Morgunblaðið - 10.11.2011, Blaðsíða 16
16 FRÉTTIRInnlent
MORGUNBLAÐIÐ FIMMTUDAGUR 10. NÓVEMBER 2011
Morgunblaðið/Eggert
Harpa Stjórnendum líst illa á að ráðast núna í endurfjármögnun.
Sambankalánið sem tekið var til að
ljúka við byggingu Hörpu var til 35
ára en með því að endurfjármagna
lánið á að freista þess að fá hag-
stæðari kjör. Vaxtakjörin, sem eru
breytileg, þykja góð eins og stendur
en þau versna í áföngum fram til
ársins 2014. Þegar um svo háa upp-
hæð er að tefla munar um hvern
aukastaf í prósentustigi.
Af minnisblaði sem lagt var fyrir
borgarráð í liðinni viku er greinilegt
að stjórnendum Austurhafnar-TR
líst illa á að ráðast í endur-
fjármögnun við núverandi aðstæður.
Úr óverðtryggðu í verðtryggt
Í minnisblaðinu kemur m.a. fram
að til 15. febrúar nk. verður samb-
ankalánið óverðtryggt og vextir
miðast við REIBOR-vexti með til-
teknu álagi. Lánið verði mjög hag-
stætt fyrir verkefnið næstu mánuði
því það er óverðtryggt en verðbólga
er töluverð. Framlag ríkis og borgar
er á hinn bóginn verðtryggt miðað
við neysluverðsvísitölu.
Frá 15. febrúar 2012 verður
sambankalánið verðtryggt og gætu
vextir orðið um 3,5%, miðað við
ávöxtunarkröfu í skuldabréfaflokki
fyrir verðtryggð húsnæðisbréf, og
mánaðarlegar greiðslur af láninu 70
milljónir. Miðað við verðbólguspá
yrði framlag ríkis og borgar um 81
milljón króna á mánuði. Því yrði 11
milljóna afgangur af framlaginu
þegar greitt hefur verið af láninu.
Frá og með 16. febrúar 2014
hækkar álagið og vextir gætu þá
orðið 3,65% og mánaðarlegar
greiðslur 71,5 milljónir en framlag
ríkis yrði 81 milljón.
Í minnisblaðinu segir að ef það
yrði gert upp þá þyrfti fjárhæð út-
gáfunnar að vera um 18,3 milljarðar.
Ef sama ávöxtunarkrafa yrði og í
nóvember 2011 þá yrðu eftirstöðvar
framlags ríkis og borgar um 13
milljónir á ári þegar greitt hefur
verið af lánum eða um ein milljón á
mánuði. Þá má lítið bera út af til að
framlagið dugi ekki fyrir lánunum
og það tæki langan tíma að safna
fyrir þeim framkvæmdum sem enn
eru eftir og taldar eru kosta um 130
milljónir.
Í minnisblaðinu segir að ávinn-
ingur af því að vera áfram með
sambankalánið og fá eigendalán sé
um 72 milljónir króna á ári, ef gert
er ráð fyrir 2,6% verðbólgu.
Munar um aukastafi í prósenti
Sambankalán Hörpu var til 35 ára en það á að endurfjármagna fljótlega
Kjörin þykja góð nú en þau breytast og versna eftir áramót og aftur 2014
BAKSVIÐ
Rúnar Pálmason
runarp@mbl.is
Viðræður við svissneska fjárfest-
ingafélagið World Leisure Invest-
ment um að byggja lúxushótel við
hlið Hörpu ganga vel og er stefnt að
því að skrifa undir samning fyrir
áramót, að sögn Péturs J. Eiríksson-
ar, starfandi stjórnarformanns Sit-
usar, en það félag fer m.a. með lóða-
réttindi í nágrenni Hörpu. „Það er
góður gangur í viðræðunum,“ segir
Pétur en næsti fundur með sviss-
neska félaginu, sem á sér þýskt móð-
urfélag, er í dag.
Samkvæmt upplýsingum Morgun-
blaðsins er nú stefnt að því að reisa
fimm stjörnu hótel með rúmlega 260
herbergjum sem yrði rekið undir
merkjum Marriott-hótelkeðjunnar.
