun um síðir leita
á gjöfulli mið. Þegar dregur úr flótta
fjárfesta í öryggi lágvaxtalanda og þeir
fara að horfa eftir betri ávöxtun þurfa
íslensk stjórnvöld að vera reiðubúin að
beina augum þeirra að Íslandi.“
Þess ber að geta að fleyting krón­
unnar verður mikilvægt framlag okkar
til alheimsviðskipta þar sem íslenska
krónan verður sextánda alheimsvið­
skiptamyntin sem sett verður á flot.
Varast ber að hlusta á úrtöluraddir
manna sem benda á smæð myntar­
innar, hrun gjaldmiðilsins 2001 vegna
sjómannaverkfalls og 2008 vegna þess
að Lehman­bankinn fór á hausinn eða
aðra slíka vankanta enda hefur ver­
ið margsannað að léttustu tapparnir
fljóta best.
50 viðhorf Helgin 22.-24. október 2010
Karlar eiga að borða spergilkál, hnetur,
ómalaða kornvöru, sojabaunir, ber og rauða
eða appelsínulita garðávexti. Svo segir að
minnsta kosti Heilsutíminn, sérblað Frétta­
tímans, og varla lýgur hann. Minn betri
helmingur er sama sinnis og vill að ég setji í
mig gulrætur, rófur, radísur, grænkál, hvít­
kál, kínakál og aðrar þær káltegundir sem
ég kann ekki að nefna. Einkum og sérílagi
tekur hún undir með Heilsutímanum hvað
varðar spergilkálið. „Þú verður að borða
brokkólí,“ segir hún, og hirðir ekki um að
nota spergilkálsnafnið, „það er svo gott fyrir
blöðruhálskirtilinn.“
Þetta er vel meint hjá konunni og ég er
henni þakklátur fyrir hugulsemina. Blöðru­
hálskirtillinn er að sönnu magnað fyrir­
brigði sem aldrei skal vanmeta. Krankleiki
í þessu merkilega líffæri karlskepnunnar er
því bagalegur og leggur raunar margan góð­
an drenginn að velli fyrir aldur fram. Karlar
ættu því sjálfir að hugsa um hvað kirtlinum
kemur best í
stað þess að
treysta
á að aðrir, þ.e. konur, hafi vit fyrir þeim.
Vitið hjá sumum er þó ekki meira en Guð
gaf. Það þekkir konan og kaupir því græn­
fóðrið, hvað sem tautar og raular, setur
listilega saman í skál og býður mér og öðr­
um sem til borðs sitja hverju sinni. Hún er
dugleg í kálinu. Ég er síðri, hvað sem líður
blöðruhálskirtlinum, enda aldrei náð al­
mennilega tengslum við þessa tegund fæðu.
Þegar ég var yngri talaði ég óvirðulega um
kálmetið, af hreinum barnaskap auðvitað,
og sagði konunni að það væri fremur fyrir
jórturdýr en menn. Hún tók tuðinu með þol­
inmæði, vissi af reynslu að karlar eru sein­
þroska, og hélt áfram að framreiða græn­
fóðrið eftir kúnstarinnar reglum.
„Fáðu þér grænmeti, elskan?“ var jafnan
viðkvæði hennar þegar hún sá bónda sinn
sniðganga kálskálina. „Já,“ tuldraði ég og
skaut kálblaði á diskbarminn og geymdi
það þar um hríð, þ.e. meðan ég kláraði það
sem mér líkaði betur. Með því taldi ég mig
blekkja konuna. Diskurinn virtist grænn,
svona fljótt á litið. Hún lét gott heita.
Það er erfitt að kenna gömlum hundi að
sitja og enn er kjötið mín deild fremur en
grænmetið, hvort heldur kemur af lambi,
nauti eða svíni. Að því leyti finn ég til sam­
stöðu með Mikka ref í Dýrunum í Hálsa­
skógi sem ganga verður gegn eðli sínu og
éta gulrótina, grófa brauðið, steinseljuna,
krækiber og kartöflur og kálblöð og hrá­
meti, eins og þar segir í ljóði, í stað þess að
éta dýr skógarins.
