Fréttatíminn - 22.10.2010, Síða 68

68 dægurmál Helgin 22.-24. október 2010
Spennandi
kynSlóðaSaga
Áleitin og óvenjuleg
Reykjavíkursaga
eftir nýjan höfund,
Hugrúnu Hrönn Kristjánsdóttur.
 Plötuhorn Dr. Gunna
Kimbabwe

Retro Stefson
Retro Stefson er
lífsglaðasta hljóm-
sveit landsins og
spilar einstaka
blöndu af indie-poppi
og stuðtónlist frá
Karabíska hafinu.
Já, og alls konar
öðru, því þetta band
gerir bara það sem
því dettur í hug.
Bandið springur nú
út á annarri plötunni
sinni, sem er heil-
steypt þrumuflykki og
rosalega skemmtileg
plata full af fjöri,
ákefð og ilmandi
fínum lögum þar
sem nostrað er við
smáatriðin. Frábært!
Better When We’re
Dead

Deep Jimi & The Zep Creams
Eins og nafn
sveitarinnar gefur
til kynna er rokk-
sveitin góðkunna
frá Keflavík ekki að
finna upp hjólið með
tónlist sinni. Þeir
spila frumsamda
tónlist sem vísar í
„klassíska rokkið“ en
einnig glittir í yngri
áhrifavalda – The
Cult, Inxs, jafnvel
Lenny Kravitz. Bandið
spinnur traustan
rokkþráð af innsæi
og átakalausri fimi.
Rokkhundar ættu að
hafa jafngaman af
þessari fínu plötu og
hljómsveitin sjálf.
Í annan heim

Rökkurró
Á annarri plötu
sinni heldur Rökk-
urró áfram að þróa
sinn rjómalegna
hljóðheim, sem má
segja að liggi mitt á
milli Mammúts og
Sigur Rósar. Rokk
og strengir mætast í
angurværum lögum
og viðkvæmar raddir
skapa ljúfa stemn-
ingu. Oft er gefið í og
melódísku galdragripi
sáldrað yfir með
glæsilegum árangri.
Mjög fín plata og ég
verð að lofa umslagið
sérstaklega; mér
finnst þetta flottasta
plötuumslag ársins.
 BrúðuleiKhús Gilitrutt
Þ að er óvenjulegur metnaður að baki brúðuleiksýningunni um Gilitrutt, sem verður frumsýnd á sunnudag
í Borgarnesi. Einn fremsti leikhúsmaður
landsins leikstýrir brúðunum, eða réttara
sagt brúðustjórnandanum, og búningana
gerir einn fremsti búningahönnuður lands-
ins. Umgjörðin jafnast sem sagt á við það
besta þegar leikararnir eru af holdi og blóði.
„Brúðurnar hafa persónuleika og sumt
virkar og sumt ekki, búningurinn verður
að fara vel á þeim og vera trúverðugur fyrir
persónuna,“ segir Þórunn Elísabet Sveins-
dóttir, búningahönnuður sýningarinnar.
Persónuleiki brúðanna var krufinn í sam-
tölum hennar við leikstjórann Benedikt
Erlingsson og brúðugerðarmanninn Bernd
Ogrodnik, en þeir unnu einnig leikgerð
verksins. „Við sjáum bóndann til dæmis fyr-
ir okkur sem svolítið kauðslegan náunga en
um leið þurfum við að passa að hann verði
ekki of skoplegur. Bóndakonan er í fínni
fötum en bóndinn, hún er löt til verka sem
verður til þess að Gilitrutt nær tangarhaldi
á henni,“ segir Þórunn.
Benedikt leikstýrir Bernd og brúðunum,
sem Bernd stjórnar, og segir Þórunn þetta
vera flókið ferli. „Bernd er búinn að þróa alls
kyns aðferðir til að skapa nánast mennskar
hreyfingar hjá brúðunum, hann fær þær
meðal annars til að ganga þannig að þær
lyfta ilinni og stíga í hælinn, og halla undir
flatt, segir hún og bætir við að þetta sé bara
á færi uppfinningamanna eins og Bernds.
„Hann býr brúðurnar til, spilar á öll hljóð-
færi, gerir leiksvið, fær spýtu til að fljúga
og haga sér eins og fugl. Hann fær þessa
litlu óstýrilátu leikara til að gera ótrúleg-
ustu hluti og það er yndislegt að fylgjast
með þeim dansa í baðstofunni við undirspil
harmóníku og langspils. Það eru forréttindi
fyrir fimmtuga mær eins og mig að fá að
leika sér svona, sitja og sauma dúkkuföt á
persónur sem svo lifna við eftir að ljósin eru
slökkt í leikhúsinu.“
Gilitrutt er frumsýnd í Brúðuheimum í
Borgarnesi sunnudaginn 24. október kl. 15.
-jvg
Fær spýtu til að
haga sér eins og fugl
Brúðuleikhúsið Brúðuheimar í Borgarnesi frumsýnir á sunnudag nýtt verk
byggt á þjóðsögunni um tröllkonuna Gilitrutt.
Bernd fær þessa
litlu óstýrilátu
leikara til að gera
ótrúlegustu hluti
Þórunn Elísabet Sveins-
dóttir Búningurinn
verður að fara vel á þeim
og vera trúverðugur fyrir
persónuna.“ Ljósmynd/Hari
Nú á miðvikudaginn var 80 ára afmæli Austurbæjarskóla fagnað.
Auk nemenda og starfsmanna skólans mættu foreldrar og fyrrum
nemendur í geysifjölmenna afmælisveislu sem stóð allan daginn. Allir
lögðust á eitt við bakstur og matargerð; meðal annars bakaði eigin-
kona eins kennarans glæsilega köku sem var eftirlíking af skólabygg-
ingunni. Í íþróttasalnum voru til sýnis ýmsir gamlir munir frá starfi
skólans, námsbækur, kort og fleiri gersemar. Í tilefni af tímamótunum
voru gerðir stuttermabolir fyrir nemendur og aðra áhugasama.
Austó 80 ára
Beyonce ekki ólétt
Sú saga hefur gengið fjöllunum hærra
að þokkadísin Beyonce Knowles sé
ólétt. Bandaríska slúðurblaðið US
Weekly greindi frá því í vikunni að hún
væri komin fjórtán vikur á leið en nú
hefur móðir hennar komið fram og
sagt söguna uppspuna. Tina Knowles
kom fram í spjallþætti Ellen De Generes
í gær og sagði það alrangt að dóttir
hennar væri ólétt. Hún sagðist hlakka
mikið til að eignast barnabörn en það
myndi einfaldlega ekki gerast á næst-
unni. Ljósmynd/Getty
Guðmundur
Sighvatsson
skólastjóri
Austurbæjar-
skóla í hópi
nemenda
sinna. Þeir
klæðast
bolum sem
voru gerðir í
tilefni afmælis
skólans. Fram-
an á þeim er
mynd af Guð-
mundi, sem er
vel við hæfi
því hann hefur
verið alla sína
starfsævi í
Austurbæjar-
skóla.
Ljósmynd/Hari