Morgunblaðið - 21.03.2012, Page 36

MIÐVIKUDAGUR 21. MARS 81. DAGUR ÁRSINS 2012
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 2550
1. Anna kom óvart út úr skápnum
2. Bannaði eiginkonunni að brosa
3. Kristín Ólafs kaupir bjálkahús
4. Var ekki starfsmaður Litla-Hr…
»MEST LESIÐ Á mbl.is
FÓLK Í FRÉTTUM
 CCP frumsýnir nýjan tölvuleik sem
fyrirtækið hefur verið með í þróun í
fjögur ár, DUST 514, á upphafsdegi
Fanfest-hátíðarinnar í Hörpu á morg-
un. Almenningur og blaðamenn fá þá
í fyrsta sinn að spila leikinn.
Nýr tölvuleikur frá
CCP frumsýndur
 Í dag opnar Að-
alheiður S. Ey-
steinsdóttir
skúlptúrsýn-
inguna Bændur í
borgarferð á Ice-
landair hóteli
Reykjavík. Sýn-
ingin er sú þrítug-
asta og sjötta í
verkefninu „Réttardagur – 50 sýn-
inga röð“ sem staðið hefur yfir síðan
2008. Settar verða upp 50 sýningar
víða um heim á fimm ára tímabili.
Sýning Aðalheiðar
opnuð í dag
 Ólöf Arnalds heldur tónleika á Rós-
enberg miðvikudaginn 21. mars
næstkomandi. Snorri Helgason, sem
er nýkominn úr tónleika-
ferð í Póllandi, leikur á
undan. Ólöf hefur
staðið í ströngu við
tónleikahald víðs-
vegar um heiminn
og hefur fengið
frábæra dóma í
helstu tónlistar-
tímaritum er-
lendis.
Tónleikar með Ólöfu
Arnalds á Rósenberg
Á fimmtudag Austlæg átt, 5-13 og rigning eftir hádegi S-til en
þurrt að kalla á N-til. Hiti 1 til 7 stig.
Á föstudag SA 5-10. Rigning S- og V-lands. Hiti 4 til 9 stig.
SPÁ KL. 12.00 Í DAG Suðlæg átt, 8-15 m/s en lægir talsvert eftir
hádegi og víða hægviðri í kvöld. Skúrir eða slydduél vestanlands
fram eftir degi en annars úrkomulaust að kalla. Hiti víða 0 til 5 stig.
VEÐUR
Argentínski snillingurinn
Lionel Messi getur hrein-
lega ekki hætt að skora en
besti fótboltamaður heims
– og af mörgum talinn sá
besti frá upphafi – skoraði
þrennu í 5:3-sigri Barcelona
gegn Granada í spænsku 1.
deildinni í gær. Messi bætti
þar með 57 ára gamalt
markamet en þrátt fyrir að
vera aðeins 24 ára hefur
hann náð að skora 234
mörk fyrir félagið. »1
Messi bætti
markametið
Bjarni Fritzson var leikmaður 19. um-
ferðar í N1-deild karla í handknattleik
að mati Morgunblaðsins en Bjarni
átti flottan leik þegar Akureyringar
lögðu Íslandsmeistara FH á heima-
velli sínum í fyrrakvöld. „Eftir að við
komumst í gang höfum við verið á
góðu róli,“ segir Bjarni við Morgun-
blaðið en hann er markahæsti leik-
maður deildarinnar. »4
Bjarni valinn bestur
í 19. umferðinni
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Viðar Guðjónsson
vidar@mbl.is
„Fólk getur staðnað og vantað nýja
áskorun, vantað betri laun eða
fleiri tækifæri. Við heyrum margar
sögur af fjölskyldufeðrum sem
koma til Noregs og lifa þar ein-
földu lífi en senda peninga til Ís-
lands,“ segir Ragnhild Syvstad,
ráðgjafi hjá Eures, sem er sameig-
inleg vinnumiðlun fyrir evrópska
efnahagssvæðið.
Þetta er 10. heimsókn Ragnhild
til Íslands frá bankahruninu árið
2008. Starf hennar felst í að finna
fólk til vinnu í Noregi.
