Sveitarstjórnarmál - 01.06.1995, Page 6

RÍKISSTJÓRN
fyrir bættri afkomu heimilanna í landinu. Áhersla verður
lögð á samheldni þjóðarinnar, samvinnu vinnuveitenda
og launþega, dreifbýlis og þéttbýlis. Efnahagslegur stöð-
ugleiki og jafnvægi í ríkisfjármálum eru forsenda fram-
fara, lágra vaxta, öflugs atvinnulífs og atvinnuöryggis.“
Viöræöur viö sveitarfélög um alvarlegan
hallarekstur þeirra
Meginmarkmið stjórnarinnar er að viðhalda stöðug-
leika í efnahagsmálum og skapa skilyrði fyrir hagvöxt,
að ná jafnvægi í rrkisfjármálum og stefnt verður að meiri
hagkvæmni við opinberar framkvæmdir. Kannað verður
hvort lífeyrissjóðir geti leyst af hólmi einstaka þætti al-
mannatryggingakerfisins. „Teknar verða upp viðræður
við sveitarfélög um alvarlegan hallarekstur þeirra og
leiðir til að bregðast við þeim vanda,“ stendur þar.
Auöíindir sjávar sameign
Stefnt verður að því að festa í stjómarskrá ákvæði um
að auðlindir sjávar séu sameign íslensku þjóðarinnar og
að stjóm fískveiða og rétti til að veiða skuli skipað með
lögum. Stutt verður átak í útflutningi landbúnaðarafurða,
sérstaklega á grundvelli nýrra laga um vöruþróun og
markaðssókn sem byggist á hreinleika og hollustu afurð-
anna. Stuðlað verður að bættri ferðaþjónustu er falli vel
að umhverfissjónarmiðum. Áhersla verður lögð á að Is-
land hafi ímynd hreinleika og umhverfisvemdar. Unnið
verður að gróðurvernd og landgræðslu með það að
markmiði að stöðva landeyðingu.
Unniö aö erlendri fjárfestingu
Pá er það meðal markmiða hinnar nýju stjómar að
vinna að erlendri fjárfestingu í atvinnulífinu og að utan-
ríkisþjónustan leggi meiri áherslu á að kynna möguleika
erlendra fjárfesta hérlendis. Unnið verður áfram að und-
irbúningi orkufreks iðnaðar.
Forvarnastarf í heilbrigöismálum
Sérstök áhersla verður lögð á þátt forvarna- og
fræðslustarfs í heilbrigðismálum og stuðlað að vexti
íþrótta- og æskulýðsstarfs með hag fjölskyldunnar að
leiðarljósi.
Efling þjónustukjarna
Efla á byggð í landinu með traustum og góðum sam-
göngum þannig að gæði landsins og aðrar auðlindir til
lands og sjávar nýtist með hagkvæmum hætti. Með
verkefnaflutningi frá ríki til sveitarfélaga og ákvörðun
um staðarval opinberra stofnana verður stuðlað að efl-
ingu þjónustukjama. Unnið verður að lækkun húshitun-
arkostnaðar. Starfsemi og skipulag Byggðastofnunar,
Atvinnuleysistryggingasjóðs og atvinnuráðgjafa verður
tekið til endurskoðunar í því skyni að þessir aðilar geti í
sameiningu stuðlað að sókn og uppbyggingu atvinnulífs
um land allt.
Á haustþingi verður lögð fram verkefnaskrá fyrir ein-
stök ráðuneyti þar sem nánari grein verður gerð fyrir
þeim verkefnum sem ríkisstjómin hyggst ljúka á kjör-
tímabilinu.
Páll Pétursson félagsmálaráðherra
Hinn nýi félagsmálaráðherra, Páll Pétursson, er fædd-
ur á Höllustöðum í Blöndudal í Austur-Húnavatnssýslu
17. mars 1937. Foreldrar hans voru Hulda Pálsdóttir
húsfreyja og Pétur Pétursson, bóndi og hreppstjóri á
Höllustöðum.
Páll lauk stúdentsprófi frá Menntaskólanum á Akur-
eyri 1957 en hefur verið bóndi á Höllustöðum frá 1957.
Páll átti sæti í hreppsnefnd Svínavatnshrepps
1970-1974, var varaformaður Búnaðarsambands A-
Húnvetninga 1973 til 1977, fulltrúi A-Húnvetninga á
fundum Stéttarsambands bænda 1973 til 1977, formaður
Veiðifélags Auðkúluheiðar 1972 til 1977, átti sæti í
stjórn veiðifélagsins Blöndu 1977 til 1988 og hesta-
mannafélagsins Óðins 1957 til 1980. Formaður Hrossa-
ræktarsambands A-Húnvetninga var hann 1960 til 1980
og Hrossaræktarsambands íslands 1974 og 1980. For-
maður Karlakórs Bólstaðarhlíðarhrepps var hann um
árabil.
Páll átti sæti í stjóm Félags ungra framsóknarmanna í
Austur-Húnavatnssýslu 1958-1969, þar af sem formað-
ur frá 1963, og í stjóm Kjördæmissambands framsókn-
armanna í Norðurlandskjördæmi vestra 1962-1972.
Hann hefur verið alþingismaður fyrir Framsóknarflokk-
inn í því kjördæmi frá 1974. Hann var formaður þing-
flokks framsóknarmanna 1980-1994 og hefur setið í
framkvæmdastjóm Framsóknarflokksins frá 1989.
68