Kjarninn - 31.07.2014, Page 21

02/06 alþjóðamál
S
taða Rússlands á alþjóðavettvangi virðist
þrengjast með hverjum deginum. Þjóðarleiðtogar
ræða viðskiptaþvinganir vegna aðgerða Rússa
gagnvart Úkraínu, sá mikli efnahagslegi vöxtur
sem drifið hefur ríkið áfram á undanförnum árum
er í mikilli rérnum og alþjóðasamfélagið virðist vera að taka
fast á viðskiptalegum aðförum rússneskra risafyrirtækja sem
framkvæmdar eru í skjóli, og með velvilja, rússenskra stjórn-
valda sem í flestum tilfellum eru stærstu eigendur þeirra.
Það lá þegar fyrir, áður en átökin í Úkraínu brutust út,
að hægjast myndi á hagvexti Rússlands, sem var 3,4 til 4,5
prósent á árunum 2010-2012, en var einungis 1,3 prósent í
fyrra. Nú spá rússneskir ráðamenn því að hann verði líklega
enginn á þessu ári. Og þá á eftir að taka tillit til mögulegra
efnahagslegra þvingana og sektar- eða bótagreiðslna sem
rússneska ríkið eða fyrirtæki í þess eigu gætu staðið frammi
fyrir. Þar eru nefnilega alvöru fjárhæðir undir.
Borgið 6.000 milljarða!
Alþjóðadómstóllinn í Haag dæmdi á mánudag rússneska
ríkið til að greiða hópi fyrrverandi hluthafa olíufyrirtækisins
Yukos 51,6 milljarð dala, tæplega 6.000 milljarða íslenska
króna. Það er tæplega helmingur þeirrar upphæðar sem
GML, félag fyrrverandi hluthafanna, fór fram á. Alþjóða-
gerðardómstóllinn hafði áður úrskurðað að Alþjóðadóm-
stóllinn í Haag ætti lögsögu í málinu og að Rússlandi yrði
því bundið af niðurstöðunni. Upphæðin nemur 2,5 prósent af
landsframleiðslu Rússlands. Sergei Lavrov, utanríkisráðherra
Rússlands, sagði strax að dómnum yrði áfrýjað. Það gæti hins
vegar reynst flókið því skilyrði áfrýjunar eru afar þröng.
Málið á rætur sínar að rekja til ársins 2004 þegar Yukos,
þá stærsta olíufélag Rússlands, var knúið í þrot vegna
meintra skattaskulda. Í kjölfarið voru gríðarlegar eignir
Yukos seldar á uppboðum og þorri þeirra endaði í eigu fyrir-
tækisins Rosneft, sem er í meirihlutaeigu rússneska ríkisins,
fyrir hrakvirði.
alþjóðamál
Þórður Snær Júlíusson
L @thordursnaer