Kjarninn - 26.06.2014, Blaðsíða 21

16/16 DómsmáL
sérstaks saksóknara og yfirvalda í Lúxemborg. Mest áhersla
var lögð á að fá eignir Skúla Þorvaldssonar og félaga sem
hann var skráður fyrir kyrrsettar þar sem sérstakur sak-
sóknari taldi að í félögunum væri að finna milljarða króna
ágóða af gerningum sem mögulega vörðuðu við lög. Sam-
hliða var ráðist í rannsókn á því hvort Skúli hefði verið raun-
verulegur eigandi umræddra félaga eða hvort hann hefði
verið að „leppa“ þau fyrir helstu stjórnendur Kaupþings.
Uppi var sem sagt raunverulegur grunur um að stjórnendur
Kaupþings hefðu falið marga milljarða króna sem runnið
hefðu út úr Kaupþingi sama dag og bankinn fékk neyðarlán
frá Seðlabanka Íslands í þessum félögum Skúla.
Verið var að leita að ágóðanum af Lindsor-láninu.
ákært í öðrum málum
Síðan þessar aðgerðir áttu sér stað eru liðin rúm þrjú ár og
Lindsor-málið er enn í rannsókn. Sérstakur saksóknari hefur
á þeim tíma ákært helstu stjórnendur Kaupþings, og ýmsa
aðra, í þremur stórum málum og héraðsdómur þegar dæmt
þá Hreiðar Má, Magnús, Sigurð Einarsson og Ólaf Ólafsson
í þunga fangelsisdóma í Al-Thani málinu svo kallaða. Þeirri
niðurstöðu var áfrýjað til Hæstaréttar, sem mun taka hana
fyrir í lok þessa árs. Ekkert bólar hins vegar á niðurstöðu í
Lindsor-málinu.
Samkvæmt heimildum Kjarnans er ástæðan sú að um-
fangsmikil sakamálarannsókn vegna Lindsor-málsins hafi
verið í gangi hjá lúxemborgskum yfirvöldum árum saman.
Sú rannsókn er langt komin. Heimildarmaður Kjarnans sagði
orðrétt að „það styttist í lokaákvörðun í þessu“. Búist er við
að hún muni liggja fyrir á allra næstu mánuðum.