Morgunblaðið - 04.08.2012, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 4. ÁGÚST 2012
FRÉTTASKÝRING
Ingvar P. Guðbjörnsson
ipg@mbl.is
Umferð á höfuðborgarsvæðinu jókst
um 1,6% í júlí á þessu ári, þar af 6,7%
í Reykjavík. Umferð á hringveginum
dróst saman um 2,4% miðað við sama
tíma í fyrra. Þetta má lesa út úr töl-
um frá Vegagerðinni úr 16 mæli-
stöðvum um allt land. Mesti sam-
drátturinn var á Norðurlandi eða
10,0% og á Vesturlandi varð 9,9%
samdráttur. Á Suðurlandi jókst um-
ferð hinsvegar um 5,7% og á Austur-
landi um 3,6%. Þegar einstakir mæl-
ar eru skoðaðir má sjá að í Öxnadal
hefur umferð dregist saman um
20,9% í júlí á milli ára. Við Gljúfurá
dróst umferðin saman um 14,1% og
eini staðurinn á Norðurlandi sem
ekki varð samdráttur var á Mývatns-
heiði, þar sem varð auking um 0,2%.
Mikil umferð um Hvalnes í Lóni
Á Hvalnesi í Lóni jókst umferð í
júlí um 19,9% á milli ára. Líklegasta
skýringin er gott veður á Austur-
landi sem íbúar SV- og S-lands hafa
leitað í, enda aukning í umferð á Suð-
urlandi jafnhliða. Einnig var hátíðin
Bræðslan haldin á Borgarfirði
eystra í lok júlí með tilheyrandi
aukningu umferðar. Skýringa var
ekki að leita hjá Norrænu, en bílar í
og úr ferjunni í júlí stóðu nokkuð í
stað, þó lítilsháttar aukning hafi ver-
ið frá síðasta ári. Viðmælandi blaðs-
ins sem ferðast mikið segist merkja
mikla fjölgun erlendra bíla á vegum
landsins og bílaleigubíla einnig. Hjá
Avis og Bílaleigu Akureyrar fékkst
þetta staðfest að hluta því aukning
var á leigðum bílum í júlí í ár miðað
við júlí í fyrra hjá báðum.
Annar viðmælandi tók svo til orða
að vaxandi umferð í höfuðborginni
og minnkandi umferð á landsbyggð-
inni væri rauntímamælikvarði á
efnahag fólks og að þó svo talað væri
um að kreppan væri á enda ætti það
ekki við um þessa þætti og fólk ferð-
aðist minna, enda eldsneytisverð hér
afar hátt og þó það væri álíka í krón-
um talið á hvern lítra og á öðrum
Norðurlöndum þyrfti Íslendingurinn
að vinna lengur til að fylla tankinn.
Veðrið áhrifavaldur á umferð
Umferð um Hvolsvöll hefur aukist
um 11,3% á milli ára og umferð á
Mýrdalssandi um 18,7%. Umferðin
um Hellisheiði hefur þó einungis
aukist um 2,2%. Þó erfitt sé að segja
hvers vegna umferð dróst saman á
V- og N-landi er veðrið líklegasta
skýringin. Í fyrra var afar þurr-
viðrasamt á Vestur- og Norður-
landi á meðan úrkoma var meiri
sunnanlands og tvöföld meðal-
úrkoma á Höfn á Hornafirði
2011. Í ár var þurrt alls staðar
og hvergi yfir meðalúrkomu,
samkvæmt vef Veðurstof-
unnar. Umferðin hef-
ur því líkast til
dreifst meira með
þessum afleiðing-
um í ár.
Ferðalög út á land
hafa dregist saman
 Umferð í höfuðborginni jókst um 6,7% á milli ára í júlí
Björn Jóhann Björnsson
bjb@mbl.is
Flugrekendur sem Morgunblaðið
ræddi við eru mjög ósáttir við auknar
álögur á flugrekstur hér á landi.
Segja þeir gjöldin mjög íþyngjandi
fyrir reksturinn og reglugerðarverk-
ið orðið svo mikið að erfitt sé að
fylgja því eftir. Gagnrýna þeir einnig
stjórnsýslu- og eftirlitsstofnanir í
fluginu og tala um „ofvaxið bákn“ í
því sambandi. Er þar einkum átt við
Isavia og Flugmálastjórn en saman-
lagt starfa þar um 840 manns, þar af
790 hjá Isavia.
