Fréttatíminn - 05.11.2010, Blaðsíða 68
68 dægurmál Helgin 5.-7. nóvember 2010
Íslenskan er æði!
Ný orðabók fyrir
6-12 ára krakka,
kjörin í skólann
• ríkulega myndskreytt
• 2200 uppflettiorð
• skýr framsetning
• skemmtilegar þemasíður
• fróðleikur um málshætti
og orðtök
Plötuhorn Dr. Gunna
lúxus upplifun
Hljómsveitin Ég
Róbert Örn Hjálmtýs-
son hefur starfrækt
hljómsveitina Ég
síðan 2002. Þetta
er þriðja platan, 15
lög eftir fimm ára
uppsöfnun. Á bak við
mjög persónulegan
stíl Róberts glittir í
Bítlana og alls kyns
gott popp og rokk.
Gáfulega glúrnir
textar eru á íslensku
og lögin eru mörg
mjög fín, glimrandi
útsett og pæld. Smá
einsleitni gætir þó í
lagasmíðum og radd-
beitingu, sem væri
einfalt að fríska upp
á ef Róbert kannaði
nýjar slóðir og tæki
skref til þess óþekkta.
Fögur fyrirheit
Lifun
Á áttunda áratugnum
hefði verið líklegt
að heyra lög með
Gilbert O’Sullivan og
Carpenters á Gufunni
í þættinum Lögin
við vinnuna. Öfugt
við flest önnur nú-
tímabönd hefði Lifun
smellpassað í þáttinn
með sitt dillandi létta
og saklausa popp.
Systurnar Lára og
Margrét Rúnarsdætur
hafa stórgóðar popp-
raddir sem smell-
passa í þessa músík
og allur flutningur er
fyrirtak. Níu lög er
þó naumt skammtað,
líka þegar nokkur
lög verða fljótt full
þreytandi.
the third Sound
The Third Sound
Hákon Aðalsteinsson
stendur á bak við
hljómsveitarnafnið
The Third Sound
og gerir mestallt
á þessari tíu laga
plötu. Hann spilaði
með hljómsveitunum
Hudson Wayne og
Singapore Sling og er
á svipuðum slóðum
hér: Spilar bergmáls-
drekkt töffara-rokk,
bæði pákudrifna
rokk-köggla og
spaghettísósaðar
kúl-ballöður. Þetta
er vel gert og margt
bæði skemmtilegt og
flott, en bara verst
að svipuð músík
hefur verið gerð svo
margoft áður. Fínt en
full fyrirsjánlegt.
Fatahönnuðir: ÞjaPPa Sér Saman á Stórhátíð
a llt okkar besta fagfólk tekur þátt í þessu og segja má að á RFF komi landsliðið í tísku
og hönnun saman, slái upp flottum
viðburði og sýni hvað í okkur býr,“
segir Ásta Kristjánsdóttir sem á
sæti í stjórn RFF. Ásta segir há-
tíðina sýna mikla grósku og sam-
stöðu í hönnunargeiranum og fólk
hafi áttað sig á að hönnuðir standi
sterkari sameinaðir heldur en hver
í sínu horni. RFF hafi verið upphafið
að því að hönnuðir tækju sig saman
og sýndu Íslendingum hvað þeir eru
að gera.
„Allir þeir sem komu að hátíð-
inni síðast, hvort sem um hönnuði,
förðunarfræðinga eða fyrirsætur er
að ræða, vilja koma að þessu aftur
enda er hátíðin kjörin leið fyrir fólk í
bransanum til að vekja athygli, bæði
hér heima og í útlöndum.“
Ásta segir að í löndunum í kring-
um okkur standi opinberir fjár-
styrkir að mestu leyti undir hátíð-
um sem þessari. Á Íslandi þurfi hins
vegar að treysta á styrktaraðila og
vel heppnuð hátíðin í mars hafi orð-
ið til þess að þeir aðilar sem hlupu
undir bagga þá vilji flestir leggja sín
lóð á vogarskálarnar aftur. „Mér
finnst að þessi grein eigi skilinn
meiri stuðning hins opinbera og
sjálfsagt gerist það með tímanum.
