Kjarninn - 26.06.2014, Blaðsíða 38

29/29 nýsköpun
viðskiptasaga skráð
Eitt af því sem markaðstorgin í deilihagkerfinu eiga
sameigin legt er að viðskiptasaga allra aðila er skráð. Hvers
kyns ósæmilega hegðun má skrásetja í umsögnum með til-
heyrandi refsistigum. Slíkt dregur úr möguleikum þess sem
hlýtur umsögn á að eiga í frekari viðskiptum. Einstaklingur
með þúsund jákvæðar umsagnir á uppboðsvefnum eBay vill
ekki sverta orðspor sitt og keppist við að halda þeim prófíl til
að auka líkur á því að næsti kaupandi láti slag standa.
Þegar óforskammaður leigjandi á Airbnb skilaði íbúð
í rúst um mitt árið 2011 bar á mikilli neikvæðri umfjöllun.
Þjónustan brást fljótt við og kynnti strax víðtækar innbús-
tryggingar fyrir alla að kostnaðarlausu. Svo virðist sem
eignaspjöll séu svo fá að Airbnb geti tekið fjárhagslegu
óþægindin sem þeim fylgja á sig. Þrátt fyrir slíkar tryggingar
liggur í augum uppi að ætli leigjandi að hafa greiðan aðgang
að markaðstorginu aftur er betra að safna sér plúsum en
mínusum. Tilraunin sem byrjaði fyrir sex árum heppnaðist.
nýtum auðlindir jarðar betur
Deiliþjónustur eiga margar hverjar undir högg að sækja
vegna úrelts regluverks og óskýrrar lagasetningar. Dæmin
um hörð viðbrögð leigubílstjóra við Uber eru mörg og til
undantekninga er að snjallsímalausnin ryðji sér til rúms í
borgum án nokkurra mótmæla eða þvælings í stjórnsýslu. Í
tilfelli orlofshúsaþjónustunnar Airbnb hafa þau mál verið til
skoðunar hjá Ríkisskattstjóra hér á landi síðan sumarið 2013.
Fæstir afla sér tilskilinna gistileyfa til að breyta unglinga-
herbergi í ferðamannagistingu tvær til þrjár vikur á ári. Það
er hins vegar siðferðisleg skylda okkar að fagna öllum þeim
framförum sem stuðla að betri nýtingu auðlinda jarðar. Með
skýrri kröfu til skjótrar en skynsamlegrar aðlögunar reglu-
verksins má bæta hag okkar allra til lengri tíma. Það þarf
ekki að deila um.