Lóðin var boðin út fyrr á þessu ári
og átti World Leisure Investment
hagstæðasta tilboðið í lóðina, 1,8
milljarða króna. Meðbjóðandi var ís-
lenska verkfræðistofan Efla.
Verði ritað undir samninga um
áramót er talið að hvers kyns papp-
írsvinna, vinna við teikningar og
fleira taki um hálft ár. Hægt yrði að
byrja á framkvæmdum á næsta ári
en miðað er við að hótelið verði opn-
að vorið 2015. „Það er best að opna
hótel að vori,“ segir Pétur.
Allt fjármagn til byggingar hótels-
ins kæmi frá svissneska félaginu sem
myndi eiga hótelið. Situs kæmi
hvergi nærri eignarhaldi eða rekstri
hótelsins.
Eigandi bílastæðahússins er félag
Totusar, fasteignafélags Hörpu, sem
á 420 stæði. Eftir að framkvæmdir
hófust keypti Bílastæðasjóður
Reykjavíkur 105 bílastæði af Situsi
sem hélt eftir 20 stæðum. Þessir að-
ilar mynduðu síðan samlagshluta-
félag um sinn eignarhlut og buðu síð-
an reksturinn á bílahúsinu út.
Kostnaður við bílahúsið var í mars sl.
metinn á 2,9 milljarða, þar af var
hlutur Totusar tæplega 2,3 milljarð-
ar og er sú upphæð inni í heildar-
kostnaði við byggingu Hörpu. Verði
tap á bílastæðahúsinu kemur það
fram sem tap hjá Stæðum og síðan
hjá eigendum.
Ódýrt að leggja í borginni
Höskuldur Ásgeirsson, fram-
kvæmdastóri Totusar og Ago, segir
að tilteknir tæknilegir byrjunarörð-
ugleikar í september, þegar byrjað
var að taka gjald fyrir bílastæðin í
Hörpu, hafi leitt til þess að minni
tekjur skiluðu sér í kassann en ella
hefði orðið. Ekki lægi fyrir uppgjör
fyrir október og of snemmt væri að
segja til um hvort reksturinn væri á
áætlun. Sé miðað við 35 ára endur-
greiðslutíma muni reksturinn standa
undir sér.
„En eins og staðan er í dag varð-
andi þær upphæðir sem almennt eru
greiddar fyrir bílastæði í Reykjavík,
þá eru þær mun lægri en gengur og
gerist í sambærilegum borgum í ná-
grannalöndunum,“ segir hann. „Það
er alveg ljóst að það er ekki mikil
arðsemi í því að reisa bílastæðahús
og reka það með núverandi gjald-
skrá Bílastæðasjóðs Reykjavíkur.
Þess vegna erum við með hærri
gjöld í bílahúsi Hörpu og við teljum
að til lengri tíma getum við náð þess-
ari fjárfestingu til baka. En við telj-
um að Reykjavík þurfi að hækka sín
bílastæðagjöld, sem hafa verið nán-
ast óbreytt síðustu tíu árin.“ Rekstur
bílastæðahússins í Hörpu velti þó
ekki á að Reykjavík hækki sín gjöld.
Telja hótel handan við hornið
Viðræður við svissneskt félag um að reisa 260 herbergja Marriott-hótel við hlið Hörpu ganga vel
Stefnt að samningi fyrir áramót Tap á bílastæðahúsi sem keppir við ódýrari hús í nágrenninu
Morgunblaðið/Golli
Bílastæðin Ekki er beint hægt að segja að það sé ódýrt að leggja bílum í bílastæðakjallara Hörpunnar, í samanburði við önnur bílastæðahús í borginni.
Morgunblaðið/RAX
Gisting Hótel við hlið Hörpu er talið verða lyftistöng fyrir ráðstefnuhald.
Skipulag félaga sem fara með eign-
arhald og rekstur á Hörpu, bíla-
stæðahúsinu og nærliggjandi lóðum
er nokkuð flókið, en alls koma
a.m.k. átta félög við sögu.
Til stendur að einfalda stjórnar-
fyrirkomulagið og á Alþingi í fyrra-
vetur kom fram að ný eigenda-
stefna þar sem skipulagið yrði
einfaldað yrði lögð fram nú í vor.
