Fréttatíminn - 22.10.2010, Side 40

40 matartíminn Helgin 22.-24. október 2010
Seljavegur 2 | Sími: 511-3340 | Fax: 511-3341 | www.reyap.is
Snyrtivörur
20%afsláttur
Kynning í dag frá kl. 13:00-18:00
og á morgun, laugardaginn 23. október
frá kl. 11:00-16:00.
Ekki missa af okkar
landsfræga og margrómaða
jólahlaðborði.
Pantið tímanlega
í síma 567 2020
eða á skidaskali@skidaskali.is
www.skidaskali.is
Veisluhöld allt árið
Skíðaskálinn í
Hveradölum
B jarni Gunnar Kristinsson hefur keppt í matreiðslu í meira en áratug fyrir Íslands
hönd. Hann segir tíma kominn á að
yngri kynslóðin taki við keflinu en
ætlar þó ekki að segja alveg skilið
við kokkalandsliðið. Fram undan er
heimsmeistarakeppni í matreiðslu
og Bjarni kemur að undirbúningi
og þjálfun liðsins.
Bjarni Gunnar hefur í mörg
horn að líta. Hann er yfirkokkur á
Grillinu og þarf því að fylgjast vel
með nýjum straumum og stefnum
í matargerð. Undanfarin ár hefur
hann verið fyrirliði íslenska kokka-
landsliðsins en nú eru tímamót hjá
honum. „Það eru kynslóðaskipti
hjá liðinu. Við, þessir gömlu, erum
að stíga til hliðar. Við viljum alltaf
hafa þá hæfustu í liðinu hverju sinni
en þeir sem eru að hætta vilja samt
miðla af sinni reynslu og þekkingu.
Við ætlum því að fylgja landsliðinu
í næstu keppni sem verður í Lúx-
emborg 20. nóvember. Þar verður
keppt í ýmsum flokkum, allt frá
pinnamat og upp í heita rétti. Eld-
aður verður dýrindismatur fyrir 110
manns á fimm tímum svo að hver
mínúta verður að vera vel skipulögð.
Liðið stefnir að því að fá verðlaun,
helst fyrir heita matinn sem er sér-
svið þess,“ segir Bjarni en fyrir
tveimur árum hreppti liðið einmitt
gullverðlaun í þeim flokki á ólymp-
íumóti matreiðslumanna. Aðallega
er eldað úr íslensku hráefni, fiski
og lambakjöti, og á næstu dögum
verða tvö tonn af hráefni, tækjum og
tólum send til Lúxemborgar. Kepp-
endur koma frá um fjörutíu löndum
og búast má við harðri keppni.
Bjarni segir vinnuna og áhuga-
málið fara saman hjá sér og það geti
ekki verið annað en gaman. ,,Þetta
er hálfgerð matarást. Ég byrjaði að
læra á Grillinu 1994. Eftir útskrift
fór ég til Suður-Frakklands og vann
á Michelin-veitingastað í eitt ár. Það
var stórfín reynsla. Hvort sem mað-
ur er að byggja hús eða búa til mat
er mikilvægt að hafa góðan grunn
og læra að bera virðingu fyrir hrá-
efninu.“
Undanfarið hefur kokkalands-
liðið unnið saman að nýrri mat-
reiðslubók sem hefur hlotið heitið
Einfalt með kokkalandsliðinu. Eins
og nafnið ber með sér eru uppskrift-
irnar einfaldar, og í hvern rétt þarf
aðeins fjórar gerðir af hráefni, fyrir
utan hveiti, salt og olíu.
En hvers vegna er kokkalandslið-
ið að gefa út bók? „Við viljum endi-
lega losna við þann stimpil að við
eldum bara flókinn mat sem ekki
henti neinum nema útlærðum kokk-
um. Við viljum komast inn í eldhús
 Hefur keppt í matreiðslu í meira en áratug með kokkalandsliðinuMikilvægt í matarskápinn
Balsamedik. Ekki er verra að eiga líka rauðvínsedik og hvítvínsedik. Basmati-
hrísgrjón. Alltaf góð sem meðlæti. Grautar-hrísgrjón. Gott að grípa í þegar lítill tími
er til að elda og búa til gamla, góða grjónagrautinn. Hveiti. Svo er fínt að eiga líka
heilhveiti eða spelt. Kakóduft. Nausynlegt í baksturinn. Lyftiduft og/eða matarsóda.
Þessi tvenna er í flestum kökum. Matarolía. Sólblóma, jurta, isio ... bara hvaða olía
sem er, að ógleymdri ólífuolíunni sem er fín til steikingar eða í salötin. Pasta, slaufur,
skrúfur, fiðrildi, spaghetti. Salt og pipar. Sígilt par. Margir komast vel af án annarra
kryddtegunda. Sykur, hvort sem er hvítur, brúnn, púðursykur eða flórsykur. Tómatar
í dós eru síðan ómissandi á hverju heimili.
Hálfgerð matarást
Sinnepsgljáður lax
800 g roðflettur og beinhreinsaður
lax
1 poki spínat
sæt sojasósa
3 msk. dijon-sinnep
Sojasósa og lax eru fullkomið
hjónaband.
Skerum laxinn niður í steikur og
skerum síðan fínar skorur í steikurnar
(dýptin er um ¾ hlutar af þykkt steik-
arinnar). Smjörsteikjum svo spínat og
röðum því í skorurnar. Blöndum loks
saman sojasósu og sinnepi og búum
þannig til steikarsósu sem við berum
á laxinn (gott að pensla einu sinni eða
tvisvar þegar fiskurinn er kominn í
ofninn). Steikjum undir grilli í ofni við
200 gráður í um 10 mínútur. Berum
fram með salati og kartöflum.

M
yn
d/
Ár
ni
T
or
fa
so
n