Fréttatíminn - 28.02.2014, Side 2

rjómabollu-
dagurinn
H
V
ÍT
A
H
Ú
S
IÐ
/
S
ÍA
Þú færð góða bolluuppskrift
á gottimatinn.is
S jálfstæðismenn eru æfir við fram-sóknarmenn fyrir að hafa lagt fram þingsályktunartillögu, um umsókn
Íslands um aðild að Evrópusambandinu
dregin til baka, í þeim mikla flýti sem raun-
in var. Sjálfstæðismenn stóðu í þeirri trú að
tillagan yrði lögð fyrir ríkisstjórnarfund á
þriðjudag til umræðu en ekki til afgreiðslu á
Alþingi strax á mánudag eins og utanríkis-
ráðherra gerði.
Samkvæmt heimildum Fréttatímans er
rætt um það innan þingflokks Sjálfstæðis-
flokksins að ljóst sé að framsóknarmenn
hafi viljað hraða málinu. Þeir hafi sett málið
fram með þessum hætti til að beina kastljósi
fjölmiðla og umræðunni þar af leiðandi frá
því sem kölluð hefur verið „versta pólitíska
vika Framsóknar frá upphafi“ og tala sjálf-
stæðismenn um að hafa gripið til „smjörk-
lípuaðferðarinnar“ svokölluðu.
Sjálfstæðismenn benda á að síðasta vika
hafi verið sérstaklega erfið framsóknar-
mönnum eftir frammistöðu formanns-
ins, Sigmundar Davíðs Gunnlaugssonar, í
viðtalsþætti Gísla Marteins Baldurssonar.
Þá hafi hagfræðingar Landsbankans sagt
ræðu Sigmundar Davíðs á Viðskiptaþingi,
lýsa vantrausti á Seðlabanka Íslands. Enn-
fremur vakti framsöguræða Gunnars Braga
Sveinssonar utanríkisráðherra á Alþingi
um skýrslu Hagfræðistofnunar furðu sjálf-
stæðismanna, ekki síst orð hans um að
sveigjanleiki væri ekki til staðar í ESB og að
það væri „í raun ekki í stakk búið að taka á
móti velmegandi ríki eins og Íslandi og eiga
samninga um aðild á jafnræðisgrundvelli,“
eins og hann orðaði það í ræðunni.
Samkvæmt heimildum Fréttatímans
angrar það sjálfstæðismenn mikið að gagn-
rýni almennings skuli öll beinast að Sjálf-
stæðisflokknum vegna tillögunnar um
viðræðuslitin. Í ríkisstjórn væru tveir flokk-
ar með sömu stefnu og sama málflutning
fyrir kosningar. Framsóknarmenn hefðu
lofað þjóðaratkvæðagreiðslu, rétt eins og
Sjálfstæðisflokkur, en nú líti út fyrir að Sjálf-
stæðisflokkurinn sé að keyra málið í gegn.
Sigríður Dögg Auðunsdóttir
sigridur@frettatiminn.is
Sjálfstæðismenn reiðir
samstarfsflokknum
 Stjórnmál óeining milli Stjórnarflokkanna
Sjálfstæðismenn eru reiðir framsóknarmönnum fyrir asann í kringum tillöguna
um viðræðuslit við Evrópusambandið og telja að málið sé ein stór smjörklípa til
að beina kastljósinu frá því sem kallað hefur verið „versta pólitíska vika Fram-
sóknar“ frá upphafi.
Viðbrögð almennings við tillögu utanríkisráðherra um viðræðuslit við Evrópusambandsins hafa komið sjálfstæðismönnum
í opna skjöldu. Þeir eru ennfremur ósáttir við að gagnrýni almennings beinist fyrst og fremst að Sjálfstæðisflokknum þótt
utanríkisráðherra Framsóknarflokksins leggi fram tillöguna og hafi haft uppi sömu loforð um þjóðaratkvæðagreiðslu í að-
draganda kosninga. Mynd/Hari
Bjargaði barni frá drukknun
Stúlku á aldrinum fimm til sex ára var bjargað
frá drukknun í sundlaug Hofsóss síðasta
miðvikudag. Ævar Jóhannsson sundlaugar-
vörður sá stúlkuna í djúpu lauginni þar sem
hún átti í erfiðleikum með að halda sér á
floti og stakk sér í laugina og kom henni til
bjargar, að því er kemur fram á fréttavefnum
Feykir.is. Atvikið átti sér stað um klukkan
17.30 þegar nokkur fjöldi fólks var í lauginni. Stúlkan hafði laumast frá foreldri sínu
þegar það var að sinna öðru barni. Í spjalli á Feyki er haft eftir Ævari að nauðsynlegt
sé að allir séu vel á verði þegar börn séu í sundi, sundlaugarverðir, foreldar og aðrir
sundlaugargestir.