Það gekk ekki eftir en í október sl.
sagði Svandís Svavarsdóttir, starf-
andi menntamálaráðherra, að verið
væri að leggja lokhönd á drög að
nýrri eigendastefnu. Enn bólar þó
ekki á nýju stefnunni.
„Lokahöndin, hún er oft lengi að
verki,“ sagði Katrín Jakobsdóttir
menntamálaráðherra, sem kom úr
leyfi í liðinni viku, í samtali við
Morgunblaðið. Málið væri nokkuð
flókið en það er unnið í samstarfi
þriggja ráðuneyta; menntamála-,
fjármála- og utanríkisráðuneytis og
borgarinnar.
Tvö verða lögð niður
Í sem stystu máli þá fer Austur-
höfn-TR með öll réttindi og skyldur
sem lóðunum og mannvirkjum
tengjast en síðan er verkum skipt
milli dótturfélaganna Portusar
(Harpa) og Situsar (önnur mann-
virki og lóðaréttindi). Portus á tvö
dótturfélög, þ.e. Totus og Ago. Si-
tus á einnig tvö dótturfélög, Hospes
og Custos en í þeim er reyndar eng-
in starfsemi og þau á að leggja nið-
ur á þessu ári.
Þessi félagaskipan er arfur frá
þeim sem áður áttu Hörpu.
Meðal þeirra sem hafa furðað sig
á því að starfseminni þurfi að
skipta á milli svo margra félaga er
Mörður Árnason þingmaður. Í svari
menntmálaráðherra við fyrirspurn
Marðar frá því í fyrravetur kom
m.a. fram að vegna fyrirkomulags
á greiðslu virðisaukaskatts á leigu-
gjaldi hússins þurfi að halda þeirri
starfsemi sem greiðir leigu að-
greindri frá almennum rekstri
hússins. Því þurfi Portus að deila
starfsemi sinni á tvö dótturfélög;
Ago og Totus.
Þegar ríki og Reykjavíkurborg
tóku yfir verkefnið var ákveðið að
Austurhöfn myndi kaupa Portus og
Situs. Í svari menntamálaráðherra
kemur fram að það hafi þótt rétt að
aðgreina Hörpu frá uppbyggingu á
öðrum reitum og því var fé-
lagaskipaninni haldið óbreyttri.
Hér hafa verið talin upp sjö félög
sem tengjast Hörpu með einum eða
öðrum hætti. Er þá ótalið greiðslu-
miðlunarfyrirtækið Hringur sem er
í eigu Totusar, fasteignafélags
Hörpu. Í svari ráðherrans kemur
fram að það hafi verið stofnað að
kröfu bankanna sem veittu sam-
bankalánið og hefur ekki annað
hlutverk en að taka við framlagi
ríkis og borgar og borga af láninu.
Skipt á milli sjö félaga
og það áttunda greiðir
Í Morgunblaðinu í gær kom fram
að fasteignamat Hörpu væri
27,7 milljarðar, miðað við bygg-
ingaverðmæti. Þetta var ekki
rétt. Þjóðskrá miðar við kostn-
aðarmat en það er markaðs-
leiðrétt eins og mat flestra ann-
arra menningarhúsa á Íslandi,
eins og segir í athugasemd:
„Miðað var við að bygging-
arkostnaður væri 27 milljarðar
eins og fram hafði komið op-
inberlega. Reiknast matið 19,7
milljarðar (71% af 27,7 millj-
örðum) miðað við að húsið sé
fullbúið, en þar sem nokkur frá-
gangur var eftir þegar matið var
gert var það ákvarðað 17 millj-
arðar. Þegar athugasemd barst
frá Totusi ehf. við upphæð fast-
eignamats óskaði Þjóðskrá Ís-
lands eftir frekari upplýsingum
um byggingarkostnað en við
þeim óskum var ekki orðið,“
segir í athugasemd Þjóðskrár.
Matið er 71%
af kostnaði
MARKAÐSLEIÐRÉTT
200
krónur fyrsta klst. ½ dagur 650 kr.
11.000
krónur fyrir dagjald (8-18) á mánuði
‹ BÍLAHÚS HÖRPU ›
»
80
krónur fyrir fyrstu klst., síðan 50 kr.
4.000-10.600
sólarhringsgjald á mánuði
‹ BÍLAHÚS BORGARINNAR ›
»