Morgunblaðið - 31.12.2011, Side 26

26
MORGUNBLAÐIÐ LAUGARDAGUR 31. DESEMBER 2011
Ljósmyndir: Ragnar Axelsson
Texti: Helgi Bjarnason
Eldgos hófst í Grímsvötnum í Vatnajökli á milli klukkan 17 og 18að kvöldi laugardagsins 21. maí. Öskuhlaðinn gosmökkursteig upp í um 17 km hæð.Fyrstu dagana rigndi ösku um stóran hluta landsins. Gríð-
arlegt öskufall varð á fyrsta sólarhringnum í sveitunum frá Kirkjubæj-
arklaustri að Mýrdalssandi, að hluta til á sama svæði og fékk yfir sig
öskufall í eldgosinu í Eyjafjallajökli á árinu áður. Á öðrum sólar-
hringnum færðist gjóskufallsgeirinn meira til austurs þannig að miðja
hans lá yfir Fljótshverfi. Truflanir urðu á flugumferð.
Öskufallið og öskufok sem fylgdi var svo mikið að það varð mykur um
miðjan dag á Kirkjubæjarklaustri og í sveitunum í kring. Fólki var ráð-
lagt að halda sig innivið og þeir sem sáust úti voru flestir með rykgrímur
og öryggisgleraugu. Bændur þurftu þó að huga að skepnum sínum og
reyndu eftir megni að ná þeim inn. Sauðburður stóð yfir og var víða búið
að sleppa lambfé. Nokkrar skepnur drápust þegar þær hröktust undan
öskufjúkinu. Askan hafði mikil áhrif á daglegt líf íbúanna og vöruðu þau
í vikur og mánuði.
Björgunarsveitir og annað aðstoðarfólk fór á milli bæja þegar ösku-
fallið var sem mest til að hjálpa íbúunum og síðan tók hreinsunarstarfið
við.
Gosið var kraftmest fyrsta hálfa sólarhringinn en fljótt fór að draga
úr. Eldvirknin stóð í tæpa viku. Vísindamenn settu goslok klukkan sjö að
morgni laugardagsins 28. maí.
Myrkur um
Fréttamyndir af innlendum vettvangi
Öskufall Myrkur var á mildum vordegi á Síðu. Sverrir Valdimarsson, bóndi í Hólmi, var tepptur heima.
Eldgos í Grímsvötnum Öskuhlaðinn gosmökkur steig upp í um sautján kílómetra hæð frá eldstöðinni í Grímsvötnum á fyrsta sólarhringnum. Aska úr neðsta lagi hans olli miklum erfiðeikum hjá íbúum