Fréttatíminn - 16.05.2014, Blaðsíða 14

Sætúni 8, 105 Reykjavík. Sími: 531 3300. ritstjórn@frettatiminn.is Ritstjórar: Jónas Haraldsson jonas@frettatiminn.is og Sigríður Dögg
Auðuns dóttir sigridur@frettatiminn.is. Fréttastjóri: Höskuldur Daði Magnússon hdm@frettatiminn.is. Framkvæmda- og auglýsingastjóri: Valdimar Birgisson valdimar@
frettatiminn.is. Útgáfustjóri: Teitur Jónasson teitur@frettatiminn.is . Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
Á
Á að leita allra leiða til koma í veg fyrir að
einhver eða einhverjir valdi öðrum tjóni
– og það verulegu? Flestir myndu svara
þeirri spurningu játandi – og grípa síðan til
nauðsynlegra ráða, líkt og stjórnvöld gerðu
með ákvörðun sinni um lagasetningu á verk-
fall flugmanna hjá Icelandair. Tímabundið
verkfall þeirra í liðinni viku olli fyrirtæki
þeirra, öðrum félögum í atvinnugreininni
og samfélaginu öllu verulegu tjóni. Boðað
verkfall í dag, föstudag, auk
yfirvinnubanns og frekari
aðgerða í þessum mánuði og í
upphafi hins næsta hefðu enn
aukið skaðann.
Þeir sem gerst þekkja hafa
spáð meti í ferðamennsku í
ár með jákvæðum áhrifum
á alla sem atvinnugreininni
tengjast, flugfélög, hótel- og
gistiþjónustu, veitingahús,
hópferðafyrirtæki, bílaleigur,
afþreyingarfyrirtæki og ótalin
þjónustufyrirtæki víða í samfélaginu – og þar
með þjóðarhag.
Atvinnugreinin í heild var hins vegar í upp-
námi vegna verkfallsaðgerða flugmannanna
enda byggir hún í grunninn á hnökralausum
flutningi ferðamanna til og frá landinu. Tals-
maður flugmannanna hélt því fram nýverið
að aðgerðirnar lokuðu ekki landinu, önnur
flugfélög héldu uppi flugi hingað þótt truflun
yrði á flugi Icelandair. Það er rétt, svo langt
sem það nær, en breytir ekki því að Ice-
landair er burðarfélag í flugsamgöngum til
og frá landinu. Truflun á flugi félagsins og
óvissa með framhald flugs vegna yfirvinnu-
banns og verkfalla hefur því gríðarleg áhrif
og keðjuverkun á fjölmörgum sviðum sam-
félagsins.
Fram kom í vikunni að verkfallsaðgerð-
irnar ógnuðu allt að 500 flugferðum og tugir
ferða hafa verið felldir niður undanfarna
daga. Fram hefur komið að hópar ferða-
manna hafi hætt við Íslandsferðir og ímynd
Íslands sem ferðamannalands hafi skaðast.
Verkfall eins og það sem flugmennirnir
efndu til hefur margfeldisáhrif á ferðaþjón-
ustuna og bitnar ekki síst á þeim sem enga
aðild eiga að kjaradeilunni. Pétur Blöndal
alþingismaður ræddi stöðuna á Alþingi síð-
astliðinn þriðjudag þar sem hann benti á að
í árdaga hefði verkfallsvopni launþega verið
beint að viðkomandi fyrirtæki en síðar hafi
menn uppgötvað að það væri „snjallt að berja
á þriðja aðila til að ná fram kröfum sínum.“
Hann velti því síðan fyrir sér hvort ástæða
væri til að endurskoða verkfallsréttinn í
þessu ljósi.
Óhjákvæmilegt er að menn spyrji sig hvort
verkfallsvopninu hafi verið beitt á réttlátan
hátt í þessari deilu, þar sem fámennur, hátt
launaður hópur sem krafðist hlutfallslega
umtalsvert meiri launahækkunar en þorri
launþega hefur sætt sig við, lokaði landinu
að hluta, hélt mikilvægri atvinnugrein í gísl-
ingu og olli fjölmörgum ómældum skaða.
