Kjarninn - 26.06.2014, Blaðsíða 67

04/11 íþróttir
„Monsieur Diambars“. Ásamt fyrrverandi landsliðsmarkverði
Frakka, Bernard Lama, og Jean-Marc Adjovi-Bocco, sem er
stærsta knattspyrnustjarna í sögu Benín og var áður atvinnu-
maður í Frakklandi og Skotlandi, skilja þessir fjórir menn nú
djúp spor eftir sig í sögu Senegal.
Þegar akademían hélt upp á tíu ára afmælið sitt í
nóvember í fyrra heimsótti Macky Sall, forseti landsins, hina
vel hirtu og áhrifamiklu heimahöfn hennar í borginni Saly,
um 80 kílómetrum suðaustur af höfuðborginni Dakar. Frá því
að Diambars var byggt hefur svæðið breyst úr því að líkjast
eyðimörk með fjórum stórum byggingum yfir í vin sem líkist
nú mun fremur sumardvalarstað. Sandundirlaginu hefur
verið skipt út fyrir fimm gervigrasvelli og einn grasvöll, og
trén í kring hafa vaxið nægilega mikið til að veita góðan
skugga.
Sall og ráðherrarnir sem voru með í för voru virkilega
hrifnir af því sem þeir sáu og boðskapnum til drengjanna um
að Diambars gæti hjálpað þeim að verða sigurvegarar, jafnt á
knattspyrnuvellinum sem og í lífinu.
nokkrar StaðrEyndir
Í Senegal búa um 13 milljónir manna. Um
helmingur þeirra sem eru eldri en 15 ára eru
ólæsir. Samkvæmt Alþjóðabankanum og Alþjóða-
gjaldeyrissjóðnum er Senegal eitt af 30 fátækustu
ríkjum veraldar. 43 prósent landsmanna eru á
aldrinum 0-14 ára og þeir sem eru eldri en 65 ára
eru einungis þrjú prósent.
UNESCO er samstarfsaðili Diambars og aðal-
styrktaraðili akademíunnar er Adidas. Samkvæmt
reglum FIFA um uppeldisbætur þurfa skandinavísk
knattspyrnulið nú að greiða á bilinu 37 og 46,5
milljónir króna fyrir leikmann frá Diambars. Á tíu
árum hafa tíu leikmenn frá Diambars orðið atvinnu-
menn í knattspyrnu í Evrópu. Árið 2008 var útibú
frá Diambars opnað í Suður-Afríku og draumur
aðstandenda er að byggja enn fleiri akademíur víðs
vegar um heiminn.
Senegal er ekki á heimsmeistaramótinu sem nú
stendur yfir í Brasilíu en um 300 senegalskir leik-
menn spila í þremur efstu deildum Frakklands og
öflugustu leikmenn þjóðarinnar spila hjá stórliðum
í Englandi, Spáni, Rússlandi, Tyrklandi, Austurríki
og í Noregi. Fulltrúar Afríku á HM í sumar eru
Fílabeinsströndin, Nígería, Kamerún, Alsír og Gana.
Afrísk lið hafa lengst komist í fjórðungsúrslit á
mótinu. Það hefur gerst þrisvar: Kamerún var slegið
út af Englandi árið 1990, Senegal var slegið út af
Tyrklandi árið 2002 og Gana af Úrúgvæ árið 2010.