Morgunblaðið - 21.03.2012, Qupperneq 15

FRÉTTIR 15Innlent
MORGUNBLAÐIÐ MIÐVIKUDAGUR 21. MARS 2012
BAKSVIÐ
Baldur Arnarson
baldura@mbl.is
„Það væri vel hægt að bæta við 1.000
til 2.000 mönnum. Strax. Það er allt-
af verið að auglýsa eftir járniðn-
aðarmönnum. Það er lítið sem ekk-
ert atvinnuleysi í þeirri stétt,“ segir
Ingólfur Sverrisson, forstöðumaður
málm- og véltæknisviðs Samtaka
iðnaðarins, um horfur í greininni.
„Það starfa áreiðanlega á fimmta
þúsund manns í málmiðnaðargrein-
inni í dag. Það gætu vel tíu þúsund
manns starfað í greininni. Það eru
lítil takmörk fyrir því hvað hún get-
ur tekið við mikið af fólki, vegna
þess að mörg af okkar fyrirtækjum
eru á alþjóðamarkaði og þau komast
ekki yfir meira í dag. Það þarf að
gera ýmislegt til að slík fjölgun
starfa gangi eftir. Skólakerfið þarf
að gera sitt og svo þarf að koma til
hugarfarsbreyting, ekki síst hjá kon-
um sem hafa ekki sótt í greinina en
þær sem það hafa gert eru yfirleitt
fyrsta flokks starfsmenn.“
Vinna fyrir þá sem vilja
Ingólfur hvetur ungt fólk til að
skoða málm- og véltækniiðnaðinn.
„Ef ég væri að íhuga að læra iðn-
grein og færi að meta hvar mestu
möguleikarnir liggja myndi ég hik-
laust staldra við þessa grein. Það
vantar fólk, fagfólk, og gerði það
jafnvel í kreppunni. Ég held að það
hafi ekki verið marktækt atvinnu-
leysi í stétt járniðnaðarmanna síðan
1968,“ segir Ingólfur og bendir á að
málmiðnaður hafi aldrei lent í þeirri
lægð sem byggingariðnaðurinn gekk
í gegnum eftir efnahagshrunið.
Þvert á móti sé verkefnastaðan
góð og útlitið bjart, m.a. vegna
stækkunar álversins í Straumsvík.
„Það er sprengja á leiðinni. Þá á
ég við það sem er að gerast hjá
ÍSAL. Þar vantar urmul af fólki og
mikið af járniðnarmönnum. Þótt
stækkunin sé farin af stað er járn-
iðnaðarhlutinn á byrjunarstigi.
Verkefnin sem ÍSAL er að fara af
stað með í sumar eru umfangsmikil
og munu kalla á marga starfsmenn.
Vegna þeirra munu margir erlendir
málmiðnaðarmenn verða á landinu í
ár. Svo er fjöldi fyrirtækja að gera
það gott. Marel er því miður meira
og minna að fara með sína aukningu
til útlanda, m.a. vegna þess að hér er
ekki nógu mikið af fagmönnum sem
eru að læra þetta fag.“
Lengi vantað fólk í greinina
Guðmundur S. Sveinsson, fram-
kvæmdastjóri Héðins, tekur undir
að skortur sé á máliðnaðarmönnum.
„Það eru ekki nógu margir málm-
iðnaðarmenn. Það hefur í langan,
langan tíma vantað fólk í greinina.
Síðan keyrði um þverbak þegar upp-
gangurinn byrjaði og hingað
streymdi fjöldi málmiðnaðarmanna
frá öðrum löndum. Sumir þeirra eru
hér enn. Við erum með 130 starfs-
menn og þar af eru um 30 af erlendu
bergi brotnir. Viðbúið er að eftir-
spurnin eftir málmiðnaðarmönnum
eigi eftir að aukast. Næstu misseri
getum við sagt að það vanti þúsund
manns. Þá er ég ekki aðeins að tala
um ÍSAL. Frekari uppbygging stór-
iðju og í þungaiðnaði mun kalla á
fleiri málmiðnaðarmenn,“ segir Guð-
mundur og víkur að skólunum. „Það
eru góðir skólar á Sauðárkróki og á
Akureyri en hér á höfuðborgar-
svæðinu er þetta óskaplega þunnur
þrettándi. Það var búið að byggja
upp sterka einingu í Fjölbraut í
Breiðholti. Hún var lögð af. Í
Reykjavík er málmiðnaður aðeins
kenndur í Borgarholtsskóla. Það er
ansi takmarkað framboð. Það þarf
að gera fleirum kleift að læra járn-
smíði. Iðnskólinn í Hafnarfirði býður
upp á gott nám en mun meira þarf
að koma til,“ segir Guðmundur.
Gætu bætt við sig 20 manns
Bjarni Thoroddsen, fram-
kvæmdastjóri Framtaks-Stálsmiðju,
segir nóg að gera. „Hjá mér starfa
um 120 manns. Ég gæti vel bætt við
20 manns. Margt skýrir þessa þörf.
Á Iðnþingi Samtaka iðnaðarins fyrr
í mánuðinum kom fram að það er
margt að gerast í þjóðfélaginu sem
er ekki verið að tala um, meðal ann-
ars stækkunin hjá ÍSAL.
Það á að vinna hana alla á þessu
ári sem er nokkuð bagalegt fyrir ís-
lensku fyrirtækin því við höfum ekki
ótakmarkaða möguleika á að
stækka. Það endar með því að það
þarf að leita að starfsfólki erlendis.
Það er ekki mikið af atvinnulausum
málmiðnaðarmönnum á Íslandi.“
Inntur eftir launakjörum í stétt-
inni segir Bjarni þau sambærileg við
aðrar iðngreinar. „Íslensk málmiðn-
aðarfyrirtæki eru mjög samkeppnis-
hæf í dag vegna krónunnar, meira að
segja í samanburði við Pólverja þótt
þeir séu ódýrastir í Evrópu.“
Skortur á málmiðnaðarmönnum
Morgunblaðið/Golli
Neistaflug Málmiðnaðarmenn hjá Héðni að störfum. Mikil sóknarfæri eru í greininni á Íslandi.
 Sviðsstjóri hjá Samtökum iðnaðarins telur hægt að bæta við 1.000-2.000 störfum strax  Stækkun
hjá ÍSAL er góð búbót  Útlit fyrir að erlendir verkamenn verði fluttir til landsins til að anna eftirspurn
OPNUNARTÍMI EFNALAUG
MÁN - FÖS: 8-18 • LAU: 11-13
OPNUNARTÍMI FATALEIGA
MÁN - FÖS: 13-17 • LAU: LOKAÐ
EFNALAUG OG FATALEIGA GARÐABÆJAR | GARÐATORGI 3 | GARÐABÆ | SÍMI 565 6680 | FATALEIGA.IS
Hröð og vönduð þjónusta. Fjölskyldufyrirtæki til 27 ára.
Persónuleg þjónusta og hagstætt verð.
ALHLIÐA HREINSUN,
DÚKAÞVOTTUR OG
HEIMILISÞVOTTUR
Minnum á
fermingarfötin