Morgunblaðið - 17.12.2011, Side 37

FRÉTTIR 37Erlent
MORGUNBLAÐIÐ LAUGARDAGUR 17. DESEMBER 2011
Ármúla 38 | Sími 588 5011
IZUMI „Spirit and Beauty“
My spirit is feisty
and beautiful
Verð frá kr. 1990.-
Kimmidoll
á Íslandi
Bogi Þór Arason
bogi@mbl.is
Stuðningurinn við Vladímír Pútín,
forsætisráðherra Rússlands, hefur
aldrei verið minni en nú eftir þing-
kosningarnar 4. þessa mánaðar þeg-
ar flokkur hans tapaði miklu fylgi og
var sakaður um kosningasvik.
Í skoðanakönnun, sem gerð var
10.-11. desember, kvaðst 51 af
hundraði vera ánægður með störf
Pútíns, um tíu prósentustigum færri
en í sams konar könnun í lok nóv-
ember. Aðeins 42% þátttakendanna í
könnuninni sögðust ætla að kjósa
Pútín í forsetakosningunum sem
fram fara í mars. Hann þarf að fá
meirihluta atkvæða til að ná kjöri og
takist honum það ekki þarf að kjósa
aftur á milli tveggja fylgismestu
frambjóðendanna. Fari svo yrði það
mikið áfall fyrir Pútín sem fékk rúm
70% atkvæðanna í forsetakosningun-
um árið 2004.
Enn er þó talið nánast öruggt að
Pútín fari með sigur af hólmi í kosn-
ingunum þar sem næstvinsælasti
frambjóðandinn, Gennadí Zjúganov,
leiðtogi Kommúnistaflokksins, er að-
eins með 11% fylgi.
Í annarri könnun, sem birt var í
gær, sögðust 44% treysta Pútín. Í
sams konar könnun árið 2008 sögð-
ust 70% bera traust til hans.
Vill kæfa þá með faðmlagi
Pútín svaraði spurningum lands-
manna í beinni útsendingu í fjórar og
hálfa klukkustund í árlegum sjón-
varpsþætti í fyrrakvöld. Forsætis-
ráðherrann léði máls á lýðræðisum-
bótum, sagði að til að mynda kæmi til
greina að auka völd héraðanna og
heimila smáflokkum að taka þátt í
þingkosningum.
Pútín kvaðst hafa glaðst þegar
hann hefði séð mótmælin og sagði
þau til marks um að stjórninni hefði
tekist að treysta lýðræðið í sessi.
Hann gagnrýndi þó mótmælin og
sagði þau runnin undan rifjum vest-
rænna ríkja. „Ég veit að ungu fólki
var borgað fyrir að mótmæla,“ sagði
hann.
Forsætisráðherrann hæddist
einnig að mótmælendum, kvaðst
hafa haldið að hvítir borðar sem þeir
báru væru smokkar.
Rússneska viðskiptadagblaðið
Vedomosti sagði í forystugrein að
framganga Pútíns í sjónvarpsþætt-
inum væri til marks um að hann væri
úr tengslum við almenning. „Stíll
hans virtist gamaldags og brandar-
arnir voru ekki fyndnir,“ sagði blað-
ið.
Blaðið Moskovskí Komsomolets
sagði að ekkert væri að marka orð
Pútíns um að hann léði máls á um-
bótum, þau væru aðeins brella.
„Leiðtoginn vonast til þess að geta
leikið á andstæðinga sína og kæft þá
með faðmlagi,“ sagði blaðið í forystu-
grein.
Rússnesk vefútgáfa tímaritsins
Forbes tók í sama streng. „Hann veit
ekki enn hvort hann á að herða tökin,
eða láta líta út fyrir að hann lini þau.“
Fylgi Pútíns snarminnkar
Reuters
Notar Pútín bótox?
Orðrómur hefur verið á kreiki í Rússlandi um að Vladímír Pútín hafi farið í
fegrunaraðgerð fyrr á árinu og notað bótox til að slétta hrukkur. Gárungar
segja að hann hafi látið yngja upp andlitið til að svara þeirri fullyrðingu
andstæðinga hans að þörf sé á nýjum andlitum í rússnesk stjórnmál.
 Ný könnun bendir til þess að Pútín nái ekki kjöri í fyrstu umferð forseta-
kosninga  Ýjar að umbótum en andstæðingar hans segja það blekkingu
Embættismenn Öryggis- og sam-
vinnustofnunar Evrópu (ÖSE) sögð-
ust í gær hafa miklar áhyggjur af
morðinu á rússneska rannsóknar-
blaðamanninum Khadzimurad
Kamalov sem var skotinn til bana í
Kákasushéraðinu Dagestan.
Kamalov var einkum þekktur fyr-
ir gagnýni sína á yfirvöld í Dagest-
an og rannsakaði mál manna sem
hafa horfið sporlaust og talið er að
glæpasamtök hafi myrt. Hann
stofnaði vikublaðið Tsjernovik og
útgáfufyrirtæki þess Svoboda
Slova (Málfrelsi). Blaðið hefur verið
gefið út frá árinu 2003.
Óþekktur byssumaður skaut Ka-
malov til bana þegar hann gekk út
úr skrifstofu útgáfufyrirtækisins á
miðnætti að staðartíma í fyrrinótt.
Embættismaður ÖSE, Dunja Mij-
atovic, kvaðst vona að rússnesk
yfirvöld myndu ekki aðeins rann-
saka morðið og draga morðingjann
fyrir rétt, heldur einnig gera ráð-
stafanir til þess að tryggja öryggi
blaðamanna í Kákasushéruðunum.
Fjórir blaðamenn hafa verið
myrtir í Dagestan á árinu og 40 frá
árinu 2000.
Yfirvöld hvött til að tryggja öryggi blaðamanna
RANNSÓKNARBLAÐAMAÐUR, SEM HAFÐI GAGNRÝNT YFIRVÖLD, MYRTUR Í DAGESTAN
Norska lögreglan hefði komist 16
mínútum fyrr í Útey til að stöðva
fjöldamorðin þar 22. júlí ef ekki
hefðu komið upp ýmis vandamál,
meðal annars í fjarskiptum, að sögn
norskra fjölmiðla í gær.
Þetta mat mun koma fram í
skýrslu nefndar sem lögreglan
skipaði til að rannsaka viðbrögð
hennar við fjöldamorðunum.
Skýrslan hefur ekki verið birt en
henni var lekið í Dagbladet.
Formaður nefndarinnar, Olav
Sønderland, einn æðsti maður lög-
reglunnar, sagði á blaðamanna-
fundi í Ósló í gær að mat nefndar-
innar væri aðeins kenning og
lögreglumenn hefðu farið á staðinn
eins fljótt og mögulegt hefði verið.
Hefði getað komist
16 mín. fyrr í Útey