Fréttatíminn - 09.05.2014, Blaðsíða 20

hver yrði næsti fréttastjóri. „Fólk
fór að spyrja mig hvort ég ætlaði
ekki örugglega að sækja um, eins
og það væri sjálfsagður hlutur sem
mér fannst alls ekki, en þá fór ég
að velta þessu fyrir mér. Ég var um
tíma óákveðin og skilaði ekki inn
umsókn fyrr en að kvöldi dagsins
þegar umsóknarfresturinn rann
út. Ég var vel meðvituð um hvað
fréttastjóri þarf að gera og hef horft
upp á þann ólgusjó sem Óðinn var
í og þær sársaukafullu niðurskurð-
araðgerðir sem hann þurfti að fara
í. Enginn fréttastjóri hefur farið í
gegnum slíkt. Ég er líka meðvituð
um þær atlögur sem gerðar hafa
verið að fréttastofunni. Þegar öllu
var á botninn hvolft þá voru það
þeir möguleikar sem felast í starf-
inu sem vógu þyngra og tækifæri
til að stýra breytingum á vinnslu og
vinnubrögðum. Við höfum verið að
framleiða ótrúlega mikið efni, og
með vefnum hefur það bara aukist.
Nú eru þriðjungi færri starfsmenn
að framleiða meira efni en gert
var fyrir sex árum. Mér fannst það
skemmtileg áskorun og spennandi
að gera breytingar, ekki mjög rót-
tækar en það er ýmislegt sem hægt
er að gera.“
Breytingar fram undan
Rakel segir mikilvægt að breyt-
ingar séu unnar í samstarfi við allt
starfsfólkið og þó hugmyndirnar
séu margar hverjar ekki útfærðar
nefnir hún nokkur dæmi. „Mér
finnst að við þurfum að skoða
hvort hægt sé að stytta einhverja
fréttatíma og minnka framleiðsl-
una en auka kröfurnar. Oft áttar
fólk sig ekki á því hvað framleiðsl-
an á sjónvarpsefninu er þung. Það
var hér áður fyrr að þeir sem störf-
uðu á fréttastofu Sjónvarps byrj-
uðu að morgni að vinna sjónvarps-
fréttirnar en eftir sameininguna
eru fréttamenn jafnframt að sinna
útvarpi og vef yfir daginn. Miðað
við þann mannskap sem við höfum
finnst mér við vera að framleiða of
mikið og fólk hefur þá ekki tíma til
að leggja allt sitt í verkefnið.
Hádegisfréttirnar eru okkar
aðalfréttatími í útvarpinu. Í
gegnum árin hefur því oft verið
velt upp hvort ekki sé best í sparn-
aðarskyni að hætta með 10-frétt-
irnar í sjónvarpinu en þegar upp
er staðið er sparnaðurinn við það í
raun lítill sem enginn og áhorfið er
ansi gott. Ég vil frekar fara þá leið
að aðgreina sjónvarpsfréttatímana
meira með því að vera með ólíkar
áherslur. Það er gömul hugmynd
sem ég fékk fyrir mörgum árum
síðan.“ Eitt stærsta verkefni næsta
vetrar, hvað breytingar varðar,
er vefurinn en Ingólfur Bjarni
Sigfússon kemur til með að stýra
þeim breytingum sem yfirmaður
nýmiðladeildar. „Við erum að fram-
leiða mikið af fréttum fyrir vefinn
en það hefur ekki verið nógu að-
gengilegt. Vefurinn hefur alls ekki
verið nógu góður. Á vefnum eru
ótal möguleikar og þar sem ungt
fólk notar netið mun meira til að ná
í sínar fréttir en útvarp og sjónvarp
þarf að koma til móts við það.“
Eins fjölbreytt og skemmtilegt
starfið er þá viðurkennir Rakel að
hún hafi einstaka sinnum á ferli
sínum, þegar álagið hefur verið
sérstaklega mikið, velt fyrir sér
hvort hún ætti að finna sér aðra
vinnu. „Mér hefur hins vegar
aldrei dottið neitt annað í hug
sem mig langar að gera. Ég held
að það sé fjölbreytileikinn sem
heillar mig mest. Við erum að
fjalla um allar hliðar samfélags-
ins og það á ólíkum miðlum. Ég er
líka með mikið keppnisskap og fæ
mikið út úr því að ná góðri frétt og
„skúbba.“ Þetta er lifandi starf og
við fáum að upplifa stóra og smáa
atburði og miðla þeim til fólks, oft
um leið og þeir eru að gerast. Það
sem rekur mig áfram eru faglegu
markmiðin, ná í fréttir og skoða
allar hliðar málsins, vera heiðar-
legur, sanngjarn og fylgja eigin
sannfæringu.“
Erla Hlynsdóttir
erla@frettatiminn.is
Rakel Þorbergsdóttir er ákveðin og segist hafa skoðanir á flestu er varðar vinnulagið á RÚV. Sem fréttamaður gerði hún
ítrekað athugasemdir við hvernig nálgast mætti hlutina á annan hátt og telur hún líklegt að það hafi komið henni áfram í starfi.
Ljósmynd/Hari
www.siggaogtimo.is
Verð kr. 144.000.- parið
20 viðtal Helgin 9.-11. maí 2014