Sveitarstjórnarmál - 01.06.1995, Qupperneq 56

UMHVERFISMAL
Sorpstöð Rangárvallasýslu bs.
Guðmundur Ingi Gunnlaugsson, sveitarstjóri Rangárvallahrepps
ogformaður stjórnar Sorpstöðvar Rangárvallasýslu hs.
Síðla árs 1990 komu saman sveit-
arstjórnarmenn frá Rangárvalla-
hreppi og Hvolhreppi í Rangárvalla-
sýslu og ræddu nauðsyn þess að
koma sorpförgunarmálum þessara
sveitarfélaga í betra horf en þá var.
Ahugi var fyrir því hjá sveitarstjóm-
unum að hafa samvinnu um úrlausn
í málaflokknum.
Valin var sameiginleg undimefnd
frá báðum hreppunum til þess að
leita að heppilegu landi fyrir mót-
töku, flokkun og urðun. Fulltrúar
Hvolhrepps töldu að lítið eða ekkert
land fyndist innan marka þess sveit-
arfélags fyrir þessa starfsemi og
varð úr eftir samráð við fagmenn á
þessu sviði að velja starfseminni
stað í landi jarðarinnar Strandar á
Rangárvöllum sem er í eigu Rangár-
vallahrepps.
Þegar hér var komið sögu í byrjun
árs 1991 var ákveðið að stækka
hópinn og var aðildarsveitarfélögum
héraðsnefndar Rangárvallasýslu (þá
11) boðið að taka þátt í stofnun
byggðasamlags um sorphirðu og
sorpförgun fyrir alla sýsluna. Á veg-
um héraðsnefndarinnar var myndað-
ur vinnuhópur sem fékk það hlut-
verk að sækja um starfsleyfi að
Strönd og undirbúa að öðru leyti
stofnun byggðasamlags um málefn-
ið. í ágúst 1991 var gefið út starfs-
leyfi fyrir móttöku, flokkun og tak-
markaða urðun á sorpi að Strönd.
Byggöasamlag stofnaö
Eftir að starfsleyfið var fengið var
settur kraftur í að koma á byggða-
samlagi um þetta verkefni. Farið var
mjög vandlega yfir alla möguleika í
þessu verkefni af hálfu vinnuhópa
sem héraðsnefndin myndaði. Svo
fór að undirbúningur og umræða
dróst nokkuð á langinn og það var
ekki fyrr en árið 1993 sem tókst að
ná samstöðu sjö sveitarfélaga af tíu,
sem þá voru orðin í sýslunni, um
stofnun byggðasamlagsins. Helsti
þrándur í götu í undirbúningi að
starfseminni var mikill kostnaðar-
auki frá því sem áður var.
Byggðasamlagið Sorpstöð Rang-
árvallasýslu bs. var stofnað þann 27.
maí 1993 að Gunnarshólma í Aust-
ur-Landeyjahreppi. Það er í eigu sjö
sveitarfélaga. Þau eru Austur- Land-
eyjahreppur, Vestur-Landeyja-
hreppur, Hvolhreppur, Rangárvalla-
hreppur, Djúpárhreppur, Holta- og
Landsveit og Ásahreppur. Sorpstöð
Rangárvallasýslu bs. á aðild að
Sorpstöð Suðurlands sem rekur
urðunarstöð að Kirkjuferjuhjálegu í
Ölfushreppi
Starfssvæöiö aö Strönd
Bygging starfssvæðisins að
Strönd í Rangárvallahreppi var boð-
in út síðla árs 1993 og hófust fram-
kvæmdir í ársbyrjun 1994. Skipu-
lagsstofan Heiði í Rangárvalla-
hreppi gerði aðal- og deiliskipulag
yfir svæðið og verkfræðistofan
Hönnun hf. hannaði urðunargryfjur,
frárennslis- og hreinsikerfi og vann
aðra verkfræðivinnu við fram-
kvæmdina og annaðist eftirlit með
verktökum.
Sorphirða og rekstur starfssvæðis-
ins að Strönd var sömuleiðis boðinn
út í árslok 1993. Mörg fyrirtæki
buðu í verkefnið, bæði af Suður-
landi og höfuðborgarsvæðinu.
Lægstbjóðandi var Gámastöðin hf. í
Reykjavík og var gerður samningur
til fimm ára við það fyrirtæki um
reksturinn. Gámastöðin hf. hóf
starfsemi sína í sýslunni 1. mars
1994. Rekstur starfssvæðisins að
Strönd hófst 25. maí 1994 eftir
formlega opnunarathöfn.
Að Strönd er alhliða móttöku- og
flokkunarstöð fyrir hvers konar úr-
gang auk takmarkaðrar urðunar á
vissum tegundum úrgangs svo sem
sláturúrgangs.
Á starfssvæðinu í Rangárvalla-
sýslu eru u.þ.b. 35 gámavellir og
þar af nokkrir „aðalgámavellir“ sem
svo eru nefndir. Á minni gámavöll-
um er venjulega einn gámur sem
einkum er ætlaður fyrir heimilis-
sorp. Losað er úr þeim gámum hjá
Sorpstöð Suðurlands. Á stærri
gámavöllum er reiknað með að
verði fleiri gámar og að notendur
flokki í þá sorp þannig að sumt
verði hæft til meðferðar á starfs-
svæði SR að Strönd og annað fari til
Sorpstöðvar Suðurlands.
1 1 8