Kjarninn - 20.02.2014, Blaðsíða 75

02/06 Knattspyrna
Stuðningsmenn virtust skeptískir. Þeir höfðu, eðlilega,
vonast eftir stærra nafni með einhverja reynslu í því að vinna
titla. En Sir Alex hafði talað, og það urðu menn að virða.
allt í steik
Spólum níu mánuði fram í tímann. Manchester United
situr í sjöunda sæti ensku úrvaldsdeildarinnar þegar tæpur
þriðjungur er eftir af tímabilinu. Liðið er 15 stigum á eftir
toppliði Chelsea, dottið út úr FA-bikarnum (tapaði heima
fyrir Swansea) og dottið út úr deildarbikarnum (tapaði fyrir
Sunderland) en er þó komið í 16 liða úrslit í Meistaradeild
Evrópu. Eina sýnilega leið liðsins til að komast í þá deild að
ári virðist vera að vinna hana. Fáir ódrukknir trúa því að það
muni gerast. Fyrir vikið hata stuðningsmenn United Moyes
meira en þeir hata Carlos Tevez. Og þeir hata
Carlos Tevez.
Það sem Moyes hefur afrekað í starfi sínu
hjá United er, nánast allt, neikvætt. Liðið þykir
leika fyrirsjáanlegan gamaldags bolta þar sem
allt snýst um að dæla tugum fyrirgjafa inn í
vítateig andstæðinganna og vonast til að höfuð
komist í boltann til að stýra honum í netið. Í
desember tapaði Manchester United tveimur
heima leikjum í röð í deildinni í fyrsta sinn í tólf ár. Liðið
hefur alls tapað átta leikjum, þar af fjórum á Old Trafford
sem áður þótti óvinnandi virki. Svo er ekki lengur. Líklega
var einn sárasti ósigurinn sá þegar liðið tapaði fyrir gamla
liði Moyes, Everton, með marki frá Bryan Ovidedo, leikmanni
sem Moyes kaus að nota sama sem ekki neitt á meðan hann
stýrði honum.
„dithering dave“ kýlir ávallt upp fyrir sig
Af hverju var þessi fúllyndi Skoti þá ráðinn í þetta drauma-
starf? Þrátt fyrir að hafa aldrei unnið neitt og vera frekar
þekktur fyrir neikvæðan og varnarsinnaðar leikstíl var
Moyes mjög virtur í knattspyrnuheiminum. Honum tókst
næstum því að koma lélegu Preston-liði í úrvalsdeildina áður
„Sú mýta að Everton
sé eitthvert fjárhags-
legt smælki í Evrópu-
knattspyrnu, sem
Moyes hélt ítrekað á
lofti, er líka kolröng.“