Morgunblaðið - 04.08.2012, Blaðsíða 10

10 DAGLEGT LÍF
MORGUNBLAÐIÐ LAUGARDAGUR 4. ÁGÚST 2012
Kristín Heiða Kristinsdóttir
khk@mbl.is
Þ
etta má ekki bara vera
gagnlegt heldur verður
líka að vera skemmti-
legt, án þess að maður
þurfi að setja á sig
trúðanefið. Ég er búin að setja upp
námsefni sem heitir Sjö lyklar í
raddbeitingu barna, en þar er farið í
grunnþætti söngiðkunar á skemmti-
legan hátt. Skólastjórar hér á landi
eru mjög áhugasamir og ég mun
byrja með þetta námskeið í nokkrum
skólum strax í haust,“ segir Jóhanna
Halldórsdóttir sem hefur á und-
anförnum 16 árum verið starfandi
söngkona og söngkennari í Þýska-
landi og Frakklandi. Nú er hún flutt
heim og ætlar að bjóða landanum
upp á námskeið í söng, líkamsbeit-
ingu og raddbeitingu. Námskeiðin
eru annars vegar fyrir grunn-
skólabörn og grunnskólakennara og
heitir Syngjandi skóli, en hins vegar
fyrir fólk sem er 60 ára og eldra.
Ákvað að taka með mér heim
„Ég var að kenna í Aachen og
Düsseldorf í Þýskalandi og fékk
tækifæri til að stjórna verkefni sem
boðið er upp á í grunnskólum þar.
Það byggir á því að söngkennari
kemur inn í skólana einu sinni í viku
og hittir kennara og nemendur og
fer með þeim í gegnum raddbeitingu
og söngþjálfun og þau læra ákveðinn
fjölda af lögum yfir veturinn. Þetta
fyrirkomulag heillaði mig, því kenn-
ararnir geta notað námsefnið sem ég
kem með áfram í sinni kennslu þó ég
sé ekki á staðnum. Þeir eru með
diska og undirleik og geta notað
þetta þegar þeim hentar til að brjóta
upp kennsluna. Þetta kom svo vel út
að ég ákvað að taka þetta með mér
hingað heim.“
Sveigjanleiki á námskeiðinu
Syngjandi skóli
Jóhanna segir söng hafa margt
jákvætt í eðli sínu, hann sameini til
dæmis ólíka hópa. „Ég var með fjöl-
breyttan hóp barna á öllum aldri og
af ólíku þjóðerni. Eftir veturinn
kunnu öll börnin við skólann lögin
sem ég hafði verið að kenna og við
lukum hverjum vetri með fjöldasöng
þar sem allir nemendur og allir
kennarar sungu saman. Það var
svakalega gaman. Hugmynd mín er
að hafa fyrirkomulagið þannig hér á
landi að vera með einn hóp yngri
barna, annan hóp eldri barna og svo
einn hóp kennara. Skólarnir fá samt
tækifæri til að móta þetta eins og
þeim hentar best, það er sveigjan-
leiki í þessu,“ segir Jóhanna og bætir
við að vel hafi verið tekið á móti
henni í grunnskólum landsins.
Að líða betur í sinni rödd
Jóhanna er einsöngvari, alt-
söngkona sem hefur sérhæft mig í
barokksöng. Hún hefur sungið í ára-
raðir og barokksöngurinn hefur ver-
ið hennar aðalfag undanfarið. „Ég
hef þó alltaf haft þörf fyrir að kenna
meðfram söngnum, enda er mjög
ánægjulegt að taka þátt í framförum
annarra. Ég hef fengið tækifæri til
að þróa kennslutækni mína og þegar
ég bjó í Aachen sá ég um söngdeild-
ina við kaþólsku kirkjuna á staðnum.
Þar var mikið sönglíf og ég var kom-
in með stóran hóp nemenda. Þetta
Gaman að taka þátt
í framförum annarra
Söngur hefur margt jákvætt í eðli sínu og hann sameinar ólíka hópa. Jóhanna
Halldórsdóttir, söngkona og söngkennari, er flutt heim eftir margra ára búsetu í
útlandinu og ætlar að bjóða grunnskólabörnum upp á söngnámskeiðið Syngjandi
skóli. Hún ætlar líka að bjóða þeim sem eru 60 ára og eldri upp á leiðsögn.
