Morgunblaðið - 04.08.2012, Blaðsíða 2

Skúli Hansen
skulih@mbl.is
„Mér finnst það vera grafalvarlegt og mikið
áhyggjuefni ef sjávarútvegsráðherra sem ber
ábyrgð á samningum um makrílinn ber ekki
meira skynbragð á málið en það að hann telji
að landanir Grænlands á makríl á Íslandi teng-
ist ekki hagsmunum Íslands í makríldeilunni,“
segir Friðrik J. Arngrímsson, framkvæmda-
stjóri LÍÚ, og vísar þar til orða Steingríms J.
Sigfússonar, sjávarútvegs- og landbún-
aðarráðherra, í Morgunblaðinu í gær þess efn-
is að makríldeilan og hagsmunir tengdir henni
hefðu ekki ráðið för varðandi þá ákvörðun ís-
lenskra stjórnvalda að leyfa grænlenskum
skipum að landa makríl hér á landi, heldur
skuldbindingar landsins á grundvelli Al-
þjóðahafréttarsáttmálans og í gegnum aðild
Íslands að NEAFC.
Í blaðinu í gær sagði
Steingrímur að eftir að ís-
lensk stjórnvöld hefðu farið
yfir kröfur þeirra græn-
lensku hefði það þótt mál-
efnalegt að veita þeim til-
skildar en mjög
takmarkaðar undanþágu-
heimildir til að landa úr
rannsóknar- og leit-
arveiðum ef það væri eina
leiðin til að koma í veg fyrir sóun á verð-
mætum. Spurður út í þessi ummæli Stein-
gríms segir Friðrik: „Það er rangt að við séum
skuldbundin til að heimila landanir græn-
lenskra skipa á makríl samkvæmt Hafrétt-
arsáttmála SÞ eða samningnum NEAFC,“ og
bætir við: „Það er einnig rangt að Grænlend-
ingar geti ekki stundað
rannsóknir á magni og út-
breiðslu makríls í lögsögu
sinni án þess að landa afla á
Íslandi. Órækasti vitnisburð-
urinn um það er að Íslend-
ingar stunda slíkar rann-
sóknir á íslenskum
rannsóknarskipum án þess
að þeim fáu tonnum sem
veiðast sé landað.
Mér þætti nærtækara að
sjávarútvegsráðherra, sem er yfirmaður haf-
rannsókna á Íslandi, hlutaðist til um rann-
sóknir íslenskra rannsóknaskipa áður en hann
fer að veita grænlenskum skipum undanþágu
frá skýru banni íslenskra laga á löndun á deili-
stofni sem ekki hefur verið samið um,“ segir
Friðrik. Þá segir hann að allt tal um afla í rann-
sóknarskyni eigi ekki við nein rök að styðjast
og bendir á að hér sé ekki um neitt annað en
atvinnuveiðar að ræða. „Ég tel að með þessu
sé gróflega grafið undan hagsmunum Íslands,“
segir Friðrik.
„Ég var að vísa í þessa hluti þegar ég var að
útskýra af hverju við hefðum stöðvað veiðar ís-
lenskra skipa og af hverju við myndum ekki
leyfa Grænlendingum landanir hér í beinum
atvinnuveiðum, það væri vegna aðildar okkar
að samningum, stofnunum og vegna okkar eig-
in laga,“ segir Steingrímur J. Sigfússon um
ummæli sín sem birtust í blaðinu í gær og bæt-
ir við: „Undanþágan fyrir þessar landanir úr
þessum rannsóknar- og leitarveiðum er hins-
vegar allt annað mál og sækir fyrst og fremst
rök í það að grænlensk stjórnvöld lögðu mikla
áherslu á þetta við okkur og við erum að reyna
að halda góðum samskiptum við þau.“
Sneyðist um hlut Íslands í makrílstofni
Friðrik J.
Arngrímsson
 Friðrik J. Arngrímsson telur að landanir Grænlendinga á makríl hér á landi styrki stöðu þeirra
Steingrímur J.
Sigfússon
2 FRÉTTIRInnlent
MORGUNBLAÐIÐ LAUGARDAGUR 4. ÁGÚST 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Viðar Guðjónsson
vidar@mbl.is
Í Reykjavíkurhöfn liggur rússneska
seglskútan Scorpion. Eigandi hennar
er ævintýramaðurinn Sergey Nizovt-
sev. Hann er í miðri langferð sem á
sér engin fordæmi að hans sögn. Að
henni lokinni verður skútan búin að
fara vegalengd sem jafngildir því að
fara þrívegis umhverfis hnöttinn.
Umhverfis báða pólana
,,Enginn hefur gert þetta áður. Við
ætlum okkur að fara umhverfis báða
pólana á einu ári. Við kláruðum að
fara í kringum Suðurpólinn í apríl.
Það tók þrjá mánuði. Nú erum við að
hefja ferð um Norðurpólinn sem við
stefnum að því að taki tvo mánuði,“
segir Nizovtsev. Í ferðinni hefur
áhöfnin lent í lífshættu í „hundruð
skipta“. ,,Nærri Suðurpólnum eru
hundruð ísjaka allt í kringum mann,
sífellt á hreyfingu og sífellt að skella
saman. Maður mátti sín oft lítils og
ég viðurkenni það fúslega að óttinn
bankaði oft á dyr,“ segir hann.
