Læknablaðið - 15.11.1987, Síða 58

402
LÆKNABLAÐIÐ
þingmannatillögu í Norðurlandaráði um
norræna samstarfsáætlun gegn krabbameini.
Stjórnin leitaði álits sérfræðings í
krabbameinslækningum, Þórarins
Sveinssonar, sem lét í té greinargóða umsögn
um málið og lagði til, að ísland styddi aukið
norrænt samstarf á þessum vettvangi. Stjórnin
tók undir umsögn Þórarins að öllu leyti.
ÝMIS MÁL
1. Námskeið fyrir aðstoðarlœkna á lyfjadeildum
Undanfarin ár hefur L.í. kostað vikunámskeið
fyrir eldri aðstoðarlækna á lyflæknisdeildum.
Námskeiðið var að þessu sinni haldið í Domus
Medica 16.-20. mars sl. og tóku 14
aðstoðarlæknar þátt í því. Námskeiðinu lauk
með prófi eins og tíðkast hefur. Það var
skipulagt af yfirlæknum lyflæknisdeilda
Borgarspítala, Landakotsspítala og
Landspítala. Mjög er tímabært að stofna til
samsvarandi námskeiðs fyrir eldri
aðstoðarlækna á handlæknisdeildum.
2. Ritun sögu lœknafélaganna
Á aðalfundum L.í. 1985 og 1986 var
fjárframlag samþykkt til ritunar sögu
Læknafélags íslands og annarra læknafélaga í
landinu í tilefni 75 ára afmælis L.í. árið 1993.
Leitað hefur verið að söguritara úr hópi
lækna, en sú leit ekki borið árangur sem erfiði.
Stjórn L.í. hefur skipað ritnefnd til að hafa
umsjón með verkinu. í nefndinni eru Árni
Kristinsson, Haukur Þórðarson, Páll
Ásmundsson og Þóroddur Jónasson. Mun
nefndin hefja störf á þessu hausti og ganga frá
ákvörðun um söguritara og efnisinnihald.
3. NKLV
Landlæknir boðaði fulltrúa L.í. á fund í Det
nordiske kontaktorgan for lægernes
videreuddannelse, sem haldinn var í Reykjavík
17. október 1986. Fundinn sóttu fulltrúar
heilbrigðisyfirvalda á Norðurlöndunum.
Formaður mætti þar f.h. L.í. Á fundinum var
rætt um samræmingu framhaldsnáms lækna á
Norðurlöndum, bæði um innihald þess og
tímalengd.
4. Heiðursfélagi L.í.
Á aðalfundi 1986 var Eggert Steinþórsson
kjörinn heiðursfélagi L.í. Eggert hefur átt
hlutdeild að Domus Medica frá fyrstu byrjun,
sat í bygginganefnd, síðar í stjórn Domus
Medica og verið formaður stjórnar síðan 1980.
Einnig verið i húsráði Domus Medica og
formaður þess frá 1980. Hann hefur starfað
sem læknir í tæpa hálfa öld. Stjórnin efndi til
samveru með Eggerti, fjölskyldu hans og
fleirum í Domus Medica 5. des. 1986, og var
honum þar afhent heiðursfélagaskjal.
Núlifandi heiðursfélagar L.í. eru sjö talsins og
eru auk Eggerts, danski læknirinn Povl Riis,
enski læknirinn W. Cleland, Jón Steffensen,
Oddur Ólafsson, Óskar Þórðarson og
Þóroddur Jónasson.
5. Nordisk Medicin
Guðjón Magnússon, sem varð fulltrúi L.í. í
ritstjórn Nordisk Medicin í ársbyrjun 1983,
óskaði að verða leystur frá því starfi um
síðastliðin áramót. Guðjóni eru þökkuð störf
hans fyrir L.í. á þessum vettvangi. Að tillögu
útgáfustjórnar læknafélaganna tilnefndi
stjórn L.í. Örn Bjarnason, ábyrgðarmann
Læknablaðsins, fulltrúa þess í ritnefnd
Nordisk Medicin frá byrjun þessa árs.
6. Nýútskrifaðir kandidatar
Vorið 1987 útskrifuðust 44 kandidatar úr
læknadeild Háskóla íslands. Að venju buðu
stjórnir L.í. og L.R. kandidötunum og
mökum þeirra til fagnaðar, sem haldinn var í
Domus Medica 26. júní sl. Þar fór fram
kynning á starfsemi L.í. og svæðafélaganna
og siðareglum lækna.
7. Ályktun Félags ísl. sjúkraþjáifara
Ofangreint félag sendi L.í. ályktun um
verksvið yfirsjúkraþjálfara, skipulag
sjúkrastofnana o.fl. Stjórninni þótti ljóst, að
ályktun þessi miðaði að því að færa stjórnun
verulegs hluta læknisfræðilegrar
endurhæfingar úr höndum Iækna til
sjúkraþjálfara. Stjórnin óskaði álits Félags ísl.
orku- og endurhæfingarlækna á ályktuninni.
í umsögn félagsins segir m.a.:
»Það verður að teljast miður að ályktuninni
fylgir ekki greinargerð eða skilgreining frá
stjórn FÍSÞ sem varpað gæti ljósi á tilurð
hennar og tilgang. Af orðalagi má ráða að
fundur FÍSÞ þ. 8. desember sl. hafi litið svo á
að sjúkraþjálfun eigi ekki að teljast hluti af
endurhæfingarþjónustu, hvort sem er á
endurhæfingardeild sjúkrahúss,
endurhæfingarstofnun eða heilsugæslustöð,
heldur vera sérstök þjónusta, óháð öðrum
þáttum í endurhæfingarstarfsemi. Sé þetta
réttur skilningur leikur ekki vafi á því að
forsendur ályktunarinnar eru rangar og
hugsanleg útfærsla hennar mundi stuðla að