Morgunblaðið - 31.12.2011, Page 34

34
MORGUNBLAÐIÐ LAUGARDAGUR 31. DESEMBER 2011
Mikill harmur var kveðinn að Norð-
mönnum 22. júlí þegar 32 ára fjöldamorð-
ingi varð alls 77 manns að bana í Ósló og
Útey. Fyrst létu átta manns lífið í
sprengjuárás í miðborg Óslóar og
69 til viðbótar þegar ódæðismaðurinn
hóf skothríð á ungmenni sem voru í
sumarbúðum ungmennahreyfingar
norska Verkamannaflokksins í Útey.
„Þegar einn maður getur sýnt af sér svo
mikið hatur, hugsið ykkur hve mikla ást
við öll getum sýnt saman,“ sagði Jens
Stoltenberg, forsætisráðherra Noregs, í
ávarpi við minningarathöfn í dómkirkj-
unni í Ósló og vitnaði til orða ungrar
stúlku í Verkamannaflokknum.
Fjöldamorðinginn var handtekinn og
réttarhöld í málinu eiga að hefjast í apríl.
Tveir réttargeðlæknar komust að þeirri
niðurstöðu í 243 síðna skýrslu í desember
að fjöldamorðinginn væri ósakhæfur
vegna ofsóknargeðklofa sem hann hefði
lengi verið haldinn. Hann lifði í eigin
heimi, haldinn mikilmennskuórum og
ranghugmyndum sem stjórnuðu öllum
hugsunum hans og gerðum.
Nefnd réttarlækna staðfesti niðurstöðu
geðlæknanna en réttað verður yfir mann-
inum þótt geðlæknarnir telji hann ósak-
hæfan. Dómstóllinn hefur lokaorðið um
sakhæfi hins ákærða og getur komist að
þeirri niðurstöðu að hann sé sakhæfur.
Norsk yfirvöld segja að ef lokaniður-
staðan verði sú að ódæðismaðurinn sé
ósakhæfur kunni hann að dvelja á geð-
sjúkrahúsi það sem eftir er ævinnar.
Fjöldamorðingi varð 77 manns að bana í Noregi
Norðmenn
harmi slegnir
Fréttamyndir af erlendum vettvangi