Mótmæla gjaldtöku á
ferðamannastöðum
Samtök ferðaþjónustunnar mótmæla boð-
uðum gjaldtökuhugmyndum landeigenda
og segja þau vega að framtíð ferðaþjónust-
unnar. Í tilkynningu frá samtökunum segir
að undanfarnar
vikur hafa nokkrir
landeigendur
stigið fram og kynnt
áætlanir sínar um að
hefja gjaldtöku við
nokkrar af náttúru-
perlum landsins. Slík
vinnubrögð eru með
öllu óásættanleg
og fordæmir stjórn Samtaka ferðaþjónust-
unnar þá leið sem þarna er farin.
Samtökin leggja áherslu á að við útfærslu
á gjaldtöku sé horft til heildarhagsmuna
ferðaþjónustunnar, hvort heldur verið er
að meta möguleika til gjaldtöku eða við
útfærslu á uppbyggingu ferðamannastaða,
að því er fram kemur í tilkynningunni.
Þá verði að tryggja að þær tekjur sem af
gjaldtökunni verða skili sér örugglega
að fullu til áframhaldandi uppbyggingar
ferðamannastaða víðs vegar um landið.
Góðir stjórnunarhættir
Íslandsbanki hf. hefur fengið viðurkenn-
ingu frá Rannsóknarmiðstöð um stjórnar-
hætti sem fyrirmyndarfyrirtæki í góðum
stjórnarháttum. Viðurkenningin byggir
á ítarlegri úttekt
á starfsháttum
stjórnar og stjór-
nenda bankans
sem unnin var af
KPMG ehf. í janúar
2014. „Stjórn
og stjórnendur
Íslandsbanka
hafa á undanförnum árum lagt áherslu
á að efla og bæta ákvarðanatökuferli og
stjórnarhætti innan bankans og er þessi
viðurkenning ánægjuleg staðfesting á
þeirri miklu vinnu sem fram hefur farið
innan bankans,“ segir Friðrik Sophusson,
stjórnarformaður Íslandsbanka. -jh
Ógnar villtum stofnum
Landssamband veiðifélaga lýsir yfir
áhyggjum af því að væntanleg aukning
á norskættuðum laxi í sjó geti valdið
erfðamengun og þar með ófyrirsjáan-
legu tjóni í íslenskum laxveiðiám. Ljóst
er að einhver hluti þessara seiða mun
sækja upp í íslenskar laxveiðiár og
valda þar erfðamengun og jafnvel sjúk-
dómum, segir á vef landssambandsins.
Það er skoðun Landssambands veiði-
félaga að jafn stórfellt eldi norskra
laxa í sjókvíum og áformað er geti haft
veruleg neikvæð áhrif á villta íslenska
laxastofna. Í þessu sambandi vísar LV
til þess að villtir laxastofnar hafa orðið
fyrir miklu tjóni bæði í Noregi og Skot-
landi vegna sjókvíaeldis.
 Söfnun aron freyr elmerS fæddiSt með hjartagalla og hefur farið í fjölda aðgerða
Átta ára drengur í 24. aðgerðina
Stofnaður hefur verið söfnunarr-
reikningur í nafni Arons Freys
Elmers, átta ára drengs sem fædd-
ist með hjartagalla og hefur þegar
farið í 23 aðgerðir, 15 í Boston í
Bandaríkjunum og sjö í Reykjavík.
Á Facebooksíðu söfnunarinnar
segir að Aron Freyr sé með flókið
afbrigði af „Fernu Fallots“ og í apríl
mun hann gangast undir sext-
ándu aðgerðina sína í Boston þar
sem hann mun dvelja í um tvær
vikur ásamt móður sinni, Kolbrúnu
Lukku Guðbjörnsdóttur, og ömmu.
„Styrktarsjóðurinn gengur út
á að safna fé fyrir gistingu sem
búið er að panta á gistiheimili
nálægt barnaspítalanum sem Aron
mun vera á í tvær vikur, sem og
uppihaldi (mat og öðru eins). Móðir
Arons má velja sér einn einstakling
til að fara með sér og Aroni. Af til-
finningalegum ástæðum hefur hún
valið móður sína sem hefur verið
henni til halds og trausts í gegnum
þrautagöngu Arons,“ skrifar Elvar
Másson, kærasti móður Arons.
Staðfest hefur verið að Aron og
fylgdarfólk fara til Boston þann 23.
apríl og aðgerðin sjálf verður fram-
kvæmd 25. apríl. Þeim sem vilja
leggja þeim lið er bent á söfunar-
reikninginn 0526-14-402805 en
kennitala Arons er 111105-2510. -eh
Aron Freyr Elmers hefur farið í 23
aðgerðir, 15 í Bandaríkjunum og 7
í Reykjavík, og er á leið í enn eina
aðgerð í apríl.
Ljósmynd/úr einkasafni
2 fréttir Helgin 28. febrúar - 2. mars 2014