„Hvar endar þessi vitleysa?"
„Við erum oft að fljúga með lax-
veiðimenn til og frá Keflavík og þeir
eru rukkaði um vopnaleitargjald, ör-
yggisgjald og alls konar gjöld. Hvert
erum við komin? Hvar ætla menn að
enda þessa vitleysu? Svo fjölgar allt-
af starfsfólkinu á suðvesturhorninu.
Þar fjölgar fólki eins og mý á mykju-
skán og notendur flugsins eru látnir
borga, alveg hægri vinstri,“ segir
Leifur Hallgrímsson, framkvæmda-
stjóri Mýflugs, sem er mjög ósáttur
við þær álögur sem lagðar eru á flug-
rekendur. Þær séu farnar að íþyngja
rekstrinum. Jafnframt er hann
óánægður með mismun milli flugrek-
enda eftir því hvar þeir búa á landinu.
Þannig þurfi hann að greiða undir
eftirlitsmenn Flugmálastjórnar sem
koma að sunnan norður á Akureyri,
en flugrekendur á suðvesturhorninu
þurfa ekkert að greiða fyrir þessar
heimsóknir. „Það sitja ekki allir við
sama borð eftir því hvar þeir eru með
höfuðstöðvar á Íslandi,“ segir Leifur.
Gagnrýni vísað á bug
Stærstur hluti starfsmanna Isavia
og dótturfélaga, eins og Fríhafnar-
innar, er á Keflavíkurflugvelli, eða
um 400 manns. Um 150 manns starfa
í flugstjórnarmiðstöðinni á Reykja-
víkurflugvelli. Aðrir starfsmenn eru í
höfuðstöðvum Isavia og á flugvöllum
á landsbyggðinni.
Friðþór Eydal, talsmaður Isavia,
vísar því á bug að fyrirtækið hafi eitt-
hvað blásið út. Eftir að Flugstoðum
og Keflavíkurflugvelli ohf. var steypt
saman í Isavia fyrir þremur árum
hafi starfsfólki ekki fjölgað.
„Ríkisvaldið bjó Isavia til og við er-
um bara að framkvæma verkefni
ríksins á þessu sviði og nýta fjárfest-
ingar. Öll þessi þjónusta og starfsemi
er undir einni sameiginlegri stjórn og
hefur leitt af sér mikla hagræðingu.
Um auknar álögur í fluginu segir
Friðþór þessi gjöld fyrst og fremst
eiga að dekka tilkostnað við þjón-
ustuna og rekstur mannvirkja. Ný-
framkvæmdum sé haldið í algjöru
lágmarki. Varðandi innanlandsflugið
hafi ríkið valið þá leið að auka gjald-
töku fyrir notkun. Notendur séu
frekar látnir greiða en skattgreið-
endur.
Öryggiskröfur á flugvöllum hafa
verið hertar og ýmsar reglugerðir
tekið gildi í því skyni. M.a. má enginn
vera á ferli inni á flugvallarsvæði
nema að hafa tekið sérstakt flug-
verndarnámskeið hjá Isavia. Þarf að
taka slíkt námskeið árlega.
Spurður um aukið regluverk segir
Friðþór öryggiskröfur í flugrekstri
einfaldlega hafa aukist og þær séu
orðnar mjög stífar. Flugrekendur
kveinki sér undan þessum kröfum og
tilheyrandi kostnaði. Við því sé ekk-
ert að segja.
Flugrekendur
ósáttir við
auknar álögur
 Stjórnsýslan sögð „ofvaxið bákn“
Morgunblaðið/ÞÖK
Flugið Isavia og dótturfélög sjá um
að reka Keflavíkurflugvöll.
Viðar Guðjónsson
vidar@mbl.is
Fiskistofa auglýsti í vikunni eftir
umsóknum um leyfi til sæ-
bjúgnaveiða á komandi fiskveiðiári.