Við aðstæður eins og þessar vaknar óhjá-
kvæmilega spurning um það hvort grípa eigi
inn í, nái samningsaðilar ekki niðurstöðu
og koma með þeim hætti í veg fyrir frekara
tjón. Lagasetning á vinnudeilu er neyðarúr-
ræði, enda heggur hún á hnútinn í stað þess
að leysa hann. Ríkissáttasemjari lagði fram
sáttatillögu í deilunni á miðvikudaginn í
þeirri von að hún mætti verða til þess að
leysa hnútinn. Þeirri tillögu hafnaði samn-
inganefnd Félags íslenskra atvinnuflug-
manna, upp úr viðræðum deiluaðila slitnaði
og ljóst mátti vera að lítt dygði, að svo komnu
máli, að boða til nýs samningafundar.
Þá gripu stjórnvöld inn í og hjuggu á
hnútinn, enda varð ekki annað séð en hann
væri óleysanlegur. Af viðbrögðum formanns
samninganefndar flugmannanna mátti líka
ráða að hann gerði ráð fyrir því, rétt eins og
flestir aðrir, að þar með gripi löggjafinn í
taumana.
Viðunandi niðurstaða náðist ekki innan
þess takmarkaða tíma sem var til stefnu. Að
öllu vegnu ganga hagsmunir samfélagsins
fyrir hagsmunum hinna fáu. Afleiðingar af
lengra verkfalli hefðu verið dýrkeyptar.
Ekki sér fyrir endann á samgöngutrufl-
unum því fyrr í vikunni boðuðu flugfreyjur
hjá Icelandair, annar hópur sem stöðvað
getur flug til og frá landinu, yfirvinnubann
og tímabundin verkföll í maí og júní og loks
ótímabundna vinnustöðvun í júní, hafi ekki
samist fyrir þann tíma.
Vandmeðfarinn verkfallsréttur
Endanlega ráða almannahagsmunir
Jónas Haraldsson
jonas@frettatiminn.is
Rúmfatalagerinn er með frábær
garðhúsgögn af mörgum gerðum og í margs konar litum.
Þú finnur alveg örugglega stílinn og gæðin sem henta þér,
því í úrvali okkar má finna allt frá góðum plasthúsgögnum
til úrval harðviðar- og tekkhúsgagna. Við erum stolt af því
að öll harðviðarhúsgögn okkar eru gerð úr FSC-vottuðum
viði. Það er trygging þín fyrir því að þú styðjir
sjálfbæra skógrækt. FSC vottun merkir að skógurinn
sem tréð er úr er skoðaður af óháðum aðilum og
metinn samkvæmt þeim umhverfislegu, félagslegu
og hagrænu reglum og viðmiðum sem Forest
Stewardship Council setur ábyrgri skógrækt.
FSC eru alþjóðleg samtök sem ekki eru
rekin í hagnaðarskyni og þar vinna
umhverfissamtök, framfarasinnaðir
eigendur skóga og fyrirtæki saman
að því að bæta eftirlit með
skógum heimsins.
www.fsc.org
FSC® N001715
®
www.rumfatalagerinn.is
Að öllu vegnu ganga hagsmunir samfélagsins fyrir hags-
munum hinna fáu. Afleiðingar af lengra verkfalli hefðu
verið dýrkeyptar.
Vikan í tölum
krónur er hagnaður TM á fyrsta ársfjórðungi ársins, sem er aukning upp
á 34 prósent.
9
er fjöldi lög-
regluumdæma
og sýslumanna-
embætta í
landinu eftir að
Alþingi sam-
þykkti á miðvikudag frumvörp innan-
ríkisráðherra um fækkun lögregluum-
dæma úr 15 og sýslumanna úr 24.
25
milljónir gáfu Bónus og Hagkaup í
söfnun til kaupa aðgerðarþjarka til
skurðlækninga á Landspítala.
1,3
ferkílómetrar er stærð svæðis á Gufu-
nesi sem Reykjavíkurborg hyggst nú
nýta og hefur kallað eftir hugmyndum
umframtíð Gufuness og Geldinganess.
Eitt af því sem skoðað verður er brúar-
smíði yfir í Viðey.
92
af 100 launahæstu starfs mönnum Ice-
landair eru flugmenn, samkvæmt Björg-
ólfi Jóhannessyni, forstjóra Icelandair,
en Félag íslenskra atvinnuflugmanna
gagnrýndi harðlegalaunahækkanir
stjórnenda hjá Icelandair á undan-
förnum árum.
4
af fimm sakborningum í hópnauðg-
unarmálinu sem upp kom í síðustu
viku eru undir lögaldri. Allir fimm eru
vistaðir í einangrun á Litla-Hrauni.
700.000.000
14 viðhorf Helgin 16.-18. maí 2014