Helst er Eures að leita eftir fólki
með iðnaðar- eða tæknimenntun og
voru fyrirtækin sem kynntu starf-
semi sína á Hótel Borg í gær öll
tengd þeim geira. Vanalega hefur
Eures komið hingað til lands fyrir
tilstilli Vinnumálastofnunar en að
þessu sinni átti Eures frumkvæðið.
„Hlutverk okkar er meðal ann-
ars að gera fólki grein fyrir stöðu
sinni í nýju landi. Margir átta sig
ekki á því hvað felst í frjálsu flæði
vinnuafls,“ segir Ragnhild.
Noregur er eina landið á Evr-
ópska efnahagssvæðinu sem leitar
eftir því að ráða starfsfólk frá öðr-
um löndum. Að sögn Ragnhild er
eftirspurn eftir vinnuafli um allan
Noreg. Sérstaklega í tækni- og ol-
íuiðnaði. Til þess að halda honum
uppi þarf norskur iðnaður á sér-
menntuðu fólki að halda.
„Það er ekki endilega skortur á
ómenntuðu vinnuafli. Það er þá
frekar í þjónustugeiranum. Margir
ungir Svíar hafa til að mynda kom-
ið til Noregs til þess að starfa við
hann,“ segir Ragnhild.
Launin ekki fylgt eftirspurn
,,Ég kann ofsalega vel við mig í
Noregi. Maður er fljótur að aðlag-
ast þar. Það er öðruvísi að fara
þangað en til Frakklands eða
Þýskalands. Ég sé fram á að geta
gert mig skilj-
anlegan á tveim-
ur vikum,“ segir
rafmagnsverk-
fræðingurinn
Árni Geir Sig-
urðsson sem
starfar við hug-
búnaðargerð á
Íslandi.
Aðspurður
hvers vegna
hann sé forvitinn um starf erlendis
segir hann að laun hafi ekki fylgt
eftir eftirspurn á Íslandi. „Maður
horfir svolítið öfundaraugum á
launin í Skandinavíu. Maður þarf
að vísu að horfa á heildarpakkann
og kostnað við að lifa en þetta kem-
ur engu að síður töluvert betur út,“
segir Árni.
Norsku launin heilla marga
 Samevrópsk
vinnumiðlun kynnti
störf í Noregi
Morgunblaðið/Sigurgeir
Forvitni Margir lögðu leið sína á Hótel Borg í gær til þess að forvitnast um störf í Noregi sem þar voru kynnt. Sér-
staklega er eftirspurn eftir iðnaðar- og tæknimenntuðu fólki en störf eru í boði um allt landið.
Árni Geir
Sigurðsson
„Það er svolítið fyndið að þessi
kynning skuli fara fram á Hótel
Borg. Ég myndi áætla að mig vant-
aði svona 10-15 manns í vinnu.
Bæði í fulla vinnu og í hlutastörf,“
segir Garðar Kjartansson, eigandi
veitingarekstrarins á Hótel Borg,
þar sem starfakynning Eures fór
fram í gær.
Garðar segist hafa auglýst eftir
starfsfólki á vefsíðunni kokkar.is
fyrir tveimur vikum en einungis
fengið tvær umsóknir. „Það er ekk-
ert auðvelt að fá starfsfólk. Ég sá
fólk á kynningunni sem hefur
starfað í veitingageiranum. Ég
hefði kannski átt að fá mér borð á
kynningunni,“ segir hann kíminn.
Nokkrar framkvæmdir hafa ver-
ið innandyra á Hótel Borg að und-
anförnu. Til stendur að hefja þar
veitingarekstur að nýju.
„Hefði kannski átt að fá
mér borð á kynningunni“
VEITINGAMANN Á HÓTEL BORG VANTAR STARFSFÓLK
Íslenska kvennalandsliðið í hand-
knattleik hélt áleiðis til Sviss í morg-
un en annað kvöld mæta Íslendingar
liði Sviss í riðlakeppni Evrópumóts-
ins. Ágúst Þór Jóhannsson landsliðs-
þjálfari segir lið sitt verða að spila
agað en þjóðirnar mætast hér heima
um næstu helgi. »3
Ísland verður að vinna
Sviss í tveimur leikjum