Hönnun er vaxandi útflutningsgrein
á Norðurlöndum og gæti orðið mjög
stór hérna ef fólk fær smá stuðning í
upphafi,“ segir Ásta og bætir við að
ytri aðstæður séu um margt hönn-
uðum mótdrægar þessi kreppumis-
seri. „Staðan er erfið og hér glíma
hönnuðir við háa skatta, gjöld og
neikvæða stöðu krónunnar.“
Ásta segir hátíðinni ekki síst ætl-
að að vekja athygli Íslendinga og fá
þá til að taka innlenda hönnun alvar-
lega en vissulega veki hátíðin einnig
athygli utan landsteinanna; þannig
hafi þýska Vogue, Dazed og fleiri er-
lendir fjölmiðlar staðfest komu sína
á hátíðina næsta vor. „Við viljum líka
vekja athygli á íslenskri hönnun er-
lendis. RFF er fyrsta skrefið í þá átt
og þar sem hátíðin er orðin að ár-
legum viðburði virðist þetta vera að
þróast í rétta átt.“
Umsóknarfrestur fyrir fatahönn-
uði til þess að sækja um þátttöku á
RFF rennur út 2. desember. Leit að
fyrirsætum er einnig hafin og allir
sem telja sig eiga erindi eru vel-
komnir í prufu á morgun, laugar-
daginn 6. nóvember, á milli klukkan
15 og 18 að Klapparstíg 6 á þriðju
hæð. Allar stelpur eldri en 15 ára
eru velkomnar í prufuna.
Tískuveisla íslenskra hönnuða
Tískuhátíðin Reykjavik Fashion Festival var haldin í fyrsta sinn í mars og þótti heppnast vel.
Ákveðið hefur verið að endurtaka leikinn í miðborg Reykjavíkur dagana 31. mars til 3. apríl á
næsta ári. Undirbúningur er þegar hafinn enda ekki ráð nema í tíma sé tekið fyrir stórviðburð
sem þennan og byrjað er að auglýsa eftir hönnuðum og fyrirsætum sem vilja taka þátt.
Ásta Kristjánsdóttir er komin á fulla ferð í undirbúningi RFF fyrir næsta vor enda ekki seinna vænna
þar sem vinna við fyrstu hátíðina hófst hálfu áru áður en gleðin hófst.
Sveppi verður á fjölum Tjarnarbíós á milli jóla og nýárs.
Fjölskylduhelgar
við Tjarnargötu
Sjálfstæðu leikhúsin sameina
krafta sína í Tjarnarbíó alla
sunnudaga í nóvember og des-
ember og bjóða upp á fjölskyldu-
sýningar. Fram kemur í tilkynn-
ingu frá Sjálfstæðu leikhúsunum
að stór hluti félagsmanna séu
barna- og unglingaleikhús sem
ferðast á milli leik- og grunn-
skóla um allt land, hópar sem oft
eru kallaðir „ósýnilega leikhús-
ið“ þar sem verk þeirra eru ekki
auglýst fyrir almenning.
Stopp-leikhópurinn ríður á
vaðið með Grímuverðlaunasýn-
inguna Bólu-Hjálmar sunnudag-
inn 7. nóvember. Sirkus Íslands
býður upp á Sirkus Sóley 14. og
21. nóvember. Á senunni verður
með Augastein 28. nóvember og
12. og 19. desember en það verk
var fyrst frumsýnt í Tjarnarbíói
fyrir sjö árum. Jólasýningin Jóla-
rósir Snuðru og Tuðru í uppsetn-
ingu Möguleikhússins verður
sýnd 5. desember og á milli jóla
og nýárs verða Sveppi og félagar
með hina vinsælu sýningu Al-
gjör Sveppi - Dagur í lífi stráks.
Mér finnst að
þessi grein eigi
skilinn meiri
stuðning hins
opinbera og sjálf-
sagt gerist það
með tímanum.
Kayne West særði Bush
Þótt illar tungur vilji líklega halda því fram
að lágpunktarnir á forsetaferli George W.
Bush hafi verið margir stendur forsetinn
fyrrverandi fastur á því að ekkert á ferli hans
hafi verið jafn ömurlegt og þegar söngvarinn
Kayne West sagði Bush vera sama um
þeldökkt fólk vegna viðbragða hans við
hörmungunum sem fylgdu fellibylnum
Katrina. West sendi Bush tóninn á styrktar-
tónleikum fyrir fórnarlömb fellibylsins og
forsetanum sárnaði verulega. Þetta kemur
fram í væntanlegum æviminningum Bush og
hann segir þetta augnablik einfaldlega hafa
verið „viðbjóðslegt“.