Morgunblaðið - 04.08.2012, Blaðsíða 11

Í félagsheimilinu Árnesi í Skeiða- og Gnúp-
verjahreppi hefur verið opnuð gestastofa
með margmiðlunarsýningu. Markmiðið
með henni er að miðla fróðleik og upplýs-
ingum um landið og náttúruna, fólkið og
söguna og þá þjónustu sem er að finna á
Þjórsársvæðinu, með Þjórsá sjálfa sem
meginþema. Þjórsárstofa er samvinnu-
verkefni sveitarfélagsins Skeiða- og Gnúp-
verjahrepps og Landsvirkjunar.
Í forsal hússins er að finna myndir og
upplýsingar á veggspjöldum um markverð-
ustu staði sveitarinnar. Þar eru einnig
gagnvirkir skjáir hvar hægt er að kalla fram
á einfaldan hátt upplýsingar um nátt-
úrufar, þjónustu og sögu á svæðinu frá
landnámsöld til vorra daga, og svo loft-
mynd þar sem búið er að koma fyrir ljósa-
punktum til að gefa til kynna staðsetningu
ýmissa staða sem nafngreindir eru á
hnappaborði framan við myndina. Í her-
bergi inn af forsalnum eru nokkrir nátt-
úrugripir og gamlir munir sem voru ýmist
smíðaðir af og/eða í eigu íbúa í hreppnum
fyrr á tímum, en Byggðasafn Árnesinga
hefur lánað þá á sýninguna. Í samkomusal
hússins er sýnd áhugaverð kvikmynd, þar
sem Þjórsá er fylgt frá upptökum sínum í
Hofsjökli til ósa, og brugðið upp myndum
af ýmsum helstu náttúruperlum svæðisins,
dýra- og mannlífi. Björn G. Björnsson er
hönnuður sýningarinnar, en Ari Trausti
Guðmundsson skrifaði texta. Gagarín sá
um gerð margmiðlunar, Steingrímur Þórð-
arson og Jón Þór Víglundsson gerðu kvik-
myndina um Þjórsá og Daði Georgsson sá
um hljóðið. Sýningin er opin daglega frá kl.
10-18 og er aðgangur ókeypis.
Margmiðlunarsýning í Árnesi
Árnes Margmiðlunarsýning sem miðlar fróðleik og upplýsingum um landið og náttúruna, fólkið og söguna.
Náttúrufar, munir og saga
Fróðleikur Ńáttúruperlur.
Morgunblaðið/Árni Sæberg
Söngkona Jóhanna og Skjöldur hundurinn hennar eru glöð að vera komin heim til Íslands.
var fólk á öllum aldri, fjórtán ára
unglingar, miðaldra fólk og ungar
stelpur sem stefndu á söngnám og
vildu bæta sig fyrir inntökupróf. En
það voru líka nokkrir sem voru
komnir á efri ár, þroskaðir nem-
endur sem voru ekki að stefna á ein-
hvern feril, heldur langaði til að líða
aðeins betur í sinni rödd.“
Þarf að hlúa að röddinni
„Mér fannst gaman að hjálpa
þessu fólki við að losa um röddina og
finna að hún er ekki farin. Það er
ekkert sjálfgefið að röddin versni
með aldrinum, það þarf bara að hlúa
betur að henni og vita hvernig á að
halda henni við. Margir sem komnir
eru yfir sextugt telja það vera of
seint, en það er aldrei of seint og
söngur er hollur fyrir alla. Mig lang-
ar til að kenna fólki hér heima á
þessum aldri, því hér er gríðarlegur
söngáhugi, mikil sönghefð og mikið
af kórum. Ég er sannfærð um að hér
er fullt af fólki sem vill vita meira um
raddtækni til að halda eigin söng-
rödd við.“
Vinkonur eða hjón geta
komið saman í tíma
Jóhanna ætlar að hafa kennsl-
una einstaklingsmiðaða í raddbeit-
ingu og söng fyrir 60 ára og eldri.
„Enda er mjög persónulegt að láta
segja sér til í söng og hver og einn
þarf sitt næði og rými. En ég ætla
líka að bjóða upp á að tveir komi
saman í tíma til mín, til dæmis vin-
konur eða hjón. Í söngtækninni sem
ég kenni, þá byggi ég mikið á
líkamsstöðu og líkamsstillingu. Við
snúum okkur beint að hljóðfærinu,
sjálfri röddinni, að stilla hljóðfærið
áður en við förum að syngja mikið.
Það er ekkert sérstaklega flókið,
tekur ekki langan tíma og allir geta
lært það.“
Rödd eins og dökkblátt flauel
Jóhanna hefur sungið og starfað
með ýmsum hópum víða um Evrópu
og hún hefur í gegnum tíðina fengið
jákvæða umfjöllun fyrir söng sinn.
Nýlega fór hún í tónleikaferð um
suðurhluta Þýskaland með þýskum
semballeikara á vegum Kamm-
ermusikensemble Freiburg. Þau
voru með ferna tónleika í þeirri ferð
og Jóhanna fékk fína dóma fyrir
sönginn. Gagnrýnin birtist í Bad-
ische Zeitung og fyrirsögnin var á
þessa leið: „Með rödd eins og dökk-
blátt flauel“. Ekki amalegt að fá
slíka umfjöllun, enda var hún í kjöl-
farið pöntuð aftur að ári, bæði með
tónleika og námskeið.
Áhugasamir geta haft samband
við Jóhönnu á netfanginu:
voxxjh@gmail.com
MORGUNBLAÐIÐ LAUGARDAGUR 4. ÁGÚST 2012