Um borð í skútunni er fullkomin
ratsjá en hún nemur ekki minnstu ís-
jakana. ,,Þeir eru hættulegastir því
maður sér ekki nema hálfan metra
sem stendur upp úr sjónum og svo
eru 3-5 metrar af jakanum undir yf-
irborðinu. Slíkur ísklumpur getur
vegið mörg hundruð kíló og getur
auðveldlega skaðað skútuna.“
Seglin rifnuðu
,,Við lentum í miklu óveðri á leið
okkar kringum Suðurskautið. Á veð-
urkortinu var óveður í hundraða
mílna radíus. Öldurnar voru jafnháar
bátnum en sem betur fer var vind-
urinn í bakið. Ekki vildi betur til en
svo að seglin rifnuðu í þessum hama-
gangi og fyrir vikið þurftum við að
sigla um 12 þúsund mílur af leið til
þess að gera við seglin í Tasmaníu.
Síðan fórum við aftur á staðinn sem
við vorum á og sigldum áfram,“ segir
Nizovtsev.
Leiðangurinn lagði af stað frá
Rússlandi 18. september á síðasta ári
og stefnir Nizovtsev að því að honum
ljúki einhvern tímann á næsta ári.
„Ég veit ekki alveg hvenær eða hvar,
en ég get lofað þér því að það verður
á einhverjum heitum stað,“ segir
hann.
Morgunblaðið/Árni Sæberg
Sergey Nizovtsev Er ævintýramaður sem lætur gamlan draum rætast með því að sigla umhverfis báða pólana.
Þrívegis um hnöttinn
 Ætla umhverfis báða pólana á einu ári  Hafa lent í hættu
í „hundruð skipta“  Þvingaðir 12 þúsund mílur af leið
Scorpion Skútan er 29,45 metrar á lengd, um 6,7 metrar á breidd og 24,65
metrar á hæð. Hún sést hér í Reykjavíkurhöfn þar sem hún er til viðhalds.
Stefán Gunnar Sveinsson
sgs@mbl.is
Eigendur tónlistarhússins Hörpu,
ríkið og Reykjavíkurborg, hafa
ákveðið að loknu fyrsta starfsári
hússins að endurskoða stjórnarfyr-
irkomulag og rekstrarforsendur
hússins. Unnið verður að því færa
rekstur Hörpu í eitt félag í eigu ríkis
og borgar, en í dag eru átta mismun-
andi félög sem fara með reksturinn
og hvert um sig hefur sjálfstæða
stjórn.
Í tilkynningu frá mennta- og
menningarmálaráðuneytinu kemur
fram að ráðgjafarfyrirtækið KPMG
hafi gert úttekt á rekstri og skipu-
lagi Hörpu. Helstu niðurstöður
þeirrar úttektar eru þær að rekstr-
arafkoma Hörpu verður neikvæð um
407 milljónir króna í ár miðað við
óbreyttar forsendur. Ástæður þessa
eru sagðar vera þær að þær áætlanir
sem lágu fyrir þegar ákveðið var að
halda byggingu hússins áfram hafi
ekki gengið eftir. Er þar einkum
nefnt að fasteignagjöld verði hærri
en áætlað var, og útskýrir það um
helming tapsins. Þá er rekstur húss-
ins dýrari en gert var ráð fyrir og
hafa tekjur af ráðstefnuhaldi skilað
sér hægar en gert var ráð fyrir sem
og tekjur af veitingasölu og bíla-
stæðahúsi. Þá sé stjórnskipulag
hússins erfitt vegna „flókinnar fé-
lagauppbyggingar“ sem eigi sér
rætur í þeim tíma þegar einkaaðilar
ætluðu að reisa og reka Hörpu.
Stefnt sé að því að auka gagnsæi og
hagræðingu með því að færa rekstur
Hörpu í eitt félag.
Katrín Jakobsdóttir, mennta-
og menningarmálaráðherra, segir að
það hafi verið
ljóst frá upphafi
að það þyrfti að
endurskoða allar
rekstrarfor-
sendur þegar hið
opinbera tæki við
Hörpunni og fara
yfir hvernig hefði
tekist til eftir
fyrsta starfsárið.
Það ánægjulega
væri að tónlistar- og menningar-
starfsemin hefði gengið eftir áætlun
og endurfjármögnun hefði tekist vel,
en svona rekstri fylgdi alltaf áhætta.
Stefnt væri að því að gera rekstur
hússins sjálfbæran. „Það sem við
viljum auðvitað gera er að fara mjög
vandlega yfir þetta. Það liggur fyrir
að núna er verið að vinna mjög góða
vinnu við rekstraráætlun til lengri
tíma og það þarf bæði að skoða
hvernig má auka tekjur og hagræða
og líka hver þáttur eigenda verður í
því,“ sagði Katrín.
Rekstur Hörpu
færður í eitt
félag í stað átta
 Stefnir í 407 milljóna taprekstur
Morgunblaðið/Júlíus
Harpa Reksturinn fer fram í alls
átta einkahlutafélögum.
Katrín
Jakobsdóttir
Athygli vekur að rekstur Hörpu fer nú fram í átta mismunandi félögum.
Efsta félagið er Austurhöfn-TR, en ríkið á 54% hlut í því og Reykjavík-
urborg 46%. Austurhöfn á síðan tvö dótturfélög, Portus sem annast
Hörpu og Sítus sem hefur byggingarrétt á öðrum reitum á lóðinni. Portus
á tvö dótturfélög: fasteignafélagið Totus á húsið og Rekstrarfélagið Ago
leigir það af Totusi og sér um reksturinn. Sítus á einnig tvö dótturfélög:
Hospes, sem ætlað var að sjá um hótelstarfsemi og Custos sem átti að
eiga og reka bílastæði, en engin starfsemi hefur farið fram í þessum fé-
lögum. Þá er ótalið greiðslumiðlunar-fyrirtækið Hringur, sem er í eigu To-
tusar, sem er í eigu Portusar, sem aftur er í eigu Austurhafnar.
Leifar frá tímum einkaaðila
ÁTTA MISMUNANDI FÉLÖG UM HÖRPU