Kjarninn - 26.06.2014, Blaðsíða 10
08/09 DómsmáL
þ
orsteinn Már Baldvinsson, forstjóri Samherja,
segir í kæru á hendur Ingveldi Einarsdóttur
dómara að meðferð hennar varðandi kröfur um
húsleitir hafi verið andstæð lögum. „Verulega
hafi á skort að vinnubrögð umrædds héraðs-
dómara hafi verið í samræmi við lög þegar heimild til
húsleitar og haldlagningar hafi verið veitt,“ segir orðrétt í
kæru Þorsteins, sem birt er í heild sinni í Kjarnanum í dag.
Kæran var lögð fram 23. júní síðastliðinn en á rætur sínar
að rekja til úrskurða í tengslum við aðgerðir Seðlabankans
gegn Samherja fyrir rúmlega tveimur árum. Málin eru enn til
rannsóknar.
ekki hægt að sannreyna
Þorsteinn Már, sem skrifar undir kæruna fyrir hönd Polaris
Seafood ehf., segir að ekki hafi verið mögulegt að sannreyna
gögn og fylgiskjöl sem voru meginrökstuðningur fyrir
húsleitum í starfsstöðvum
Samherja í marsmánuði
2012. „Rétt er að geta þess
að hvorki kærandi né aðrir
sem beiðnirnar beindust að
hafa getað sannreynt að gögn
og fylgiskjöl hafi yfir höfuð
verið lögð fram fyrir hinn
nýja dómara, þrátt fyrir að í
úrskurðum hans sé vísað til
þess að rannsóknargögn málsins liggi frammi og byggt sé á
þeim. Ástæða þess er sú að umrædd gögn eru ekki í vörslum
dómstólsins þrátt fyrir skýra og ófrávíkjanlega lagaskyldu
þar að lútandi,“ segir í kærunni.
Þorsteinn Már segir „þvingunaraðgerðir“ þær sem farið
var út í að morgni dags 27. mars 2012 hafa byggt á heim-
ildum dómara þar um, sem hafi verið fengnar fram með
meintum brotum á lögum. Er þar sérstaklega tiltekin 131.
grein almennra hegningarlaga, þar sem vikið er að störfum
dómara og opinberra starfsmanna. Í henni segir: „Ef dómari
DómsmáL
Ægir Þór Eysteinsson
L @aegireysteins
„Þorsteinn Már segir „þvingunar-
aðgerðir“ þær sem farið var út í að
morgni dags 27. mars 2012 hafa
byggt á heimildum dómara þar
um, sem hafi verið fengnar fram
með meintum brotum á lögum.“