Fréttatíminn - 09.05.2014, Blaðsíða 72

 Í takt við tÍmann Guðrún veiGa Guðmundsdóttir
Alltaf með hnetusmjör og skeið í töskunni
Guðrún Veiga Guðmundsdóttir er 29 ára mannfræðinemi frá Eskifirði sem vakið hefur athygli fyrir skemmtileg skrif
á bloggsíðunni gveiga85.blogspot.com. Hún mun stjórna þætti á nýju sjónvarpsstöðinni isTV sem fer í loftið í sumar.
Guðrún Veiga fer aldrei ónaglalökkuð út úr húsi og sængar með aðalleikurunum í Suits og Scandal á hverju kvöldi.
Sætar franskar
frá McCain
Sætu kartöflurnar frá McCain eru ómótstæðilega
bragðgóðar og ríkar af A-vítamíni. Þú skellir þeim í
ofninn og áður en þú veist af ertu komin(n) með
girnilegt og gómsætt meðlæti. Prófaðu núna!
Staðalbúnaður
Ég hef eiginlega ekki tileinkað mér neinn
fatastíl, stundum er ég klædd eins og iðnaðar-
maður og stundum eins og prinsessa. Ég er
svolítil kjólakona og alger flóamarkaðs-nölli.
Ég hangi mikið í Kolaportinu og Rauðakross-
búðunum, ég er voðalegur gramsari. Þetta
tilheyrir því væntanlega að vera sárafátækur
námsmaður níu mánuði á ári. Ég er alltaf með
hnetusmjör og skeið í töskunni minni, það er
ómissandi með öllu, og ég fer aldrei ónagla-
lökkuð út úr húsi. Ég gæti allt eins farið nakin
út.
Hugbúnaður
Ég á það til að reka nefið niður í miðbæ
Reykjavíkur en ég er ennþá svo mikið
landsbyggðarblóm að ég á mér ekki
uppáhalds skemmtistaði. Ég elti bara
vinkonur mínar og þær fara oftast á
Ölstofuna. Á barnum athuga ég
fyrst hvort rauðvínið sé ódýrt en
annars fer ég í bjórinn. Ég horfi
aðallega á Scandal og Suits. Á
kvöldin tek ég alltaf tölvuna
með mér upp í rúm og það
er því misjafnt hvort ég vel
að sænga hjá Harvey eða
Mr. President.
Vélbúnaður
Ég er Samsung-kona út í gegn og
ég er eiginlega með krónískt Apple-ofnæmi.
Ég er með Samsung-síma, -sjónvarp og -tölvu
og hélt að gæti dáið og farið til himna þegar
ég uppgötvaði að ég gæti hækkað og lækkað í
sjónvarpinu með símanum mínu. Ég er frekar
virk á Facebook og Instagram, ég nota það
mikið fyrir bloggið. Og Snapchat, ég er frekar
óþolandi þar.
Aukabúnaður
Á blogginu lít ég kannski út fyrir að vera voða-
legur kokkur en staðreyndin er sú að það er
ferlega leiðinlegt að elda fyrir einn. Ég fer því
voða mikið í Ikea að borða grænmetisbuff og
kjötbollur. Ég held í alvöru að starfsfólkið sé
farið að þekkja mig með nafni þar, enda bið ég
alltaf um þrjár auka ausur af sósu. Annars er
uppáhaldsmaturinn bara allt sem hægt er að
borða með hnetusmjöri eða beikoni. Ég keyri
um á gömlum Yaris og safna miklu drasli í
hann. Sumir hafa haldið að ég búi í bílnum
eða það hafi róni hreiðrað um sig þar. Ég skil
það svo sem alveg, þegar ég tók til í honum
um páskana kom einn og hálfur svartur rusla-
poki út úr honum. Þetta var allskonar drasl,
föt og fimm skópör. Ekkert lifandi samt. Ég
hef farið til Tenerife síðustu átta sumur, ég fæ
svona maníur að ef mér finnst eitthvað æðis-
legt þá geri ég það aftur og aftur. Ég er ekki
enn búin að panta mér ferð í ár en árið líður
ekkert án þess. Ef svo færi myndu einhverjir
barir fara á hausinn þarna úti.
Ljósmyndir/Hari
Ég er „Team Solla“
í gegn þegar kemur
að hnetusmjöri.
Hún myndi fara á
hausinn ef ég
hætti að kaupa
það.
Ég er með ólæknandi blæti fyrir
naglalakki. Það skilja ekki allir að
maður þarf að eiga naglalakk í
öllum litum og litbrigðum.
Myndavélin mín er
Canon EOS 1100d.
Hún fylgir mér um allt.
 appafenGur
Sunrise
Ég er ein af
fjölmörgum sem
fannst dagatalið
versna til muna
með iOS 7 upp-
færslunni. Þess
vegna fór ég á
netið og leitaði að
öðru dagatali fyrir
þá sem voru sama
sinnis. Ég fann
lista með þeim þó
nokkrum en best
hefur mér reynst
dagatalið Sunrise.
Það er í raun
frekar hefðbundið
dagatal en mun
aðgengilegra en
það sem fylgir
stýrikerfinu.
Appið lætur þig
vita tímanlega,
þú velur hversu
tímanlega, þegar
viðburðir sem þú
hefur sett í daga-
talið eru á dag-
skrá og mögulegt
er að velja að láta sig vita tvisvar, til dæmis
sólarhring áður og svo aftur korteri áður. Ég
er síðan með það stillt þannig að á hverjum
morgni sendir það mér póst um hvað er á dag-
skránni þann daginn.

Sunrise hefur það fram yfir mörg önnur daga-
töl að það er hægt að tengja við Goggle, iCloud,
Facebook, LinkedIn og Foursquare.
Það albesta við Sunrise er þó að sýnir manni
líka veðurspána, það er ef maður gefur appinu
aðgang að staðsetningarkerfinu í símanum
þínum.
Í heildina er þetta einfalt og þægilegt dagatal
með öllu því sem á þarf að halda dagsdaglega.
Erla Hlynsdóttir
erla@frettatiminn.is
72 dægurmál Helgin 9.-11. maí 2014