Um 5.800 tonn voru veidd af Sæ-
bjúga á síðasta ári. Sæbjúgu eru
hvorki gróður né fiskur heldur einn
sex ættbálka innan fylkingar skráp-
dýra og eru seld til manneldis í Kína.
Um 50 krónur fást fyrir hvert kíló.
„Þetta rétt svo rekur sig. Þetta er
selt til manneldis. Hver kaupandi er
með sína aðferð en ég held að þetta
sé mest sett í einhverja sérstaka sæ-
bjúgnarétti,“ segir Kári Ólafsson
framkvæmdastjóri Reykofnsins-
Grundarfirði ehf. sem gerir út
Hannes Andrésson SH 737 sem
veiðir dýrið.
Veiðar fara fram á þremur
svæðum sem ná kringum landið og
mega þrjú skip veiða á hverju svæði.
Sæbjúgu eru veidd með plóg.
Talsverð hefð er fyrir neyslu á
sæbjúgum bæði í Asíu og Eyjaálfu. Í
Asíu eru sæbjúgu til dæmis mat-
reidd í Kína, á Kóreuskaganum og í
Japan. Dæmi um meðhöndlun er að
reykja, þurrka eða sjóða holdið og
nota sem bragðbæti í súpu.
Á vísindavef Háskóla Íslands
kemur fram að sæbjúgu séu mik-
ilvægur hlekkur í vistkerfi sjávar
þar sem þau éta mikið af rotnandi
dýra- og jurtaleifum.
Sæbjúgu í kínverska matargerð
Sæbjúgu Hér eru sæbjúgu
af Hannesi Andréssyni SH 747.
 Leyfi veitt til
sæbjúgnaveiða
Sæbjúgu
» Fiskistofa hefur auglýst
eftir umsóknum til sæ-
bjúgnaveiða
» Um 5800 tonn veidd í fyrra
» Sæbjúgu eru veidd á þrem-
ur svæðum kringum landið og
þrjú skip veiða á hverju svæði
„Ég hef nú verið að geta mér til
um það að höfuðborgarbúar séu
í minna mæli að fara út á land
til lengri ferða og þá eykst auð-
vitað umferð, hlutfallslega, það
eru ekkert fleiri bílar endilega á
ferðinni. Það eru fleiri bílar mið-
að við árstíma,“ sagði Friðleifur
Ingi Brynjarsson, verkefnastjóri
umferðardeildar Vegagerð-
arinnar, um skýringarnar á
þessari þróun.
„Í júlí á að vera minnst um-
ferðin innan höfuðborg-
arsvæðsins því þá eiga flestir
að vera á ferðalögum úti á landi
eða erlendis, en ef það er ekki
þá eykst umferðin auðvitað
og minnkar þá úti á landi
að sama skapi þegar
höfuðborgarbúa nýtur
ekki við á veguum,“
sagði Friðleifur Ingi
sem segir í venjulegu
ári umferðarkúrfuna
alltaf taka dýfu í
júlí, sem hafi
verið nú en
minni en
vanalega.
Umferðin í
heild svipuð
UMFERÐIN Í JÚLÍ ÁR HVERT
Friðleifur Ingi
Brynjarsson
Morgunblaðið/Ómar
Akstur Umferðin í Reykjavík jókst um 6,7% í júlí 2012 en dróst saman á landsbyggðinni, um 2,4% á hringveginum.
Flugrekendur þurfa að standa
skil á margskonar gjöldum í
rekstrinum og þykir þeim sum-
um nóg um. Má þar nefna gjald
fyrir lofthæfisskírteini, eftirlits-
gjöld, öryggisgjöld, flugtaks-
gjöld, lendingargjöld, aðflugs-
gjöld, farþegagjöld, eldsneytis-
gjald og kolefnisgjald. Tekur
ríkið þannig bæði gjald af elds-
neytinu er það fer inn á hreyfl-
ana og síðan af útblæstrinum.
Rukkað um
ýmis gjöld
FLUGREKSTURINN
Kaffi á könnunni og næg bílastæði
b ó k a b ú ð
f o r l a g s i n s
OPIÐ ALLA VIRKA DAGA
kl. 10–18
OG LAUGARDAGA
kl. 10–14
Fiskislóð 39