Jóhanna Að syngja á tónleikum á vegum Kammermusikensemble Freiburg
með Hans Michael Eckert sellóleikara og Hans-Wolfgang Brassel á sembal.
Íste er frískandi þegar heitt er í veðri
og vel er hægt að hella upp á slíkt
heima og taka með í útileguna. Eða
útbúa í sumarbústaðnum. Gott er að
prófa sig áfram með hvaða te manni
finnst best að nota í ísteið en ávaxte
ýmiss konar hentar t.d. mjög vel. Á
vefsíðunni eatingwell.com má finna
góðar hugmyndir að því hvernig hægt
er að gera ísteið enn hollara með því
að setja út í það alls konar ávexti. Þar
er einnig hægt að lesa sér til um íste
og hvernig best sé að hella upp á það.
Líkt og nafnið gefur til kynna er teið
best ískalt og mikilvægt að setja hell-
ing af klaka út í könnuna sem teið er
borið fram í. Ef þig langar að breyta
út frá vatninu er íste góð lausn og í
því enginn viðbættur sykur nema þú
bætir svolitlu ávaxtasýrópi við. Slíkt
er til í ýmsum bragðtegundum og
smá skvetta getur gert ísteið enn
bragðbetra.
Vefsíðan www.eatingwell.com
Smart Íste borið fram í krukkum og skreytt með litríkum ávöxtum.
Frískandi íste í útileguna
Ef þú ætlar ekki út úr bænum um
helgina er um að gera að hafa það dá-
lítið kósí heima fyrir. Gera vel við sig í
mat og drykk og njóta þess að knúsa
sófann dálítið. Nú er rétti tíminn til
að horfa á nokkrar bíómyndir sem þú
hefur trassað í sól og sumaryl. Það er
notalegt að vera á flandri yfir daginn
en hvíla sig svo yfir góðri ræmu þeg-
ar kvölda tekur. Ef þig vantar hug-
myndir þá er alltaf klassískt að horfa
t.d. á E.T. eða Grease. Ef þú vilt eitt-
hvað nýtt má kíkja á leiguna í sjón-
varpinu eða rölta út á næstu vídeó-
leigu. Bíómynda afslöppun er líka
notaleg eftir útileguskrall.
Endilega…
…horfið á góða
bíómynd
Sumarást Grease stendur fyrir sínu.
Sæludagur í Hörgársveit verður hald-
inn í dag, laugardag 4. ágúst, og
verður fjölbreytt dagskrá yfir daginn.
Sæludagur í sveitinni er sveitarhátíð
sem haldin hefur verið undanfarin ár
á laugardegi um verslunarmanna-
helgina í Hörgársveit. Eru þá marg-
víslegar uppákomur í boði á Hjalt-
eyri, Möðruvöllum og víðar.
Dagskrá hefst á Möðruvöllum þar
sem tvö harðsnúin lið keppa í svíns-
lega erfiðri þrautabraut í sveitafit-
ness. Meðal annarra dagskrárliða má
nefna sögugöngu að Geirufossi í
Myrká með Leikfélagi Hörgdæla sem
hefst klukkan 14 þar sem þjóðsagan
um þennan hæsta foss héraðsins
verður sögð.
Á Arnarnesi verður handverks- og
nytjamarkaður með kaffihlaðborði
og huggulegheitum. Sandkastala-
keppni, smalahundasýningu, grill-
veislu og útitónleika má einnig nefna
en deginum lýkur með ekta sveita-
balli á Melum sem hefst klukkan 22.
Tæmandi dagskrá má finna á Fa-
cebook undir Sæludagur í Hörg-
ársveit.
Sæludagur í Hörgársveit
Söguganga, kastalakeppni,
grillveisla og dansleikur
Kraftur Tvö harðsnúin lið keppa í sveitafitness á Möðruvöllum í dag.
Skannaðu kóðann
til að fara inn á
vefsíðuna.