Konan var einmitt að lesa um ævintýri
Lilla klifurmúsar og Mikka refs fyrir son­
arson okkar þegar hann átti að fara að sofa
eftir ljúfan kvöldverð. Hann hafði borðað
vel af grænmeti, eins og amma, en afi
sporðrenndi keti, stundi og strauk kvið­
inn. Eftir því tók barnið.
„Syngdu amma,“ bað drengurinn þeg­
ar kom að Grænmetisvísunum Dýranna í
Hálsaskógi.
Amman varð við þeirri frómu ósk og
söng með drengnum:
„Þeir sem bara borða kjöt
og bjúgu alla daga
þeir feitir verða og flón af því
og fá svo illt í maga.“
Hún var rétt að byrja á næsta erindi
þegar drengurinn reis skyndilega upp við
dogg, stoppaði hana áhyggjufullur af og
horfði til hennar stórum spurnaraugum:
„Amma,” er afi þá feitt flón?“
Þeir sem bara borða
kjöt og bjúgu alla daga
Gjaldmiðillinn og stjórn peningamála
Nýja flotkróna keisarans
Arnar Sigurðsson
starfar á fjármálamarkaði
Te
ik
ni
ng
/H
ar
i
 Vikan sem Var
Davíð ráðleggur sólbrúnum
jafnaðarmönnum
„Er ekki rétt að þjóðin efni nú til sam-
skota svo Árni Páll Árnason geti tekið
næstu flugvél til Indlands svo hann geti
tekið nokkrar holur á golfvellinum með
Sigmundi Erni flokksbróður sínum, sem
þar er að leysa vanda landsbyggðarinn-
ar. Þar skín sólin. Það sparar krem.“
Leiðari Morgunblaðsins á miðvikudag-
inn.
Leyfið börnunum
að koma til mín
„Nú eru 80% barna og unglinga 17
ára og yngri skráð í Þjóðkirkjuna. Árið
2000 var þetta hlutfall 90%. Fækkunin
nemur því 12,5%.“
Talning Hagstofu Íslands.
Hvað þá með bílinn
og einkabílstjórann?
„Útilokar ekki að Dagur verði borgar-
stjóri.“
Jón Gnarr í umræðum um breytingar á
starfi borgarstjóra.
Ríkisstarfsmaður með hálsríg
„Maður bara horfir upp í himininn.“
Sigmar Jónsson, hafnarvörður í
Landeyjahöfn, aðspurður í Eyjafréttum
um hvað hann fáist við á meðan ferjan
Herjólfur kemst ekki inn í höfnina vegna
sandburðar.
Lausn á atvinnuleysisvandanum
„Stjórnarráðið of fámennt.“
Ragna Árnadóttir, fyrrverandi dóms- og
mannréttindaráðherra, segir Stjórnar-
ráðið of fámennt og starfsliðið svo
störfum hlaðið að varla sé á bætandi.
Hverjir eru bestir
– hverjir eru langbestir?!
„Það er mat vinnuhópsins að í öllum
aðalatriðum sé viðhöfð góð stjórnsýsla í
ráðuneytinu.“
Vinnuhópur sem Svandís Svavarsdóttir
umhverfisráðherra skipaði til að kanna
hvort skýrsla rannsóknarnefndar Alþing-
is kallaði á breytingar á starfsháttum
ráðuneytisins hefur lokið störfum.
Jónas
Haraldsson
jonas@
frettatiminn.is
HeLGarPisTiLL
Rau›arárstígur 14, sími 551 0400 · www.myndlist.is
Opið virka daga 10–18, laugard. 11–16, sunnud. 14–16
Næsta listmunauppboð 8. nóvember
Gallerí Fold · þekkt fyrir trausta þjónustu
Áhugasamir vinsamlegast hafið samband í síma
551-0400, 896-6511 (Tryggvi),
845-0450 (Jóhann)
Erum að taka á móti verkum núna í
Galleríi Fold við Rauðarárstíg