Sveitarstjórnarmál - 01.06.1995, Blaðsíða 45

ATVINNUMÁL
festu þá eiga aðilar vinnumarkaðar-
ins að geta komið á einn stað til að
fá upplýsingar, ráðgjöf og þjónustu
varðandi atvinnumál.
Það er því nauðsynlegt að skapa
samstöðu um þessa nýju skrifstofu
og auka þannig möguleikana að vel
til takist. Skrifstofa þessi framkallar
ekki ein nein kraftaverk en ljóst er
að miklar væntingar eru til hennar
og margir vildu sjá árangur í gær.
Nú þegar eru verkefnin orðin um 50
talsins sem borist hafa skrifstofunni
á einn eða annan hátt. Sýnir það
okkur þörfina fyrir einn stað þar
sem aðilar geta fengið ráðgjöf og
eða aðra þjónustu.
En við verðum að láta staðreyndir
tala. I slíkum málum sem atvinnu-
uppbygging og nýsköpun er þarf að
ganga eitt skref í einu og reyna að
tryggja sem best framhaldið. Það er
sagt að góðir hlutir gerist á löngum
tíma og verðum við að minnast þess
í þeim verkefnum er við vinnum að
hverju sinni.
Ef hugað er að fortíðinni, en hana
verðum við sífellt að skoða til þess
að geta lært af mistökum sem gerð
hafa verið og þeim framförum sem
vel hefur tekist til með, þá ein-
kenndist hún ef til vill meira af
ýmsum einyrkjabúskap þar sem
markmiðin voru góð en starfs- og
valdsvið voru ekki skilgreind nógu
vel. Boðleiðir til sveitarfélaganna
voru ekki nógu vel skilgreindar,
þannig að áherslur sem sveitar-
stjómarmenn settu sér komust ekki
nægilega vel til skila í þeim mark-
miðum sem þeir voru að vinna að
fyrir sveitarfélagið í atvinnumálum.
Eitt fyrsta verkefni markaðs- og
atvinnumálanefndar Keflavíkur,
Njarðvíkur og Hafna var að senda
tillögur til bæjarstjómar um starfs-
svið nefndarinnar, en bæjarstjórn
óskaði þess sama af öllum nefndum
á vegum sveitarfélagsins. Þar vom
sett fram skýr starfssvið og skipurit
yfir hvaða verkefnum skrifstofan
ætti að vinna að fyrir hið nýja sveit-
arfélag. Þær tillögur vom samþykkt-
ar með smávægilegum breytingum.
Með þeirri samkeppni sem orðin
er um bæði innlenda sem erlenda
fjárfesta þá verður að skapa þannig
aðstöðu í sveitarfélaginu að þeir geti
leitað á einn stað og fengið þær
upplýsingar sem þeir þurfa og/eða
ef upplýsingamar em ekki til þá sé
hægt frá einum stað að afla þeirra.
Skapa þarf aðstöðu þar sem hægt er
að sækja á markaðinn, kynna sveit-
arfélagið og það sem þar er að bjóða
og fá hingað aðila til að fjárfesta,
bæði innlenda sem erlenda, í at-
vinnulífinu.
Markmiöió
Við eigum ekki að bíða eftir verk-
efnunum heldur sækja þau þar sem
þess er kostur og vera sífellt vak-
andi eftir tækifærum sem nýta
mætti. Fjölga þarf minni og meðal- i
stórum fyrirtækjum á svæðinu sem
stuðlar að fjölgun atvinnutækifæra.
Tryggja verður gmnn traustra fyrir-
tækja sem eru í rekstri á svæðinu.
Örva þarf nýsköpun og þróun af
öllu tagi með fmmkvæði hins nýja
sveitarfélags í samstarfi við aðila
vinnumarkaðarins. Til þess að nálg-
ast þetta markmið þarf að nýta
framúrskarandi aðstöðu svæðisins.
Þar má nefna mikið landrými, frá-
bærar samgönguleiðir til markaða
innan lands sem utan, mikla varma-
orku, blómlegt menningarlíf, vel
menntað vinnuafl, mikla möguleika
í ferðaþjónustu, nálægð við fiski-
miðin og þekkingu í sjávarútvegi.
Með þessi markmið í huga er
hægt að tryggja frekar hér á svæð-
inu atvinnu til framtíðar fyrir alla þá
sem eru í atvinnuleit. Öryggi fjöl-
skyldunnar er í húfi þegar atvinna er
annars vegar. Þess vegna þarf að
beita sér fyrir því að vinna skipu-
lega að því að ná þessum markmið-
um og reyna að tryggja hagsmuni
allra bæjarbúa til framtíðar.
Forskot og framúrskarandi að-
stæður hafa ávallt í sögunni verið
þessu svæði til framdráttar. Má þar
nefna til dæmis að á þessu svæði
var einn af aðalverslunarstöðum
landsins við upphaf verslunar á Is-
landi, sjávarútvegur hefur verið
stundaður hér frá aldaöðli, við stað-
arval millilandaflugvallar varð þetta
svæði fyrir valinu vegna bestu skil-
yrða og loks er hér eitt best setta og
tæknivæddasta varmaorkuver á Is-
landi, þótt víðar væri leitað. Ef okk-
ur tekst að halda þessu forskoti með
því að nýta þessar aðstæður þá er
meiri möguleiki að tryggja þar með
atvinnu.
Friðjón Einarsson
framkvæmdastjóri
Markaðs- og atvinnu-
málaskrifstofu Keflavík-
ur-Njarðvíkur-Hafna
—^ Friðjón Ein-
arsson hefur
p verið ráðinn
framkvæmda-
[l JjÍJ stjóri Markaðs-
og atvinnumála-
skrifstofu Kefla-
^víkur-Njarðvík-
ur-Hafna.
Hann er fæddur 1. nóvember
1956 á ísafirði og eru foreldrar
hans Herdís E. Jónsdóttir húsfreyja
og Einar B. Ingvarsson, fyrrv. úti-
bússtjóri Landsbanka íslands á ísa-
firði og aðstoðarmaður sjávarút-
vegsráðherra.
Friðjón lauk stúdentsprófi frá
Menntaskólanum við Tjömina árið
1976, kennarapróft frá Kennarahá-
skóla Islands 1982 og master-gráðu
í Human resource management frá
Salve Regina University árið 1994.
Hann var skíðakennari og þjálf-
ari í Noregi árin 1976 til 1980,
kennari og forstöðumaður félags-
miðstöðvar í Garðabæ 1982-1985,
vaktstjóri hjá Arnarflugi hf. í
Reykjavík 1985-1987 og stöðvar-
stjóri fyrir Grönlandsfly í Keflavík
1987-1992.
Eiginkona Friðjóns er Sólveig
Guðmundsdóttir námsmaður og
eiga þau tvær dætur og tvær fóstur-
dætur.
1 07